តូក្យូ៖ ប្រទេសជប៉ុន បានសម្តែងការខកចិត្តរបស់ខ្លួន និង “ក្តីបារម្ភយ៉ាងធ្ងន់ធ្ងរ” ជុំវិញការផ្លាស់ប្តូររបស់សហរដ្ឋអាមេរិក ក្នុងការដំឡើងពន្ធទៅវិញទៅមកលើផលិតផលរបស់ប្រទេសអាស៊ី ដោយអំពាវនាវឱ្យទីក្រុងវ៉ាស៊ីនតោន ដែលជាសម្ព័ន្ធមិត្តជិតស្និទ្ធបំផុតរបស់ខ្លួនឱ្យលុបចោលវិធានការនេះ ដែលទីក្រុងតូក្យូអះអាងថា អាចបំពានច្បាប់ពាណិជ្ជកម្មពិភពលោក។
នាយករដ្ឋមន្ត្រីជប៉ុនលោក Shigeru Ishiba បានឲ្យដឹងថា ជំហានរឹតបន្តឹងពាណិជ្ជកម្មដ៏ធំទូលាយរបស់សហរដ្ឋអាមេរិកនឹងមានឥទ្ធិពលអវិជ្ជមានយ៉ាងធំធេងលើទំនាក់ទំនងសេដ្ឋកិច្ចទ្វេភាគី សេដ្ឋកិច្ចពិភពលោក និងប្រព័ន្ធពាណិជ្ជកម្មពហុភាគី។ លោកបានលើកឡ
ងថា លោកនឹងជំរុញឱ្យប្រធានាធិបតីអាមេរិកលោក ដូណាល់ ត្រាំ គិតឡើងវិញនូវវិធានការនេះដោយផ្ទាល់ ប្រសិនបើចាំបាច់។
ជាការឆ្លើយតបទៅនឹងពន្ធថ្មី ២៤ ភាគរយដែលផ្តោតលើប្រទេសជប៉ុន មន្ត្រីរដ្ឋាភិបាលបានទុកលទ្ធភាពនៃការចាត់វិធានការសងសឹកដោយបើកចំហដោយមិនបដិសេធជាផ្លូវការ។
រដ្ឋមន្ត្រីសេដ្ឋកិច្ច ពាណិជ្ជកម្ម និងឧស្សាហកម្មលោក Yoji Muto បានឲ្យដឹងថា រដ្ឋាភិបាលជប៉ុន នឹងស្វែងរកជម្រើសផ្សេងៗ និងជ្រើសរើសផ្លូវដ៏ល្អបំផុតសម្រាប់ការពារផលប្រយោជន៍ជាតិ៕
ប្រែសម្រួល ឈូក បូរ៉ា
