បរទេស៖ អ្នកនាំពាក្យក្រសួងសុខាភិបាលថៃបាននិយាយថា រដ្ឋាភិបាលបានបញ្ជាក់ពីករណីឆ្លងវីរុសថ្មីចំនួន ៣ ករណី ដែលសុទ្ធសឹងតែជាអ្នកវិលត្រឡប់ពីក្រៅប្រទេស និងគ្មានការស្លាប់បន្ថែមទៀតនោះទេ នៅព្រឹកថ្ងៃអង្គារនេះ។
យោងតាមសារព័ត៌មានថៃ Bankok Post ចេញផ្សាយនៅថ្ងៃទី២៦ ខែឧសភា ឆ្នាំ២០២០ បានឱ្យដឹងថា អ្នកនាំពាក្យមជ្ឈមណ្ឌលរដ្ឋបាល Covid-19 បាននិយាយថា ករណីថ្មីទាំងនេះគឺជាមនុស្សដែលបានវិលត្រឡប់ពីបរទេសវិញ ហើយបានស្ថិតនៅក្នុងការដាច់ដោយឡែក។ អ្នកជំងឺថ្មីទាំងនោះមានរោគសញ្ញាស្រាល ឬគ្មានលេចរោគសញ្ញា។
លោកវេជ្ជបណ្ឌិត Taweesilp បាននិយាយថា ករណីទី ១ គឺបុរសជនជាតិថៃម្នាក់ដែលមានអាយុ ៥១ ឆ្នាំដែលបានវិលត្រឡប់មកពីប្រទេសរុស្ស៊ីកាលពីថ្ងៃទី ១២ ខែឧសភា ហើយត្រូវបានគេកាត់ផ្តាច់នៅក្នុងខេត្ត Chon Buri ។ នាងមិនមានរោគសញ្ញាអ្វីទេប៉ុន្តែបានធ្វើតេស្ត៍វិជ្ជមានសម្រាប់ជំងឺនេះកាលពីថ្ងៃច័ន្ទ។ ពីរនាក់ទៀតជាបុរសថៃអាយុ ៤៥ ឆ្នាំដែលបានវិលត្រឡប់មកពីធ្វើការនៅប្រទេសគុយវ៉ែតកាលពីថ្ងៃទី ២៤ ខែឧសភាហើយត្រូវបានគេដាក់ឱ្យនៅដាច់ដោយឡែកនៅខេត្តសាមុតប្រាកាន។ ពួកគេក្អកហើយធ្វើតេស្តវិជ្ជមាននៅថ្ងៃច័ន្ទ៕
ប្រែសម្រួលៈ ណៃតុលា
