បរទេស៖ មន្ត្រីនៅរដ្ឋកាលីហ្វ័រញ៉ា ភាគខាងត្បូង បាននិយាយថា ភ្លើងឆេះព្រៃដែលកំពុងឆេះនៅក្នុង និងជុំវិញទីក្រុង ឡូសអេន ជឺលេស បានជំរុញឱ្យមានការជម្លៀសមនុស្សជិត ១៨០.០០០ នាក់ បំផ្លាញផ្ទះសម្បែងរាប់ពាន់ខ្នង និងដុតបំផ្លាញផ្ទៃដីរាប់ម៉ឺនហិកតា ។
យោងតាមសារព័ត៌មាន VOA ចេញផ្សាយនៅថ្ងៃទី៩ ខែមករា ឆ្នាំ២០២៥ បានឱ្យដឹងថា នៅក្នុងសន្និសីទព័ត៌មាននៅថ្ងៃព្រហស្បតិ៍ មន្ត្រីក្រុង និងស្រុករបស់ទីក្រុង ឡូសអេន ជឺលេស បានផ្តល់ការធ្វើបច្ចុប្បន្នភាពអំពីអគ្គិភ័យ និងកិច្ចខិតខំប្រឹងប្រែងក្នុងការគ្រប់គ្រងពួកគេ។
លោក Kristin Crowley ប្រធានផ្នែកពន្លត់អគ្គីភ័យនៅទីក្រុង ឡូសអេន ជឺលេស បានប្រាប់អ្នកយកព័ត៌មានថា ខ្យល់បក់បោកខ្លាំងដែលបានជំរុញឱ្យក្រុមពន្លត់អគ្គីភ័យបង្កើនការទប់ស្កាត់ និងអនុញ្ញាតឱ្យប្រតិបត្តិការផ្លូវអាកាសបន្ត។
នាក្រសួងការពារព្រៃឈើ និងការពារភ្លើងរដ្ឋកាលីហ្វ័រញ៉ា បានឱ្យដឹងថា ខ្លួនកំពុងប្រយុទ្ធនឹងភ្លើងឆេះព្រៃយ៉ាងសកម្មចំនួន ៥ នៅក្នុងតំបន់ Los Angeles រួមមាន នៅ Palisades, Eaton, Hurst, Lidia និង Sunset ដោយភ្លើងឆេះនៅ Palisades និង Eaton គឺធំជាងគេ។
នៅក្នុងរបាយការណ៍ចុងក្រោយរបស់ខ្លួន ក្រសួងនេះបាននិយាយថា ភ្លើងបានឆេះផ្ទៃដីជាង ១១.៧៥០ ហិកតា។
លោក Robert Luna មេបញ្ជាការនៅ Los Angeles County បាននិយាយថា ភ្លើងឆេះនៅ Palisades, Eaton, Hurst និង Lidia បានជំរុញឱ្យមានការជម្លៀសប្រជាជនជិត ១៨០.០០០នាក់ ហើយអ្នកស្រុក ២០០.០០០ នាក់ផ្សេងទៀត ស្ថិតនៅក្រោមការបញ្ជាជម្លៀស ៕
ប្រែសម្រួលៈ ណៃ តុលា
