ព្រឹត្តិការណ៍សំខាន់ៗ នៃការប្រកួតកីឡាអ៊ីស្ពត BLAST Open Fall 2026
ព្រឹត្តិការណ៍ប្រកួត CS2 លើកទីបីនារដូវកាលថ្មីនេះ បានធ្វើឱ្យអ្នកគាំទ្រនាំគ្នាជជែកវែកញែកអំពីការចាប់ផ្តើមនៃយុគសម័យ “Dragon Era” ។ នៅក្នុងអត្ថបទវិភាគ របស់ 1xBet នេះ យើងនឹងពិនិត្យមើលឱ្យកាន់តែច្បាស់ អំពីលទ្ធផល នៃការប្រកួតនៅព័រទុយហ្គាល់ និងធ្វើការទស្សន៍ទាយសម្រាប់ដំណាក់កាលចុងក្រោយនារដូវកាលនេះ។
វគ្គចែកពូលនៃព្រឹត្តិការណ៍ BLAST Open Fall 2026
ការអញ្ជើញក្រុមឱ្យចូលរួមប្រកួត គឺធ្វើឡើងដោយផ្អែកលើចំណាត់ថ្នាក់ ប្រចាំខែកក្កដារបស់ Valve ដែលនាំយកកំពូលក្រុម CS លំដាប់ពិភពលោកមកជួបគ្នា រួមមាន Spirit, Falcons, Vitality, NAVI, FURIA និង MOUZ។ ចំណែកឯលទ្ធផលដ៏នឹកស្មានមិនដល់ដំបូងគេ បានកើតឡើងតាំងពីការប្រកួតវគ្គចែកពូល ដែលរៀបចំឡើងនៅស្ទូឌីយោ BLAST ក្នុងទីក្រុង Copenhagen មកម្ល៉េះ។
សម្រាប់ការប្រកួតបើកឆាករបស់ខ្លួន ក្រុម NAVI បានរងបរាជ័យយ៉ាងគួរឱ្យភ្ញាក់ផ្អើលក្នុងលទ្ធផល 2-1 ក្រោមថ្វីដៃក្រុម M80 ដែលនេះជាជ័យជម្នះតែមួយគត់របស់ក្រុមតំណាងសហរដ្ឋអាមេរិកមួយនេះនៅក្នុងព្រឹត្តិការណ៍ទាំងមូល។ ទម្រង់ប្រកួតចាញ់ពីរដងធ្លាក់ ផ្តល់ឱកាសឱ្យក្រុមនីមួយៗអាចភ្លាត់ស្នៀតបានម្តង ប៉ុន្តែបានត្រឹមតែម្តងគត់ ដែលចំណុចនេះក្រុម Natus Vincere ហាក់ដូចជាភ្លេចខ្លួន ។ កូនក្រុមរបស់លោក B1ad3 បានយកឈ្នះយ៉ាងងាយ ស្រួលលើក្រុម paiN Gaming ប៉ុន្តែបន្ទាប់មកបែរជាចាញ់ក្រុម G2 និងត្រូវហាលអាវត្រឹមនេះ។
ការអំពាវនាវពីសំណាក់អ្នកជំនាញឱ្យមានការផ្លាស់ប្តូរសមាសភាពកីឡាកររបស់ NAVI កាន់តែមានសន្ទុះខ្លាំងឡើងៗ។ ពាក្យចចាមអារ៉ាមបានលើកឡើងថា b1t និង w0nderful គឺជាកីឡាករដែលមិនអាចខ្វះបាន ចំណែកឯកីឡាករបីនាក់ផ្សេងទៀត ជាពិសេសចំណូលថ្មី makazze គឺជាបេក្ខភាពឈានមុខគេដែលអាចនឹងត្រូវដកចេញពីក្រុម។
ក្រុម Spirit, FURIA និង G2 បានឆ្លងចូលទៅកាន់វគ្គជម្រុះពីពូលទីមួយ ខណៈដែល MOUZ, Falcons និង Vitality បានឡើងទៅវគ្គបន្តពីពូលទីពីរ។ បើមើលមួយភ្លែត លទ្ធផលនៅក្នុងពូលទីពីរហាក់ដូចជាអាចទាយទុកមុនបានទាំងស្រុង។ ប៉ុន្តែធាតុពិត ក្រុមខ្លាំងបំផុត របស់បារាំង Vitality បានចាញ់យ៉ាងចាស់ដៃ 