តូក្យូ ៖ មនុស្សរហូតដល់ ២៩៨,០០០ នាក់នៅក្នុងប្រទេសជប៉ុន អាចស្លាប់នៅក្នុងការរញ្ជួយដី ដែលកើតឡើងនៅតំបន់ Nankai Trough ដែលជាការប៉ាន់ប្រមាណ ដែលត្រូវបានកែសម្រួល ដោយក្រុមការងារ រញ្ជួយដីរបស់រដ្ឋាភិបាល បានបង្ហាញកាលពីថ្ងៃចន្ទ ជាមួយនឹងកិច្ចខិតខំប្រឹងប្រែង ដើម្បីកាត់បន្ថយការខូចខាត ដែលកាត់បន្ថយចំនួនប្រហែល ១០ ភាគរយពីការប៉ាន់ប្រមាណ កាលពីមុនក្នុងឆ្នាំ២០១២។
ទោះជាយ៉ាងណាក៏ដោយ ការកាត់បន្ថយនេះ គឺមិនតិចជាងគោលដៅនៃការកាត់បន្ថយចំនួនអ្នកស្លាប់ដោយប្រហែល ៨០ ភាគរយដែលបានកំណត់នៅក្នុងផែនការមូលដ្ឋានឆ្នាំ២០១៤ របស់រដ្ឋាភិបាលសម្រាប់ការបង្ការគ្រោះមហន្តរាយ ដោយបង្ហាញពីតម្រូវការសម្រាប់ការកែសម្រួលសំខាន់ៗនៅក្នុងយុទ្ធសាស្រ្តជម្លៀស និងការកែលម្អហេដ្ឋារចនាសម្ព័ន្ធ។
នៅក្នុងរបាយការណ៍ចុងក្រោយរបស់ខ្លួន ក្រុមការងារ បានព្យាករណ៍ថា ចំនួនអ្នកជម្លៀសនឹងកើនឡើង ពីការប៉ាន់ប្រមាណ កាលពីមុនក្នុងឆ្នាំ២០១២ពី ៩.៥ លាននាក់ ទៅ ១២.៣ លាននាក់ ស្មើនឹងប្រហែល ១០ ភាគរយនៃចំនួនប្រជាជនជប៉ុន។ ក្រុងសរុបចំនួន ៧៦៤ នៅទូទាំង ៣១តំបន់ នៃខេត្តចំនួន ៤៧ របស់ប្រទេសជប៉ុន នឹងជួបប្រទះការរញ្ជួយយ៉ាងហោច ណាស់ ៦ លើមាត្រដ្ឋានអាំងតង់ស៊ីតេរញ្ជួយរបស់ជប៉ុន ៧ ឬរលកយក្សស៊ូណាមិ ដែលមានកម្ពស់យ៉ាងហោចណាស់ ៣ ម៉ែត្រ។
ខណៈពេលដែលការខាតបង់ផ្នែកសេដ្ឋកិច្ចត្រូវបានគេព្យាករណ៍ថានឹងកើនឡើងដល់ ២៧០ ពាន់ពាន់លានយ៉េន (១.៨ ទ្រីលានដុល្លារ) កើនឡើងពីការប៉ាន់ ប្រមាណពីមុនចំនួន ២១៤ ពាន់ពាន់លានយ៉េន ចំនួនអគារអតិបរមាដែលរំពឹងថា នឹងត្រូវបំផ្លាញទាំងស្រុងត្រូវបានកាត់បន្ថយ បន្តិចបន្តួចមកត្រឹម ២.៣៥ លានដោយសារតែការ ធ្វើឱ្យប្រសើរឡើង នៃការរញ្ជួយដីឡើងវិញនៃលំនៅដ្ឋាន។
យោងតាមរបាយការណ៍ បានឱ្យដឹងថា មនុស្ស ២១៥,០០០ នាក់ក្នុ ងចំណោមអ្នកស្លាប់ ២៩៨,០០០ នាក់ដែលបានព្យាករណ៍ នឹងបណ្តាលមកពីរលកយក្សស៊ូណាមិ ដោយផ្អែកលើការសន្មត់ថាមានតែមនុស្ស ២០ ភាគរយប៉ុណ្ណោះដែលនឹងជម្លៀស ចេញភ្លាមៗ។ ការបង្កើនអត្រាជម្លៀសដល់ ៧០ ភាគរយអាចកាត់បន្ថយចំនួន អ្នកស្លាប់ដោយ សាររលកយក្សស៊ូណា មិមកត្រឹម ៩៤,០០០ នាក់ ដោយបញ្ជាក់ពីសារៈសំខាន់ នៃការជម្លៀស យ៉ាងឆាប់រហ័ស ។
តំបន់ដែលរំពឹងថានឹងជួបប្រទះ ទឹកជំនន់យ៉ាងហោចណាស់ ៣០ សង់ទីម៉ែត្រកើនឡើង ៣០ ភាគរយពីការប៉ាន់ប្រមាណ កាលពីមុនដោយសារតែភាពជឿនលឿននៃការវិភាគទិន្នន័យសណ្ឋានដី។ ចំនួនអ្នកស្លាប់សរុបមិនត្រូវបានគេរំពឹងថា នឹងធ្លាក់ចុះគួរឱ្យកត់សម្គាល់នោះទេ ទោះបីជាមានជញ្ជាំងសមុទ្រ និងកន្លែងជម្លៀសពីរលកយក្សស៊ូណាមិក៏ដោយ៕
ប្រែសម្រូល ឈូក បូរ៉ា
