ថៃ៖ គណបក្សភឿថៃថា ញត្តិដែលស្វែងរកការ រំលាយគណបក្សភឿថៃ ដោយចោទថា ស្ថិតក្រោមឥទ្ធិពល របស់លោក ថាក់ស៊ីន គឺជាល្បែងនយោបាយ

បរទេស៖ ញត្តិដែលស្វែងរកការ រំលាយគណបក្សភឿថៃ ដែលកំពុងកាន់អំណាច នៅក្នុងប្រទេសថៃ គឺជាល្បែងនយោបាយមួយ ដែលសត្រូវបង្កើតឡើង។

យោងតាមសារព័ត៌មាន បាងកក ប៉ុស្តិ៍ ចេញផ្សាយនៅថ្ងៃទី២១ ខែតុលា ឆ្នាំ២០២៤ បានឱ្យដឹងថា ញត្តិចំនួនបួនត្រូវ បានដាក់ទៅគណៈកម្មាធិការរៀបចំការបោះឆ្នោត (EC) ប្រឆាំងនឹងគណបក្សភឿថៃ ដោយចោទប្រកាន់ថា គណបក្សនេះត្រូវបានគ្រប់គ្រងដោយអតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រា ដែលជាឪពុក របស់នាយករដ្ឋមន្ត្រី និងមេដឹកនាំគណបក្សភឿថៃ លោកស្រី ផែតងតាន ស៊ីណាវ៉ាត្រា ។

លោកថាក់ស៊ីន មិនមែនជាសមាជិកបក្សភឿថៃទេ ហើយការមកក្រោម ឥទ្ធិពលរបស់អ្នកខាងក្រៅ គឺប្រឆាំងនឹងច្បាប់ គណបក្សនយោបាយ និង ត្រូវផ្តន្ទាទោសដោយការរំលាយគណបក្ស។ EC បានទទួលស្គាល់ និងរួមបញ្ចូលញត្តិ សម្រាប់ការស៊ើបអង្កេត។

ប្រសិនបើភស្តុតាងគាំទ្រ ការចោទប្រកាន់ នោះ គណៈកម្មការនឹងបញ្ជូនសំណុំរឿងនេះ ទៅតុលាការធម្មនុញ្ញ ដើម្បីសម្រេចរំលាយចោល។

អ្នកដាក់ញត្តិ រួមមាន បុគ្គលអនាមិក; ប្រធានគណបក្ស Thai Pakdee លោក Warong Dechgitvigrom; លោក Ruangkrai Leekitwattana សមាជិកគណបក្ស Palang Pracharath (PPRP); និង Noppharut Worachitwutthikun ដែលជាអតីតមេដឹកនាំសំខាន់ នៃក្រុមនយោបាយ Phirap Khao 2006 បានស្នើឱ្យ EC ពិចារណាសុំឱ្យតុលាការ រំលាយគណបក្សភឿថៃ និងគណបក្សចំនួនប្រាំផ្សេងទៀត ដោយសារតែការសង្ស័យថា ឥទ្ធិពលខុសច្បាប់ របស់លោកថាក់ស៊ីន។

ញត្តិរបស់ពួកគេពាក់ព័ន្ធនឹងករណីផ្សេងៗ ដូចជាសេចក្តីថ្លែងការណ៍គោលនយោបាយរបស់រដ្ឋាភិបាលចម្រុះទៅកាន់សភា ដែលឆ្លុះបញ្ចាំងពីភាពស្រដៀងគ្នាដ៏គួរឱ្យភ្ញាក់ផ្អើលជាមួយនឹងការផ្តល់យោបល់របស់លោកថាក់ស៊ីន លើគោលនយោបាយរដ្ឋាភិបាលដែលបានធ្វើឡើងកាលពីដើមឆ្នាំនេះ។

ទោះជាយ៉ាងណាក៏ដោយ ការចោទប្រកាន់នៃឥទ្ធិពលមិនសមហេតុផល ទាក់ទងនឹងគណបក្សភឿថៃ ហើយបច្ចុប្បន្ន និងអតីតគណបក្សចម្រុះបានជួបលោកថាក់ស៊ីន នៅឯគេហដ្ឋានរបស់លោក Chan Song La ក្នុងទីក្រុងបាងកក នៅថ្ងៃដែលលោក សេដ្ឋា ថាវីស៊ីន ត្រូវបានបណ្តេញចេញពីតំណែង ជានាយករដ្ឋមន្ត្រីនៅថ្ងៃទី ១៤ ខែសីហា។

គណបក្សចម្រុះដែលមានឈ្មោះក្នុងញត្តិមាន គណបក្ស Bhumjaithai គណបក្ស United Thai Nation គណបក្ស PPRP គណបក្ស Chartthaipattana និងគណបក្ស Prachachart ៕
ប្រែសម្រួលៈ ណៃ តុលា