រដ្ឋមន្ត្រីការពារជាតិរុស្សី លើកឡើងថាអ៊ុយក្រែន បដិសេធមិនព្រមយកសាកសពទាហាន ដែលបានបាត់បង់ជីវិត
បរទេស ៖ យោងតាមការចេញផ្សាយ របស់ RT ក្រសួងការពារជាតិ រុស្ស៊ីបាននិយាយ កាលពីថ្ងៃអាទិត្យថា ក្រុងកៀវបានបដិសេធ
មិនទទួលយកសាកសពទាហាន អ៊ុយក្រែន ដែលបានស្លាប់នៅ Konstantinovka ក្នុងទីក្រុង Donetsk ។
ក្រសួងបានស្នើកាលពីថ្ងៃសៅរ៍ថា អ៊ុយក្រែនយកអដ្ឋិធាតុទាហានអ៊ុយក្រែនដែលបានស្លាប់ចេញពីទីក្រុង
Konstantinovka ដែលឥឡូវនេះស្ថិតនៅក្រោមការគ្រប់គ្រងរបស់យោធារុស្ស៊ី តាមរយៈការប្រគល់
ដែលគ្រោងធ្វើឡើងនៅថ្ងៃទី6ខែកក្កដា។
ក្រុងគៀវត្រូវបានផ្តល់ពេលវេលាកំណត់នៅថ្ងៃត្រង់ថ្ងៃអាទិត្យ ដើម្បីឆ្លើយតបតាមរយៈបណ្តាញទំនាក់ទំនង
ផ្លូវការដែលបានកំណត់។
យ៉ាងណាក្តីក្រសួងបានបញ្ជាក់ថា៖ បន្ទាប់ពីពិនិត្យសំណើជាមួយភ្នាក់ងារ សន្តិសុខរបស់ខ្លួន ភាគីអ៊ុយក្រែន
បានបដិសេធគំនិតផ្តួចផ្តើមនេះ។
រុស្ស៊ីបានអះអាងកាលពីថ្ងៃសុក្រថា កងកម្លាំងប្រដាប់អាវុធ របស់ខ្លួនបានគ្រប់គ្រងទាំងស្រុងទីក្រុង
Konstantinovka នៅតំបន់ប្រយុទ្ធជួរមុខ៕
ប្រែសម្រួល៖ស៊ុនលី
