ភាគហ៊ុនអាមេរិកធ្លាក់ចុះ ខណៈភាពតានតឹង នៅមជ្ឈិមបូព៌ា ជំរុញឱ្យតម្លៃប្រេងកើនឡើង
ញូវយ៉ក៖ ភាគហ៊ុនអាមេរិក បានធ្លាក់ចុះនៅថ្ងៃព្រហស្បតិ៍ ដោយសារជម្លោះកាន់តែកើនឡើងនៅមជ្ឈិមបូព៌ា និងការកើនឡើងឡើងវិញ នៃតម្លៃប្រេងបានធ្វើឱ្យ Wall Street មានសម្ពាធយ៉ាងខ្លាំង។
សន្ទស្សន៍ឧស្សាហកម្ម Dow Jones បានធ្លាក់ចុះ ១.៦១ភាគរយមកត្រឹម ៤៧,៩៥៤,៧៤។ សន្ទស្សន៍ S&P 500 បានធ្លាក់ចុះ ០.៥៦ភាគរយមកត្រឹម ៦,៨៣០,៧១។ សន្ទស្សន៍ Nasdaq Composite បានធ្លាក់ចុះ ០,២៦ភាគរយមកត្រឹម ២២,៧៤៨,៩៩។
ក្នុងចំណោមវិស័យសំខាន់ៗចំនួន ១១ របស់ S&P 500 មានចំនួន៨ បានបញ្ចប់ដោយពណ៌ក្រហម ដោយទំនិញប្រើប្រាស់សំខាន់ៗ និងសម្ភារៈនាំមុខគេដោយធ្លាក់ចុះ ២.៤៣ភាគរយ និង ២.២៧ភាគរយរៀងៗខ្លួន។ ថាមពល និងបច្ចេកវិទ្យានាំមុខគេដោយកើនឡើង ០.៥៩ភាគរយ និង ០.៣៩ភាគរយរៀងៗខ្លួន។
តម្លៃប្រេងបានកើនឡើង គួរឱ្យកត់សម្គាល់បន្ទាប់ពីអ៊ីរ៉ង់បានប្រកាសថា ខ្លួនបានវាយប្រហារនាវាដឹក ប្រេងមួយគ្រឿងដោយមីស៊ីល។
អនាគតប្រេងឆៅ West Texas Intermediate របស់សហរដ្ឋអាមេរិក សម្រាប់ចែកចាយខែមេសា បានកើនឡើង ៨,៥១ ភាគរយដល់ជាង ៨១ ដុល្លារអាមេរិកក្នុងមួយបារ៉ែល ដែលឈានដល់កម្រិតខ្ពស់បំផុត ចាប់តាំងពីខែកក្កដា ឆ្នាំ ២០២៤។
កិច្ចសន្យាអនាគតប្រេងឆៅ Brent របស់អន្តរជាតិសម្រាប់ ចែកចាយខែឧសភាបានកើនឡើង ៤,៩៣ ភាគរយ ដោយជួញដូរលើសពី ៨៥ ដុល្លារក្នុងមួយបារ៉ែល ។ ចលនាកើនឡើងយ៉ាងខ្លាំងទាំងនេះ នៅក្នុងទីផ្សារថាមពលបានជំរុញ ឱ្យមានការប្រែប្រួល ដ៏សំខាន់នៅទូទាំងភាគហ៊ុនពេញមួយវគ្គជួញដូរ៕
ប្រែសម្រួល ឈូក បូរ៉ា
