រដ្ឋមន្ត្រីថាមពលអារ៉ាប៊ីសាអូឌីត បំពេញទស្សនកិច្ចនៅរុស្ស៊ី និងអំពាវនាវឱ្យមានស្ថិរភាពវិស័យថាមពល
បរទេស៖ រដ្ឋមន្ត្រីថាមពលអារ៉ាប៊ីសាអូឌីតបានជួបជាមួយសមភាគីរុស្ស៊ីនៅថ្ងៃព្រហស្បតិ៍ ហើយបានអំពាវនាវឱ្យមានស្ថិរភាពក្នុងវិស័យថាមពល ខណៈដែលសង្គ្រាមអ៊ីរ៉ង់ និងអ៊ុយក្រែនបានកាត់បន្ថយទិន្នផលប្រេងពីប្រទេសផលិតប្រេងកំពូលពីររបស់ OPEC+ និងធ្វើឱ្យតម្លៃកើនឡើង។
យោងតាមសារព័ត៌មាន រ៉យទ័រ ចេញផ្សាយកាលពីយប់ថ្ងៃទី៤ ខែមិថុនា ឆ្នាំ២០២៦ថា OPEC+ កំពុងប្រឈមមុខនឹងបញ្ហាប្រឈមដែលមិនធ្លាប់មានពីមុនមកនៅឆ្នាំ ២០២៦ ខណៈដែលសង្គ្រាមទាំងពីរបានបង្ខំឱ្យកាត់បន្ថយការនាំចេញប្រេង និងធ្វើឱ្យកិច្ចព្រមព្រៀងគោលនយោបាយទិន្នផលរបស់ពួកគេក្លាយជានិមិត្តរូប។ បន្ថែមពីលើនេះ អារ៉ាប់រួម ដែលជាសមាជិក OPEC អស់រយៈពេលជិត ៦០ ឆ្នាំ បានធ្វើឱ្យសមាជិកដទៃទៀតភ្ញាក់ផ្អើលកាលពីខែមេសា ដោយចាកចេញពីក្រុមនេះ។
យ៉ាងណាក៏ដោយ ថ្ងៃព្រហស្បតិ៍ រដ្ឋមន្ត្រីថាមពលអារ៉ាប៊ីសាអូឌីត ព្រះអង្គម្ចាស់ Abdulaziz bin Salman និងមន្ត្រីកំពូលៗផ្សេងទៀតរបស់ OPEC បានទៅទស្សនាវេទិកាសេដ្ឋកិច្ចអន្តរជាតិ St Petersburg ដែលជាព្រឹត្តិការណ៍សេដ្ឋកិច្ចកំពូលរបស់រុស្ស៊ី ជាកន្លែងដែលទំនាក់ទំនងរវាងមេដឹកនាំ OPEC+ មើលទៅរឹងមាំទោះបីជាមានបញ្ហាប្រឈមកាន់តែទូលំទូលាយ និងទស្សនវិស័យមិនប្រាកដប្រជាសម្រាប់តម្រូវការ។
សូមជម្រាបថា ក្រុម OPEC+ ដែលមានប្រទេសចំនួន ២១ ដែលរួមមានអង្គការនៃប្រទេសនាំចេញប្រេង បូករួមទាំងរុស្ស៊ី និងសម្ព័ន្ធមិត្តផ្សេងទៀត។
ប្រែសម្រួលៈ ណៃ តុលា
