របាយការណ៍មួយបង្ហាញថា នាយករដ្ឋមន្ត្រីអ៊ីស្រាអែល លោក Netanyahu បានទទួលដំណឹងជាមុនរួច ទៅហើយអំពីការវាយប្រហារ ដោយក្រុមហាម៉ាស កាលពីថ្ងៃទី៧ខែតុលា
បរទេស ៖ យោងតាមការចេញផ្សាយរបស់ RT បានឲ្យដឹងថា នាយករដ្ឋមន្ត្រីអ៊ីស្រាអែល លោក Benjamin Netanyahu ត្រូវបានព្រមានដោយផ្ទាល់ថា ក្រុមហាម៉ាសកំពុងរៀបចំការវាយប្រហារដ៏ធំមួយថ្ងៃ មុនថ្ងៃទី៧ខែតុលា ឆ្នាំ២០២៣ ប៉ុន្តែមិនបានបញ្ជូនព័ត៌មានទៅប្រធានសន្តិសុខកំពូល របស់អ៊ីស្រាអែលទេ។
អត្ថបទនេះធ្វើឡើង ដោយដកស្រង់បើយោងតាមរបាយការណ៍មួយដោយ Haaretz បានរាយការណ៍ កាលពីថ្ងៃអង្គារសប្តាហ៍នេះ ។ យោងតាមកាសែតដដែលនេះ បានឲ្យដឹងទៀតថា ប្រធានាធិបតី នៃអារ៉ាប់រួម លោក Mohammed bin Zayed បានទូរស័ព្ទទៅលោក Netanyahu ប្រហែល១០ថ្ងៃមុនពេលការវាយប្រហារ ហើយបានប្រាប់គាត់ថា មេដឹកនាំក្រុមHamas លោក Yahya Sinwar កំពុងរៀបចំផែនការប្រតិបត្តិការដ៏ធំមួយ ដែលអាចបង្កឱ្យមានការបង្ហូរឈាម និងធ្វើឱ្យមានអស្ថិរភាពក្នុងតំបន់។
តាមសេចក្តីរាយការណ៍ លោក Netanyahu បានលេងសើចចំពោះការគំរាមកំហែងនេះ ដោយនិយាយថា លោកជឿថា ក្រុមហាម៉ាសទំនងជាធ្វើសកម្មភាពនៅតំបន់ West Bank ហើយអ៊ីស្រាអែលបានត្រៀម ខ្លួនរួចជាស្រេចទៅហើយ។
ការិយាល័យរបស់គាត់បានច្រាន ចោលរបាយការណ៍នេះថា ជាការកុហកទាំងស្រុងដោយទទូចថា មិនមានការហៅទូរស័ព្ទបែបនេះកើតឡើងទេ។
ការជូនដំណឹងជាមុនដែលត្រូវបានចោទប្រកាន់បានបន្ថែមទៅលើការត្រួតពិនិត្យលើអ្វីដែលមេដឹកនាំអ៊ីស្រាអែលបានដឹងមុនការវាយលុកដែលដឹកនាំដោយក្រុមហាម៉ាស់ និងថាតើសញ្ញា
ព្រមានត្រូវបានគេមិនអើពើ។
កាសែតHaaretz ដដែលក៏ធ្លាប់បានរាយការណ៍ថា លោក Sinwar បានផ្ញើសារតាមរយៈអន្តរការីប៉ាឡេស្ទីន ព្រមានថាគាត់កំពុងរៀបចំ ការវាយប្រហារដ៏ធំមួយ។ សារនេះត្រូវបានគេរាយការណ៍
ថាបានទៅដល់ Shin Bet ដែលជាសេវាសន្តិសុខ ក្នុងស្រុករបស់អ៊ីស្រាអែល ដែលនៅពេលនោះជាប្រធាន Ronen Bar បានពន្យល់ប្រាប់លោក Netanyahu ។ ចារកម្មអេហ្ស៊ីបក៏ត្រូវបានគេរាយការណ៍ថា បានព្រមានអ៊ីស្រាអែល ភ្លាមៗមុនពេលការវាយប្រហារផងដែរ៕
ប្រែសម្រួល៖ស៊ុនលី