0-2 ក្នុងការប្រកួតបើកឆាកទល់ នឹងក្រុមតំណាងអ៊ុយក្រែន IC Esports ដែលជាក្រុមធ្លាប់ឆ្លងកាត់ការប្រកួតវគ្គជម្រុះបឋម បន្ទាប់ពីឈរនៅលេខរៀងទី 25 ប៉ុណ្ណោះក្នុងតារាងចំណាត់ថ្នាក់របស់ Valve អំឡុងពេលអញ្ជើញចូលរួមប្រកួត។ ក្រុមរហស្សនាមឃ្មុំពិឃាតមួយនេះ ទីបំផុតនៅតែអាចឈាន ទៅដល់វគ្គជម្រុះតាមរយៈខ្សែក្រោម ប៉ុន្តែបរាជ័យនេះពិតជាបានបន្សល់ទុក នូវអារម្មណ៍ដ៏ខកចិត្តយ៉ាងខ្លាំង។ សម្រាប់ការប្រកួតវគ្គផ្តាច់ព្រ័ត្រខ្សែលើវិញ ក្រុម MOUZ បានយកឈ្នះម្ចាស់ជើងឯក Major ក្រុម Falcons ដើម្បីក្តោបក្តាប់កៅអីឡើងទៅកាន់វគ្គពាក់កណ្តាលផ្តាច់ព្រ័ត្រដោយស្វ័យប្រវត្តិ។
វគ្គជម្រុះនៃព្រឹត្តិការណ៍ BLAST Open Fall 2026
នៅក្នុងការប្រកួតវគ្គ 8 ក្រុមចុងក្រោយគូទីមួយ ក្រុម Falcons បានបំបាក់ក្រុម G2 យ៉ាងចាស់ដៃតែម្តង។ កីឡាករ Nikola “NiKo” Kovac មិនមានការយោគយល់ចំពោះបងប្អូនជីដូនមួយរបស់ខ្លួនគឺ Nemanja “huNter-” Kovac ដែលលេងឱ្យក្រុមម្ខាងទៀតនោះឡើយ។ ក្រុម Falcons បានបិទបញ្ចប់វគ្គទីមួយនៃផែនទីប្រកួតបើកឆាកក្នុងលទ្ធផល 11:1 និងបន្តគ្រប់គ្រងស្ថានការណ៍ទាំងស្រុងនៅផែនទីទីពីរ (9:3) ដែលធ្វើឱ្យពួកគេអាចបញ្ចប់ការប្រកួតនេះបានយ៉ាងងាយស្រួល។ ក្នុងប្រកួតវគ្គ 8 ក្រុមចុងក្រោយគូទីពីរ ក្រុម FURIA បានលត់ក្រុម Vitality នៅលើផែនទី Nuke ដែលជាជម្រើសរបស់គូប្រកួតយ៉ាងចាស់ដៃ (13:6) ប៉ុន្តែបែរជាចាញ់វិញនៅលើផែនទី Cache ដែលជាជម្រើសរបស់ខ្លួន (11:13)។ ការកាត់សេចក្តីចុងក្រោយត្រូវធ្លាក់ទៅលើផែនទី Dust2 ដែលនៅទីនោះ ក្រុមឃ្មុំពិឃាត Bees បានបញ្ចប់ក្តីសង្ឃឹមគូប្រកួតយ៉ាងឆាប់រហ័ស (13:4)។
មើលទៅ បន្ទាប់ពីឈ្នះពានរង្វាន់ Major ជាលើកដំបូងក្នុងប្រវត្តិសាស្ត្រនៅ IEM Cologne Major 2026 មក ក្រុម Falcons ហាក់កំពុងភ្លេចខ្លួន និងនៅតែបន្តសម្ងំត្រេកត្រអាលនឹងភាពជោគជ័យនេះនៅឡើយ។ ការដែលពួកគេបង្ហាញទម្រង់លេងបែបនេះពេលប៉ះជាមួយក្រុម Spirit ដែលតែងតែពុះកញ្ជ្រោលខ្លាំង រួមជាមួយកីឡាករដ៏ស្រេកឃ្លានជ័យជម្នះដូចជា donk ទៀតនោះ គឺជាកំហុសដ៏ធ្ងន់ធ្ងរមួយ។ ទីបំផុត Falcons ពិតជាភ្លាត់ស្នៀតម្តងទៀតមែន ដោយបានរបូតជ័យជម្នះទាំងពីរផែនទី៖ 8:13 នៅផែនទី Nuke និង 11:13 