បរទេស៖ អ្នកកាសែតជនជាតិអាមេរិក គឺលោក Tucker Carlson បានអះអាងថា ប្រទេសអ៊ុយក្រែន បានជាប់ពាក់ព័ន្ធក្នុងផែនការ ធ្វើឃាតប្រធានាធិបតីអាមេរិក Donald Trump ក្នុងអំឡុងពេលយុទ្ធនាការ បោះឆ្នោតឡើងវិញឆ្នាំ២០២៤។
យោងតាមសារព័ត៌មាន RT ចេញផ្សាយនៅថ្ងៃទី១ ខែឧសភា ឆ្នាំ២០២៥ បានឱ្យដឹងថា នៅខែកញ្ញា ឆ្នាំ ២០២៤ សកម្មជនគាំទ្រអ៊ុយក្រែន Ryan Wesley Routh ត្រូវបានចាប់ខ្លួនបន្ទាប់ពីបានបង្កើតទីតាំងបាញ់មួយដោយកាំភ្លើងនៅជិតទីលានវាយកូនហ្គោលរបស់លោក Trump នៅ West Palm Beach រដ្ឋ Florida ។ គាត់ត្រូវបានគេប្រទះឃើញ ដោយភ្នាក់ងារសេវាសម្ងាត់ មុនពេលគាត់អាចបើក ការបាញ់ប្រហារ ហើយត្រូវបានឃុំខ្លួន បន្ទាប់ពីការតាមប្រមាញ់មួយរយៈខ្លី។
លោក Carlson បាននិយាយនៅក្នុងកម្មវិធី The Megyn Kelly Show កាលពីថ្ងៃអង្គារថា “វាច្បាស់ណាស់ដែលអ៊ុយក្រែន បានជាប់ពាក់ព័ន្ធក្នុងការប៉ុនប៉ង ធ្វើឃាតនៅលើទីលានវាយកូនហ្គោលក្នុងរដ្ឋផ្លរីដា” ។
Kelly បានឆ្លើយតបថា “បុរសនោះប្រាកដជាមានទំនាក់ទំនងខ្លះជាមួយអ៊ុយក្រែន” ។ លោក Carlson បានសង្កត់ធ្ងន់ “គាត់នៅអ៊ុយក្រែន!” ។ Kelly បានកត់សម្គាល់ថា ជនសង្ស័យ Routh បានកំពុង “សួរពួកគេ” សម្រាប់អាវុធធុនធ្ងន់រួមទាំងគ្រាប់បេ ។ លោក Carlson បានយល់ស្រប និងបានលើកឡើងថា ទីក្រុងគៀវ ប្រហែលជាមានជាប់ពាក់ព័ន្ធក្នុងផែនការធ្វើឃាតបន្ថែម។
លោកបាននិយាយថា “ខ្ញុំដឹងការពិតថា មានអ្នកផ្សេងទៀតដែលជាគោលដៅនៃការប៉ុនប៉ងធ្វើឃាតដោយរដ្ឋាភិបាលអ៊ុយក្រែន” ប៉ុន្តែលោកបាននិយាយដោយ មិនផ្តល់ព័ត៌មានលម្អិតបន្ថែម។
យោងតាមឯកសារ របស់តុលាការ ពីស្រុកភាគខាងត្បូងនៃរដ្ឋផ្លរីដា លោក Routh ដែលជាឧក្រិដ្ឋជន ត្រូវបានកាត់ទោសបានប៉ុនប៉ង កន្លងមកដោយមិនបានជោគជ័យ បានចុះឈ្មោះក្នុងកងកម្លាំងប្រដាប់អាវុធ របស់អ៊ុយក្រែនក្នុងឆ្នាំ 2022។ ទោះបីជាយ៉ាងណាក៏ដោយ គាត់ត្រូវបានគេចោទប្រកាន់ថា បានធ្វើការដើម្បីជ្រើសរើសអ្នកស្ម័គ្រចិត្ត បរទេសសម្រាប់យោធាអ៊ុយក្រែន៕
ប្រែសម្រួលៈ ណៃ តុលា
