បញ្ជាការកណ្តាល សហរដ្ឋអាមេរិកបញ្ជាក់ថា ទាហានអាមេរិក ៦ នាក់ ស្លាប់នៅក្នុងប្រតិបត្តិការ វាយប្រហារអ៊ីរ៉ង់
វ៉ាស៊ីនតោន៖ បញ្ជាការកណ្តាលសហរដ្ឋអាមេរិក បានប្រកាសអំពីការស្លាប់ របស់សមាជិកយោធាអាមេរិកពីរនាក់ បន្ថែមទៀតនៅក្នុងការវាយប្រហារប្រឆាំងនឹងអ៊ីរ៉ង់ ដែលនាំឱ្យចំនួនសរុបឡើងដល់ ៦នាក់។
ប្រភពបានឧ្យដឹងថា គិតត្រឹមម៉ោង ៤ រសៀលថ្ងៃទី ២ ខែមីនា សមាជិកយោធាអាមេរិកចំនួន ៦ នាក់ត្រូវបានសម្លាប់នៅក្នុងប្រតិបត្តិការ។
បញ្ជាការបានឧ្យដឹងនៅក្នុងប្រកាសមួយនៅលើ X ថា កងកម្លាំងអាមេរិកថ្មីៗនេះបានរកឃើញសាកសពសមាជិកយោធាពីរនាក់ ដែលពីមុនមិនបានរាប់បញ្ចូលពីកន្លែងមួយ ដែលត្រូវបានវាយប្រហារក្នុងអំឡុង ពេលការវាយប្រហារដំបូង របស់អ៊ីរ៉ង់នៅក្នុងតំបន់”។
នៅក្នុងប្រកាសមួយផ្សេងទៀតមុននេះ បញ្ជាការបានឧ្យដឹងថា កងកម្លាំងអាមេរិកបានលិចនាវាកងទ័ពជើងទឹកអ៊ីរ៉ង់ចំនួន ១១ គ្រឿងដែលកំពុងប្រតិបត្តិការនៅក្នុងឈូងសមុទ្រអូម៉ង់។
គួរបញ្ជាក់ថា សហរដ្ឋអាមេរិក និងអ៊ីស្រាអែល បានចាប់ផ្តើមការវាយប្រហារ តាមអាកាសដ៏ធំប្រឆាំងនឹងអ៊ីរ៉ង់ នៅព្រឹកថ្ងៃសៅរ៍។ អ៊ីរ៉ង់បានបញ្ជាក់នៅថ្ងៃអាទិត្យថា មេដឹកនាំកំពូលរបស់ខ្លួន Ayatollah Ali Khamenei ត្រូវបានសម្លាប់នៅក្នុងការវាយប្រហារតាមអាកាស។
ប្រធានាធិបតីសហរដ្ឋអាមេរិក លោក ដូណាល់ ត្រាំ បានបញ្ជាក់កាលពីថ្ងៃចន្ទម្សិលមិញនេះថា យុទ្ធនាការយោធាប្រឆាំងនឹងអ៊ីរ៉ង់មានសមត្ថភាព ដែលអាចដំណើរការបានយូរជាង ៤ ទៅ ៥សប្តាហ៍៕
ប្រែសម្រួល ឈូក បូរ៉ា
