ការវាយលុក របស់យោធាមីយ៉ាន់ម៉ា ផ្តោតលើដីសម្រាប់គម្រោង កំពង់ផែ ដែលគាំទ្រ ដោយរុស្ស៊ី
បរទេស ៖ យោធាមីយ៉ាន់ម៉ា បានដាក់ពង្រាយ កងទ័ពរាប់រយនាក់ ដើម្បីបោសសម្អាតតំបន់ដែលត្រូវបានសម្គាល់ សម្រាប់តំបន់សេដ្ឋកិច្ចពិសេស ដែលគាំទ្រ ដោយរុស្ស៊ី នៅភាគខាងត្បូងប្រទេស ដោយដុតបំផ្លាញភូមិ និងបិទដីជុំវិញ។ នេះបើយោងតាមអ្នកតស៊ូ និងសកម្មជន ក្នុងស្រុកដែលបានដឹង។
យោងតាមសារព័ត៌មាន រ៉យទ័រ ចេញផ្សាយនៅថ្ងៃទី២១ ខែសីហា ឆ្នាំ២០២៦ថា ការវាយលុកជុំវិញតំបន់សេដ្ឋកិច្ចពិសេស Dawei (SEZ) ដែលរួមមានកំពង់ផែទឹកជ្រៅ និងរោងចក្រថាមពលដែលបានគ្រោងទុកនៅលើសមុទ្រ Andaman គឺជាសញ្ញាច្បាស់លាស់បំផុត ដែលបង្ហាញថា រដ្ឋាភិបាលដែលគាំទ្រ ដោយយោធារបស់មីយ៉ាន់ម៉ា មានឆន្ទៈក្នុងការប្រើប្រាស់កម្លាំងដើម្បីធ្វើឱ្យរស់ឡើងវិញ នូវគម្រោងមួយដែលត្រូវបានផ្សព្វផ្សាយថា ជាជម្រើសយុទ្ធសាស្ត្រជំនួស ច្រកសមុទ្រម៉ាឡាកា។
ការជំរុញនេះក៏ស្របគ្នាជាមួយ នឹងការវាយលុកដ៏ទាក់ទាញផ្នែកការទូតផងដែរ ដោយ មេដឹកនាំយោធាដែលប្រែក្លាយ ជាប្រធានាធិបតី លោក Min Aung Hlaing បានលើកឡើងពី Dawei ជាច្រកទ្វារដ៏មានសក្តានុពល មួយទៅកាន់អាស៊ីខាងត្បូង និងខាងលិចក្នុងអំឡុងពេលដំណើរទស្សនកិច្ចដ៏សំខាន់មួយទៅកាន់ប្រទេសថៃក្នុងខែនេះ និងបានពិភាក្សាអំពីគម្រោងនេះម្តងទៀតនៅសប្តាហ៍នេះក្នុងការចរចា ជាមួយប្រធានាធិបតីរុស្ស៊ី Vladimir Putin នៅទីក្រុងមូស្គូ។
ចាប់តាំងពីខែកក្កដាមក យោធាបានបញ្ជូនទាហានរាប់រយនាក់ ចូលទៅក្នុងតំបន់ Tanintharyi ភាគខាងត្បូង ដែលមានព្រំប្រទល់ជាប់នឹងប្រទេសថៃ ជាកន្លែងដែល Dawei ស្ថិតនៅ ដែលបង្កឱ្យមានការប្រយុទ្ធជា មួយក្រុមតស៊ូក្នុងស្រុកដែលត្រូវបានបង្ខំឱ្យដកថយ, នេះបើយោងតាមប្រភពចំនួនពីរ។
