លោក ដូណាល់ ត្រាំ បានបណ្តេញរដ្ឋមន្ត្រីសន្តិសុខ មាតុភូមិ លោកស្រី Kristi Noem ចេញពីតំណែង
វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានប្រកាសកាលពីថ្ងៃព្រហស្បតិ៍ថា លោកនឹងជំនួសរដ្ឋមន្ត្រីសន្តិសុខមាតុភូមិ លោកស្រី Kristi Noem ចំពេលមានការខកចិត្តកាន់តែខ្លាំងឡើង ចំពោះភាពជាអ្នកដឹកនាំ របស់គណបក្សទាំងពីរ។
លោក ត្រាំ បានឧ្យដឹងនៅលើ Truth Social របស់លោកថា “ខ្ញុំមានសេចក្តីសោមនស្សរីករាយក្នុងការប្រកាសថា សមាជិកព្រឹទ្ធសភាសហរដ្ឋអាមេរិកដ៏គួរឱ្យគោរពបំផុតមកពីរដ្ឋ Oklahoma គឺលោក Markwayne Mullin នឹងក្លាយជារដ្ឋមន្ត្រីសន្តិសុខមាតុភូមិ (DHS) សហរដ្ឋអាមេរិក ដែលមានប្រសិទ្ធភាពចាប់ពីថ្ងៃទី៣១ ខែមីនា ឆ្នាំ២០២៦”។
លោកបានលេីកឡេីងថា “រដ្ឋមន្ត្រីបច្ចុប្បន្ន លោកស្រី Kristi Noem ដែលបានបម្រើយើងយ៉ាងល្អ និងមានលទ្ធផលជាច្រើន និងអស្ចារ្យ នឹងផ្លាស់ប្តូរ ទៅជាបេសកជនពិសេសនៃទ្វីបអាមេរិក ដែលជាគំនិតផ្តួចផ្តើម សន្តិសុខថ្មីរបស់យើងនៅអឌ្ឍគោលខាងលិច ដែលយើងកំពុងប្រកាស នៅថ្ងៃសៅរ៍នៅ Doral រដ្ឋ Florida។
ការប្រកាសនេះ ដែលជាការរុះរើគណៈរដ្ឋមន្ត្រី លើកដំបូង ចាប់តាំងពីអាណត្តិទីពីរ របស់លោក ត្រាំ បានកើតឡើងភ្លាមៗ បន្ទាប់ពីប្រព័ន្ធផ្សព្វផ្សាយ អាមេរិកបានរាយការណ៍ថា ប្រធានាធិបតីកំពុងពិចារណាបណ្តេញលោកស្រី ចេញតំណែង ដែលស្ថិតនៅក្រោមសម្ពាធ ពី គណបក្សទាំងពីរ បន្ទាប់ពីមន្ត្រីអនុវត្តច្បាប់ សហព័ន្ធបានបាញ់សម្លាប់ពលរដ្ឋអាមេរិកពីរ នាក់នៅទីក្រុង Minneapolis៕
