រុស្ស៊ី ព្រមានថា ការបង្កើតយោធា តំបន់អាកទិក របស់អង្គការណាតូ គំរាមកំហែងដល់ស្ថិរភាពក្នុងតំបន់
មូស្គូ៖ លោក Vladislav Maslennikovប្រធាននាយកដ្ឋានកិច្ចការអឺរ៉ុបនៃក្រសួងការបរទេសរុស្ស៊ី បានឧ្យដឹងថា អង្គការណាតូកំពុងធ្វើយោធានៅតំបន់អាកទិក និងពង្រឹងសក្តានុពលវាយលុក របស់ខ្លួននៅជិតព្រំដែន ភាគខាងជើងរបស់រុស្ស៊ី ការកត់សម្គាល់របស់លោក ធ្វេីឡេីងក្នុងអំឡុងពេលវេទិកាតំបន់អាកទិកលើកទី៤ នៅទីក្រុង Arkhangelsk របស់រុស្ស៊ី។
លោកបានលេីកឡេីងថា “សមយុទ្ធទ្រង់ទ្រាយធំ ត្រូវបានធ្វើឡើងជាប្រចាំនៅក្នុងតំបន់ ដែលមានគោលបំណងហាត់ សមសេណារីយ៉ូវាយលុក ក្នុងចំណោមរបស់ផ្សេងទៀត ហើយរដ្ឋដែលមិនមែនជាសមាជិកអាកទិក នៃសម្ព័ន្ធមិត្តកំពុងចូលរួមយ៉ាង សកម្មក្នុងសកម្មភាពទាំងនេះ”។
លោកបានបន្ថែមថា ការប៉ុនប៉ងណាមួយដើម្បីដោះស្រាយបញ្ហានៅតំបន់អាកទិកដោយគ្មានការចូលរួមពីរុស្ស៊ី គឺឥតប្រយោជន៍ ហើយទីក្រុងមូស្គូ នឹងបន្តលើកកម្ពស់សន្តិភាព និងស្ថិរភាពក្នុងតំបន់។
កាលពីខែកុម្ភៈ អង្គការណាតូ បានបើកដំណើរការ Arctic Sentry ដែលជាសកម្មភាពឃ្លាំមើលយោធាពហុវិស័យ ដែលត្រូវបានរចនាឡើង ដើម្បីសម្របសម្រួលការឃ្លាំមើល កងទ័ព និងសមយុទ្ធនៅទូទាំងតំបន់អាកទិក និងតំបន់ភាគខាងជើងខ្ពស់។
មុននោះ អង្គការណាតូ បានពង្រីកវិសាលភាព នៃការទទួលខុសត្រូវ របស់បញ្ជាការកងកម្លាំងរួម Norfolk របស់ខ្លួន ដើម្បីរួមបញ្ចូលប្រទេសដាណឺម៉ាក ហ្វាំងឡង់ និងស៊ុយអែត ដែលឆ្លុះបញ្ចាំងពីការផ្តោត ការយកចិត្តទុកដាក់កាន់តែខ្លាំងឡើង របស់សម្ព័ន្ធមិត្តលើសន្តិសុខនៅតំបន់អាកទិក និងអាត្លង់ទិកខាងជើង៕
