ភាគហ៊ុនអាមេរិកធ្លាក់ចុះ ចំពេលមានការវាយប្រហារជាថ្មី នៅមជ្ឈិមបូព៌ា និងការកើនឡើងនៃតម្លៃប្រេង
ញូវយ៉ក៖ ភាគហ៊ុនអាមេរិក បានធ្លាក់ចុះ ដោយសារការវាយប្រហារថ្មីរបស់យោធាអាមេរិក ប្រឆាំងនឹងគោលដៅអ៊ីរ៉ង់ បានបង្កឱ្យមានការកើនឡើងយ៉ាងខ្លាំង នៃតម្លៃប្រេងឆៅសកល ដែលបន្ថែមទៅលើការព្រួយបារម្ភ អំពីការដំឡើងអត្រាការប្រាក់។
សន្ទស្សន៍ឧស្សាហកម្ម Dow Jones បានធ្លាក់ចុះ ៣៧៤.០៩ពិន្ទុ ឬ ០.៧ភាគរយ មកត្រឹម ៥៣.១៨៥.៩។ សន្ទស្សន៍ S&P 500 បានធ្លាក់ចុះ ២៥.៦២ពិន្ទុ ឬ ០.៣៣ភាគរយ មកត្រឹម ៧.៦៨៦.១៤។ សន្ទស្សន៍ Nasdaq Composite បានធ្លាក់ចុះ ៣១.៥៣ពិន្ទុ ឬ ០.១២ភាគរយ មកត្រឹម ២៦.៣៧០.៨៩។
ក្នុងចំណោមវិស័យសំខាន់ៗទាំង ១១ របស់ S&P 500 ក្នុងនោះចំនួន៩ បានបញ្ចប់ដោយការធ្លាក់ចុះ ដោយសេវាកម្មទំនាក់ទំនង និងសេវាប្រើប្រាស់ឈានមុខគេដោយធ្លាក់ចុះ ១,៦៣ ភាគរយ និង ១,១៨ ភាគរយរៀងៗខ្លួន។ ទន្ទឹមនឹងនេះ ថាមពល និងបច្ចេកវិទ្យាបានកើនឡើង ២,១ ភាគរយ និង ០,៣ ភាគរយរៀងៗខ្លួន។
ភាពតានតឹងផ្នែកភូមិសាស្ត្រនយោបាយបានផ្ទុះឡើងបន្ទាប់ពីសហរដ្ឋអាមេរិក បានធ្វើការវាយប្រហារទៅលើ ទីតាំងបាញ់រ៉ុក្កែតរបស់អ៊ីរ៉ង់ ដើម្បីឆ្លើយតបទៅនឹងការគំរាមកំហែង នៃការជីកយករ៉ែកងទ័ពជើងទឹក នៅក្នុងច្រកសមុទ្រហ័រមូស ដែលជាសកម្មភាពយោធា ដោយផ្ទាល់លើកដំបូងរវាងភាគីទាំងពីរក្នុងរយៈពេលជាច្រើនសប្តាហ៍។
ការកើនឡើងផ្នែកយោធាបានជំរុញឱ្យស្តង់ដារថាមពលសកលកើនឡើងនៅថ្ងៃចន្ទ។ ប្រេង West Texas Intermediate សម្រាប់ការចែកចាយខែតុលា បានកើនឡើង ២,៣៦ ដុល្លារអាមេរិក ឬ ២,៨៣ ភាគរយ ដល់ ៨៥,៧៦ ដុល្លារក្នុងមួយបារ៉ែលនៅលើផ្សារហ៊ុន New York Mercantile Exchange។
ប្រេងឆៅ Brent សម្រាប់ការចែកចាយខែវិច្ឆិកាបានកើនឡើង ២,៣៩ ដុល្លារ ឬ ២,៧១ ភាគរយ ដល់ ៩០,៤៩ ដុល្លារក្នុងមួយបារ៉ែលនៅលើផ្សារហ៊ុន London ICE Futures Exchange៕
ប្រែសម្រួល ឈូក បូរ៉ា
