ក្រុមមេដឹកនាំអឺរ៉ុប ព្រមព្រៀងគ្នា ក្នុងការបន្តដាក់ទណ្ឌកម្មរុស្សី រយៈពេល១ឆ្នាំបន្ថែមទៀត
បរទេស ៖ ទីភ្នាក់ងារចិនស៊ិនហួចេញផ្សាយ នៅថ្ងៃនេះបានឲ្យដឹងថា ប្រធានគណៈកម្មការអឺរ៉ុប លោកស្រី Ursula von der Leyen បាននិយាយកាលពីថ្ងៃសុក្រថា មេដឹកនាំសហភាពអឺរ៉ុបឬEUបានយល់ព្រមបន្តដាក់ទណ្ឌកម្មលើប្រទេសរុស្ស៊ី សម្រាប់រយៈពេល១២ខែទៀត។
ការសម្រេចចិត្តដែលបានធ្វើឡើងនៅក្នុងកិច្ចប្រជុំកំពូលរបស់សហភាព អឺរ៉ុបនៅទីក្រុងប្រ៊ូសែល គឺជាលើកទីមួយហើយ ដែលប្លុកនេះបានបន្តកញ្ចប់ទណ្ឌកម្មសេដ្ឋកិច្ច របស់ខ្លួនសម្រាប់រយៈពេលពេញមួយឆ្នាំ។ ពីមុនវិធានការត្រូវបានពន្យារជារៀងរាល់ប្រាំមួយខែម្តង។
អ៊ុយក្រែនបានបើកការចរចាក្នុងខែនេះលើចង្កោមដំបូង នៃការចរចាចូលជាសមាជិករបស់ខ្លួនជាមួយ EU ហើយលោកស្រី von der Leyen បាននិយាយថាប្លុកនេះមានបំណងបើកចង្កោមបន្ថែមទៀតនៅពេលអនាគតដ៏ខ្លី ។
លោកស្រី von der Leyen បានប្រាប់សន្និសីទ សារព័ត៌មានបន្ទាប់ពីកិច្ចប្រជុំកំពូលថា ៖អ្នកទាំងពីរនេះផ្ញើសារដ៏ខ្លាំងមួយ ហើយយើងបន្តការងារ របស់យើងដើម្បីបញ្ចប់កញ្ចប់ទណ្ឌកម្មទី២១ ។ ទាំងនេះគឺជាទណ្ឌកម្មដ៏លំបាកដែលនឹងរក្សាសម្ពាធលើប្រទេសរុស្ស៊ី។
គួរឲ្យដឹងដែរថា ក្រុមប្រឹក្សាអឺរ៉ុបក៏បានអនុម័តសេចក្តីសន្និដ្ឋានរួមស្តីពីអ៊ុយក្រែនដែលគាំទ្រដោយមេដឹកនាំសហភាពអឺរ៉ុបទាំង២៧ជាលើកដំបូងចាប់តាំងពីខែធ្នូ ឆ្នាំ២០២៤ នេះបើយោងតាមប្រធានក្រុមប្រឹក្សាអឺរ៉ុបលោក Antonio Costa ក្នុងសន្និសីទសារព័ត៌មាន៕
ប្រែសម្រួល៖ស៊ុនលី
