បរទេស ៖ យោងតាមការចេញផ្សាយរបស់ RTវិមានក្រឹមឡាំង បានចេញផ្សាយបញ្ជី នៃទីតាំងផ្គត់ផ្គង់ថាមពល ដែលស្ថិតនៅក្រោមបទ ឈប់បាញ់បណ្តោះអាសន្ន ដោយសហរដ្ឋអាមេរិក រវាងរុស្ស៊ីនិងអ៊ុយក្រែន ។
គួរឲ្យដឹងដែរថា ការផ្អាកនៅក្នុងការវាយប្រហារ រយៈពេលវែងប្រឆាំងនឹងគោលដៅ បែបនេះបានចូលជាធរមាននៅថ្ងៃទី១៨ខែមីនា ហើយនឹងមានរយៈពេល៣០ថ្ងៃ នេះបើយោងតាមការ ប្រកាសដោយភាគីរដ្ឋាភិបាល នៃទីក្រុងមូស្គូ។
ក្នុងនោះគេប្រភេទនៃទីតាំងថាមពលដែលស្ថិតក្រោមបទឈប់បាញ់រួមមាន កន្លែងកែច្នៃប្រេង និងឧស្ម័ន រួមទាំងស្ថានីយ៍បូមទឹក និងបំពង់បង្ហូរប្រេង កន្លែងផលិត និងចែកចាយអគ្គិសនី រោងចក្រថាមពលនុយក្លេអ៊ែរ និងទំនប់វារីអគ្គិសនីជាដើម។
ទីក្រុងមូស្គូបានកត់សម្គាល់ថា បទឈប់បាញ់អាចអូសបន្លាយលើសពីរយៈពេល៣០ថ្ងៃ ប្រសិនបើភាគីទាំងពីរយល់ព្រមគ្នាហើយបន្ថែមថា ប្រសិនបើភាគីណាមួយបំពានកិច្ចព្រមព្រៀងនោះ ភាគីម្ខាងទៀតអាចពិចារណាខ្លួនឯងថារួចផុតពីកាតព្វកិច្ចរបស់ខ្លួនបាន។
ការផ្អាកការធ្វើការ វាយប្រហារ ត្រូវបានស្នើឡើង ដំបូងដោយលោក Trump ទៅកាន់ប្រធានាធិបតីរុស្ស៊ីលោក Vladimir Putin ក្នុងអំឡុងពេលការហៅទូរស័ព្ទ កាលពីសប្តាហ៍មុន ដោយជាលទ្ធផលមេដឹកនាំរុស្ស៊ីបានយល់ព្រម ហើយបញ្ជាឱ្យយោធាប្រទេសនេះបញ្ឈប់ការវាយប្រហារលើរោងចក្រថាមពល របស់អ៊ុយក្រែនជាបន្ទាន់ ។
ដោយឡែកភាគីខាងអ៊ុយក្រែនវិញ លោកZelensky ក៏បានប្រកាសគាំទ្រជាសាធារណៈ នូវគំនិតនៃបទឈប់បាញ់ភ្លាមៗ បន្ទាប់ពីវាត្រូវបានប្រកាស ជាលើកដំបូងនោះផងដែរ ៕
ប្រែសម្រួល៖ស៊ុនលី