នៅផែនទី Ancient។ សម្រាប់ការប្រកួតវគ្គពាក់កណ្តាលផ្តាច់ព្រ័ត្រមួយគូទៀត ក្រុម MOUZ បានយកឈ្នះ Vitality ក្នុងលទ្ធផលប្រហាក់ប្រហែលគ្នា (13:11, 13:7) ដោយបានទម្លាក់ក្រុមដែលធ្លាប់តែមានឥទ្ធិពលខ្លាំងបំផុតកាលពីពាក់កណ្តាលរដូវកាលដំបូងនៃឆ្នាំ 2026។ ទោះជាយ៉ាងណាក្តី ក្រុមតំណាងបារាំងមួយនេះក៏មានហេតុផលដោះសារដែរ៖ គឺពួកគេសម្រេចចិត្តឱ្យកីឡាករស្នូលបានសម្រាក ដោយហៅអតីតកីឡាករ NAVI គឺ Justinas “jL” Lekavicius មកលេងជំនួស (នៅព្រឹត្តិការណ៍ BLAST គាត់ជំនួសកន្លែង mezii ចំណែកនៅ PGL Masters គាត់នឹងជំនួស apEX)។
ការប្រកួតវគ្គផ្តាច់ព្រ័ត្រ BLAST Open Fall 2026 គឺជាជំនួបសងសឹកនៃវគ្គផ្តាច់ព្រ័ត្រ BLAST Bounty Summer 2026 ដែលក្រុម Team Spirit និង MOUZ ត្រូវប៉ះគ្នាម្តងទៀត។ នៅប្រទេសម៉ាល់តា ក្រុមរហស្សនាមកណ្តុរធ្លាប់យកឈ្នះក្រុមនាគរាជយ៉ាងងាយស្រួល 3-1។ សម្រាប់ការប៉ះគ្នានៅព័រទុយហ្គាល់លើកនេះ Spirit គឺអ្នកយកសងសឹកវិញម្តង។
ក្រុមទាំងពីរបានបើកឆាកការប្រកួតដោយប្តូរគ្នាឈ្នះម្នាក់មួយវគ្គលើជម្រើសផែនទីរបស់ខ្លួន៖ Spirit ឈ្នះនៅផែនទី Dust2 13:8 មុនពេល MOUZ វាយបកយកឈ្នះវិញនៅផែនទី Mirage 13:11។ ចូលដល់ផែនទីទីបី Ancient ក្រុមនាគរាជបានបំបែកជញ្ជាំងការពាររបស់គូប្រកួតខ្ទេចគ្មានសល់ (13:3) ហើយផែនទីទីបួន Nuke បានក្លាយជាការប្រកួតបិទបញ្ចប់ – ដោយ Spirit ទទួលបានជ័យជម្នះ 13:6។ ពានរង្វាន់ MVP ប្រចាំព្រឹត្តិការណ៍នេះ គឺស័ក្តិសមបំផុតសម្រាប់តារា ឆ្នើមរបស់ក្រុមម្ចាស់ជើងឯកគឺកីឡាករ Danil “donk” Kryshkovets ដែលទទួលបានពិន្ទុវាយតម្លៃដល់ទៅ 1.40។ នេះគឺជាមេដាយ MVP ទី 13 ក្នុងអាជីពរបស់កីឡាករវ័យ 19 ឆ្នាំរូបនេះ និងជាមេដាយទី 3 របស់គេសម្រាប់ឆ្នាំ 2026 ផងដែរ!
ក្រុម Team Spirit បានឡើងដល់វគ្គផ្តាច់ព្រ័ត្រជាលើកទីបីរបស់ខ្លួន និងបានគ្រងតំណែងជើងឯកទីពីរនារដូវកាលថ្មីនេះ បន្ទាប់ពីឈ្នះពានរង្វាន់ Esports World Cup 2026 រួចមកហើយ។ ប្រសិនបើពួកគេនៅតែបន្តរក្សាទម្រង់លេងដ៏ល្អបែបនេះ អ្នកជំនាញកីឡាអ៊ីស្ពតរបស់ 1xBet អាចនឹងត្រៀមខ្លួនប្រកាសឈ្មោះម្ចាស់ជើងឯកព្រឹត្តិការណ៍រដូវរងា PGL Major Singapore 2026 មុនពេលកំណត់ក៏ថាបាន!
