បរទេស ៖ យោងតាមការចេញផ្សាយរបស់ RT នាយករដ្ឋមន្ត្រីអ៊ីតាលី លោកស្រី Giorgia Meloni នឹងមិនចូលរួមក្នុង សន្និសីទវីដេអូនាពេលខាងមុខ ដែលស្នើឡើងដោយចក្រភពអង់គ្លេស និងបារាំង ដែលក្នុងនោះអ្វីដែលគេហៅថា សម្ព័ន្ធនៃឆន្ទៈឬCoalition of the willing ដែលមានបំណងបង្កើនការគាំទ្រ ផ្នែកយោធាសម្រាប់អ៊ុយក្រែន នោះទេ។
នៅក្នុងអត្ថបទមួយរបស់ប្រទេសអ៊ីតាលីកាលពីថ្ងៃអង្គារកាសែត La Repubblica បាននិយាយថាប្រាកដណាស់ដែលលោក ស្រីMeloni នឹងធ្វើពហិការកិច្ចប្រជុំ អនឡាញ របស់មេដឹកនាំអឺរ៉ុប ខាងលិចដែលត្រូវបានកោះប្រជុំ ដោយនាយករដ្ឋមន្ត្រី អង់គ្លេស Keir Starmer នៅថ្ងៃសៅរ៍នេះ។
នាយករដ្ឋមន្ត្រីអ៊ីតាលីបានរាយការណ៍ថាដោយសារនាងមិនយល់ស្របនឹងការជំរុញដោយទីក្រុងឡុង និងប៉ារីសក្នុងការបញ្ជូនកងរក្សាសន្តិភាពទៅជួយក្រុងគៀវដូច្នេះលោកស្ឬី Meloni ជឿជាក់ថាលោក Starmer និងប្រធានាធិបតីបារាំង Emmanuel Macron កំពុង ប្រញាប់ប្រញាល់ទៅមុខ ជាមួយនឹងគំនិត របស់ពួកគេខ្លាំងពេកហើយ។
កាសែតLa Stampa ដដែលបានកត់សម្គាល់ថាការផ្លាស់ប្តូរដោយទីក្រុងរ៉ូមអាច បំបែកផ្នែកខាងមុខដែលលោក Keir Starmer និង Emmanuel Macron កំពុងព្យាយាមរៀបចំ ។
គួរឲ្យដឹងដែរថាអាជ្ញាធរអ៊ីតាលី បានសម្រេចចិត្ត ដកខ្លួនចេញពីសន្និសីទតាមវីដេអូ បន្ទាប់ពីមានការពិភាក្សាយ៉ាង ទូលំទូលាយ ជាមួយរដ្ឋាភិបាលផ្សេងទៀត រួមទាំងរដ្ឋបាលរបស់ប្រធានាធិបតីអាមេរិក Donald Trump ផងដែរ៕
ប្រែសម្រួល៖ស៊ុនលី
