អធិការបតីអាល្លឺម៉ង់ រិះគន់យុទ្ធសាស្ត្រ របស់សហរដ្ឋអាមេរិក ក្នុងជម្លោះជាមួយអ៊ីរ៉ង់
ប៊ែរឡាំង៖ អធិការបតីអាល្លឺម៉ង់ លោក Friedrich Merz បានរិះគន់សហរដ្ឋអាមេរិកចំពោះការចូលរួមផ្នែកយោធា “គ្មានផែនការ” របស់ខ្លួននៅក្នុងប្រទេសអ៊ីរ៉ង់ ដោយបន្ថែមថា សហរដ្ឋអាមេរិក “កំពុងត្រូវបានភាពជាអ្នកដឹកនាំអ៊ីរ៉ង់ ធ្វេីឧ្យអាម៉ាស់”។
ថ្លែងនៅឯ Carolus-Magnus-Gymnasium ដែលជាសាលាមួយក្នុងទីក្រុង Marsberg ខេត្ត North Rhine-Westphalia លោក Merz បានសម្តែង ការសង្ស័យរបស់លោកអំពីសមត្ថភាពរបស់ទីក្រុងវ៉ាស៊ីនតោន ក្នុងការបញ្ចប់សង្គ្រាម របស់ខ្លួនជាមួយអ៊ីរ៉ង់។
លោក Merz ត្រូវបានដកស្រង់សម្តីដោយ ទស្សនាវដ្តីអាល្លឺម៉ង់ Spiegel ដោយបន្ថែមថា សហរដ្ឋអាមេរិក “ជាក់ស្តែងបានចូលទៅក្នុងសង្គ្រាមនេះដោយគ្មាន យុទ្ធសាស្ត្រណាមួយឡើយ” ដោយបន្ថែមថា ភាគីអ៊ីរ៉ង់កំពុងចរចាយ៉ាងប៉ិនប្រសប់។
លោកបានលេីកឡេីងថា “បញ្ហាជាមួយនឹងជម្លោះបែបនេះ គឺតែងតែថា អ្នកមិនត្រឹមតែត្រូវចូលទៅក្នុងសង្គ្រាមនោះទេ ប៉ុន្ដែអ្នកក៏ត្រូវរកផ្លូវចេញទៅវិញដែរ”។
លោកបានបញ្ជាក់ជាថ្មីនូវការផ្តល់ជូនរបស់អាល្លឺម៉ង់ ក្នុងការជួយធានាសុវត្ថិភាពច្រកសមុទ្រហ័រមូស និងស្តារខ្សែសង្វាក់ផ្គត់ផ្គង់ប្រេងសកលឡើងវិញ។ យ៉ាងណាក៏ដោយ លោកបានសង្កត់ធ្ងន់ថា ប្រទេសអាល្លឺម៉ង់ នឹងចូលរួម លុះត្រាតែប្រតិបត្តិការប្រយុទ្ធទាំងអស់ត្រូវបានបញ្ឈប់៕
ប្រែសម្រួល ឈូក បូរ៉ា
