អតិផរណា នៅតំបន់ចាយប្រាក់អឺរ៉ូ ធ្លាក់ចុះមកត្រឹម ២.៨ ភាគរយ នៅក្នុងខែមិថុនា ដោយសារសម្ពាធថាមពលថយចុះ
ប្រ៊ុចសែល៖ អតិផរណាប្រចាំឆ្នាំ នៅក្នុងតំបន់ ចាយប្រាក់អឺរ៉ូ ត្រូវបានគេរំពឹងថា នឹងធ្លាក់ចុះមកត្រឹម ២.៨ភាគរយ នៅក្នុងខែមិថុនា ពី ៣.២ភាគរយ នៅក្នុងខែឧសភា នេះបើយោងតាមការប៉ាន់ស្មានភ្លាមៗ ដែលចេញផ្សាយនៅថ្ងៃពុធ។
ការធ្លាក់ចុះនេះភាគច្រើនត្រូវបានជំរុញដោយការបន្ធូរបន្ថយសម្ពាធតម្លៃថាមពល។ តម្លៃថាមពលត្រូវបានគេរំពឹងថា នឹងកើនឡើង ៨.៧ភាគរយពីមួយឆ្នាំទៅមួយឆ្នាំនៅក្នុងខែមិថុនា ធ្លាក់ចុះពី ១០៨ភាគរយនៅក្នុងខែឧសភា នេះបើយោងតាម Eurostat ដែលជាការិយាល័យស្ថិតិនៃសហភាពអឺរ៉ុប។ អតិផរណាសេវាកម្មក៏ត្រូវបានគេរំពឹងថា នឹងថយចុះមកត្រឹម ៣.២ភាគរយពី ៣.៥ភាគរយកាលពីមួយខែមុន។
តម្លៃអាហារ គ្រឿងស្រវឹង និងថ្នាំជក់ត្រូវបានគេប៉ាន់ប្រមាណថានឹងកើនឡើង ១.៦ភាគរយពីមួយឆ្នាំទៅមួយឆ្នាំ ធ្លាក់ចុះពី ១.៩ភាគរយនៅក្នុងខែឧសភា ខណៈដែលទំនិញឧស្សាហកម្មមិនមែន ថាមពលត្រូវបានគេរំពឹងថា នឹងមានអត្រាអតិផរណាប្រចាំឆ្នាំ ០.៩ភាគរយ ដែលមិនផ្លាស់ប្តូរពីខែឧសភា។
អតិផរណាស្នូល ដែលមិនរាប់បញ្ចូលថាមពល អាហារ គ្រឿងស្រវឹង និងថ្នាំជក់ ត្រូវបានប៉ាន់ប្រមាណថាមាន ២.៤ភាគរយនៅក្នុងខែមិថុនា ធ្លាក់ចុះពី ២.៦ភាគរយនៅក្នុងខែឧសភា។
ក្នុងចំណោមសេដ្ឋកិច្ចធំបំផុតរបស់តំបន់ប្រើប្រាស់ប្រាក់អឺរ៉ូ អត្រាអតិផរណាប្រចាំឆ្នាំរបស់អាល្លឺម៉ង់ត្រូវបានគេរំពឹងថានឹងមាន ២.៤ភាគរយនៅក្នុងខែមិថុនា ធ្លាក់ចុះពី ២.៧ភាគរយនៅក្នុងខែឧសភា។
អតិផរណារបស់ប្រទេសបារាំងត្រូវបានគេប៉ាន់ប្រមាណថា នឹងធ្លាក់ចុះមកត្រឹម ២ភាគរយពី ២.៨ភាគរយ ខណៈដែលអតិផរណារបស់អ៊ីតាលីត្រូវបានគេរំពឹងថា នឹងថយចុះមកត្រឹម ៣.១ភាគរយពី ៣.២ភាគរយ។
អតិផរណារបស់អេស្ប៉ាញ ត្រូវបានគេប៉ាន់ប្រមាណថា នៅតែមិនផ្លាស់ប្តូរនៅ ៣.៦ភាគរយ នេះបើយោងតាមទិន្នន័យរបស់ Eurostat។
ក្នុងចំណោមសមាជិកតំបន់ប្រើប្រាស់ប្រាក់អឺរ៉ូដែលមានទិន្នន័យ ប្រទេសលីទុយអានីត្រូវបានគេប៉ាន់ប្រមាណថា បានបង្ហាញអត្រាអតិផរណាប្រចាំឆ្នាំខ្ពស់បំផុត នៅក្នុងខែមិថុនា នៅ ៥.៥ភាគរយ ខណៈដែលប្រទេសម៉ាល់ តាត្រូវបានគេប៉ាន់ប្រមាណថា បានកេីនឡេីងទាបបំផុតនៅ ១.៩ភាគរយ៕
