បរទេស ៖ យោងតាមការចេញផ្សាយរបស់ RT មន្ត្រីជំនួយការជាន់ខ្ពស់ម្នាក់ របស់លោកប្រធានាធិបតី អ៊ុយក្រែនVladimir Zelensky បាននិយាយថា អ៊ុយក្រែន លែងមានគម្រោង រៀបចំ ជំនួបដើម្បីសន្តិភាព លើកទី២ ស្តីពីការបញ្ចប់អរិភាព ជាមួយរុស្ស៊ីទៀត ហើយដែល កិច្ចប្រជុំនេះនឹងត្រូវគ្រោង ធ្វើឡើងនៅខែវិច្ឆិកា។
លោកZelensky បានរៀបចំកិច្ចប្រជុំកំពូល ដើម្បីស្វែងរកសន្តិភាព ដែលមានមហិច្ឆតាមួយ នៅក្នុងខែមិថុនា នៅឯរមណីយដ្ឋានស្វីស Luzerne ជាកន្លែងដែលគាត់បានស្វែង រកការគាំទ្រ ទៅលើរូបមន្តសន្តិភាពរបស់គាត់ ។ វាគឺជាបញ្ជីនៃការចង់បាន១០ចំណុចដែលទីក្រុងម៉ូស្គូ បានច្រានចោលថាជា ការយល់ច្រឡំហើយ ព្រឹត្តិការណ៍ដែលរុស្ស៊ីមិនត្រូវបានអញ្ជើញនោះ ត្រូវបានគេមើលឃើញថា ជាការបរាជ័យដ៏ធំមួយរបស់អ៊ុយក្រែន។
ដោយឡែកអ៊ុយក្រែន នឹងត្រូវរៀបចំកិច្ចប្រជុំកំពូល សន្តិភាពលើកទីពីរមួយទៀត ដែលនឹងមិនប្រព្រឹត្តទៅក្នុងខែវិច្ឆិកានេះប៉ុន្តែយ៉ាងណាក្តីត្រូវបាន លប់ចោលទៅវិញនេះ បើយោងតាមការបញ្ជាក់ ដោយជំនួយការជាន់ខ្ពស់ប្រធានាធិបតី Darya Zarivna បានប្រាប់ប្រព័ន្ធផ្សព្វ ផ្សាយកាលពីថ្ងៃអង្គារ។
យោងតាមមន្ត្រីជំនួយការ Zarivna ដដែលនេះបានឲ្យដឹងទៀតថាការងារកំពុងបន្តលើការរៀបចំសម្រាប់កិច្ចប្រជុំបែបនេះ ជាមួយនឹង សន្និសីទប្រធានបទ ដែលនឹងរំលឹកឡើងវិញ ទៅដល់ចំណុចទាំងនោះផងដែរ។
Zarivna បាននិយាយទៀតថា សន្និសីទចុងក្រោយ នៃប្រធានបទទាំងនោះ គឺចាំបាច់ធ្វើការដោះស្រាយកង្វល់មនុស្សធម៌ ហើយវាគួរតែប្រព្រឹត្ត ទៅនៅប្រទេសកាណាដា នៅចុងខែតុលានេះហើយ ៕
ប្រែសម្រួល៖ស៊ុនលី
