កងកម្លាំងហ៊ូទី អះអាងថាបានបាញ់ ទំលាក់យន្តហោះចម្បាំង របស់អារ៉ាប៊ីសាអូឌីត F-15 បានមួយគ្រឿង
បរទេស៖យោងតាមការចេញផ្សាយរបស់ RT កងកម្លាំងហ៊ូទី ឬ Houthi របស់ប្រទេសយេមែន បានអះអាងកាលពីថ្ងៃពុធថា បានបាញ់ទម្លាក់យន្តហោះចម្បាំង F-15 របស់អារ៉ាប៊ីសាអូឌីតម៉ូដេលF-15ធ្លាក់មួយគ្រឿង។
ការប្រកាសធ្វើឡើងដោយបានទាំងធ្វើការបញ្ចេញវីដេអូ នៃបំណែកយន្តហោះចម្បាំងដែលកំពុងឆេះ។ ប្រសិនបើត្រូវបានផ្ទៀងផ្ទាត់ វីដេអូនេះគឺជាភស្តុតាងដំបូងបង្អស់ដែល
មិនធ្លាប់មាន នៃយន្តហោះ អារ៉ាប៊ីសាអូឌីត ដែលបានទម្លាក់ដោយ Houthi ដោយកងកម្លាំងការពារដែនអាកាស។
នៅក្នុងសេចក្តីថ្លែងការណ៍ជាវីដេអូ អ្នកនាំពាក្យក្រុម Houthi លោក Yahya Saree បាននិយាយថា យន្តហោះនេះត្រូវបានបាញ់ទម្លាក់ពីលើខេត្ត Marib របស់យេមែន
ដោយប្រើមីស៊ីលបាញ់ពីដីទៅអាកាសដែលផលិតក្នុងស្រុក។ បន្ទាប់មក លោក Saree បានអះអាងថា យុទ្ធជន Houthi បានវាយបកដោយជោគជ័យផងដែរ នូវការប៉ុនប៉ងរបស់យន្តហោះ
F-15s និង Eurofighter Typhoon របស់អារ៉ាប៊ីសាអូឌីត ផ្សេងទៀត ដែលកំពុងព្យាយាមស្វែង រកបំណែកយន្តហោះនោះផងដែរ។
យ៉ាងណាក្តីមកដល់ពេលនេះទាំងលោកSaree មិនបាននិយាយថាឧបទ្ទវហេតុនេះកើតឡើងនៅពេលណាទេ ហើយទាំងយោធាអារ៉ាប៊ីសាអ៊ូឌីតក៏មិនទាន់បញ្ជាក់ពីការបាត់យន្តហោះនោះដែរ៕
