បរទេស ៖ យោធាអាមេរិក បានចូលរួមជាមួយកងកម្លាំងអ៊ីស្រាអែល ក្នុងយុទ្ធនាការវាយប្រហារ តាមអាកាសរយៈពេលមួយសប្តាហ៍ របស់ពួកគេប្រឆាំងនឹងទីតាំងនុយក្លេអ៊ែរ និងទីតាំងយោធារបស់អ៊ីរ៉ង់ ដោយលោកប្រធានាធិបតី Trump បានបញ្ជាក់ពីការវាយប្រហារ លើកដំបូងរបស់សហរដ្ឋ អាមេរិកនៅថ្ងៃអាទិត្យនេះ។
យោងតាមសារព័ត៌មាន RT ចេញផ្សាយនៅថ្ងៃទី២២ ខែមិថុនា ឆ្នាំ២០២៥ បានឱ្យដឹងថា លោក Trump បានប្រកាសនៅក្នុងការបង្ហោះនៅលើ Truth Social ដោយបន្ថែមថា គោលដៅផ្សេងទៀតរួមមាន Natanz និង Esfahan បន្ទាប់ពីគ្រាប់បែក “បន្ទុកពេញលេញនៃ BOMBS ត្រូវបានទម្លាក់នៅលើគោលដៅសំខាន់គឺ Fordow” ។
នៅក្នុងសារដដែល មេដឹកនាំអាមេរិកបានជំរុញទីក្រុងតេអេរ៉ង់កុំឱ្យសងសឹក និងចូលរួមក្នុងកិច្ចចរចា ដោយអះអាងថាពេលនេះជា “ពេលវេលាសម្រាប់សន្តិភាព”។
កន្លងមក ទីក្រុងតេអេរ៉ង់បានព្រមានក្រុងវ៉ាស៊ីនតោន និងភាគីទីបីផ្សេងទៀត ប្រឆាំងនឹងការ ចូលរួមក្នុងជម្លោះនេះ ដោយគម្រាមកំណត់គោលដៅ លើទ្រព្យសម្បត្តិអរិភាព និងការដឹកជញ្ជូនអាវុធដែលចងសម្រាប់អ៊ីស្រាអែល ។ អ្នកនាំពាក្យក្រុម Houthis របស់យេម៉ែនក៏បានព្រមានដែរថា ប្រសិនបើអាមេរិកចូលរួម ក្រុមនេះនឹងកំណត់គោលដៅ លើនាវាចម្បាំងរបស់ខ្លួននៅសមុទ្រក្រហម។
ប្រែសម្រួលៈ ណៃ តុលា
Recommended for you
