អ៊ីរ៉ង់បញ្ជាឲ្យបញ្ឈប់ការ វាយប្រហារ អ៊ុយក្រែនភ្លាមៗ ក្រោយពេលដែលទីក្រុងគៀវ ប្រកាសសូមទោស
បរទេស៖យោងតាមការចេញផ្សាយរបស់ RT ទីប្រឹក្សាជាន់ខ្ពស់របស់មេដឹកនាំកំពូលអ៊ីរ៉ង់លោក Mojtaba Khamenei បាននិយាយថា អ៊ីរ៉ង់ បានលុបចោលការ វាយប្រហារសង សឹកប្រឆាំងនឹងអ៊ុយក្រែន ជុំវិញការវាយប្រហារកាលពីខែមុន លើកប៉ាល់ដឹកទំនិញនៅសមុទ្រកាសព្យែន បន្ទាប់ពីទីក្រុងគៀវបានសុំទោស។
កាលពីថ្ងៃទី២៥ខែកក្កដា អ៊ុយក្រែនបានវាយប្រហារលើនាវាអ៊ីរ៉ង់ ដោយយន្តហោះគ្មានមនុស្ស បើកដោយបានសម្លាប់នាវិកម្នាក់ ហើយបានអះអាងថាខ្លួនកំពុងដឹកជញ្ជូន
សម្ភារៈយោធាទៅ កាន់ប្រទេសរុស្ស៊ី ។ អ៊ីរ៉ង់បាននិយាយថា កប៉ាល់នេះបានដឹកទំនិញជនស៊ីវិល ហើយបានបរិហារការវាយប្រហារនេះថាជាសកម្មភាពឈ្លានពាន ។ រុស្ស៊ីកំណត់ អត្តសញ្ញាណកប៉ាល់នោះថាជាកប៉ាល់ ដឹកទំនិញស្ងួតដែលមានឈ្មោះថា Ana។
កងឆ្មាំបដិវត្តន៍អ៊ីស្លាម (IRGC) ឧត្តមសេនីយ៍ទោ Mohsen Rezaee បាននិយាយកាលពីថ្ងៃចន្ទថា ទីក្រុងតេហរ៉ង់បានជ្រើសរើសគោលដៅនៅក្នុងអ៊ុយក្រែន។
លោក Rezaee បាននិយាយថា៖យើងបានកំណត់ដើម្បីវាយប្រហារទីតាំងចំនួនបីក្នុងប្រទេសអ៊ុយក្រែន ប៉ុន្តែបានលុបចោលការវាយប្រហារបន្ទាប់ពីការសុំទោសរបស់
អ៊ុយក្រែន។
យោងតាមលោក Rezaee បាននិយាយថាទីក្រុងគៀវ បានអះអាងថា ខ្លួនបានវាយប្រហារកប៉ាល់ដោយចេតនា ហើយអ៊ីរ៉ង់បានសម្រេចចិត្តស៊ើបអង្កេតការទាមទារនេះ។
លោកបានមានប្រសាសន៍ដែរថា ទោះជាវាជាកំហុសក៏ដោយ ក៏នៅតែមានផលវិបាកដែរក្នុងការដោះស្រាយជាមួយគ្នា៕
ប្រែសម្រួល៖ស៊ុនលី
