តូក្យូ៖ ជាង ៧០ភាគរយ នៃអ្នកឆ្លើយតបបាន សម្តែងការព្រួយបារម្ភថា ភាពចលាចលនយោបាយថ្មីៗ នៅក្នុងប្រទេស កូរ៉េខាងត្បូង ដែលបង្កឡើងដោយការប្រកាសច្បាប់ អាជ្ញាសឹករបស់លោកប្រធានាធិបតីលោក Yoon Suk Yeol អាចប៉ះពាល់ដល់ទំនាក់ទំនង ទ្វេភាគីជាមួយប្រទេសជប៉ុន នេះបើតាមការស្ទង់ មតិរបស់សារព័ត៌មាន ក្យូដូបានផ្សាយកាលពីថ្ងៃអាទិត្យ ។
ការស្ទង់មតិតាមទូរស័ព្ទកាលពីចុងសប្តាហ៍ ក៏បានរកឃើញថា ការវាយតម្លៃការអនុម័តសម្រាប់ គណៈរដ្ឋមន្ត្រី របស់នាយករដ្ឋមន្ត្រីជប៉ុន លោក Shigeru Ishiba បានធ្លាក់ចុះចំនួន ៣,៥ ភាគរយពីការស្ទង់មតិមុន កាលពីពាក់កណ្តាលខែវិច្ឆិកា ដោយធ្លាក់ចុះមកត្រឹម ៣៦,៥ ភាគរយ ចំពេលមានភាពមិនច្បាស់លាស់ ដែលកំពុងបន្តលើសមត្ថភាពរបស់រដ្ឋាភិបាល របស់លោកក្នុងការអនុម័តច្បាប់ និងការអនុម័តថវិកា។
ការវាយតម្លៃបានសម្ដែងការ មិនយល់ព្រម ដោយបានកើនឡើង ៤,៣ ដល់ ៤៣,១ភាគរយ នេះបើយោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន។
លទ្ធផលចុងក្រោយនេះបានកើតឡើង នៅពេលដែលលោក Ishiba ចូលកាន់តំណែងជានាយករដ្ឋមន្ត្រីក្នុងខែទី២ បន្ទាប់ពីត្រូវបានតែងតាំងជាថ្មីបន្ទាប់ពីការបរាជ័យ ដ៏គួរឱ្យភ្ញាក់ផ្អើល នៃគណបក្សប្រជាធិបតេយ្យសេរី ដែលកំពុងកាន់អំណាច របស់គាត់ និងដៃគូចម្រុះវ័យក្មេងរបស់ខ្លួនគឺគណបក្ស Komeito ក្នុងការបោះឆ្នោត សកលកាលពីចុងខែតុលា។
ភាពចលាចលរបស់ប្រទេសកូរ៉េខាងត្បូង ដែលនាំឱ្យសភាបោះឆ្នោត ចោទប្រកាន់លោក Yoon កាលពីថ្ងៃសៅរ៍ ដែលបង្កឱ្យមានការព្យួរអំណាច ប្រធានាធិបតីរបស់គាត់ ក៏អាចបង្កបញ្ហាប្រឈម ដល់រដ្ឋាភិបាលជប៉ុនផងដែរ។
លោក Yoon ដែលជាអ្នកអភិរក្ស ដែលបានចូលកាន់តំណែងនៅឆ្នាំ២០២២ បានធ្វើការដើម្បីបន្ធូរបន្ថយភាព តានតឹងដ៏យូរអង្វែងរវាងកូរ៉េខាងត្បូង និងជប៉ុន ជុំវិញការងារក្នុង សម័យសង្រ្គាម និងជម្លោះផ្សេងៗទៀត ខណៈពេលដែលការពង្រឹង កិច្ចសហប្រតិបត្តិការ ត្រីភាគីជាមួយសហរដ្ឋអាមេរិកផងដែរ៕
ប្រែសម្រួល ឈូក បូរ៉ា
