បរទេស៖យោងតាមការចេញផ្សាយរបស់ RT ក្រុមហ៊ុនថាមពលយក្សរបស់ប្រទេសអារ៉ាប៊ីសាអូឌីត Saudi Aramco បានប្រាប់ក្រុមហ៊ុនចម្រាញ់ប្រេងអឺរ៉ុបថាពួកគេនឹងមិនទទួលបានប្រេងឆៅឡើយនៅក្នុងខែតុលានោះទេ។
ថ្លែងប្រាប់ទៅកាន់ក្រុមអ្នកយកព័ត៌មានរបស់កាសែតBloomberg បានរាយការណ៍កាលពីថ្ងៃសុក្រ វាកើតឡើងដោយសារតែពង្រីកការរំខានការផ្គត់ផ្គង់ដែលបង្កឡើង
ដោយការវាយប្រហាររបស់ Houthi លើបំពង់បង្ហូរប្រេងដ៏សំខាន់មួយ។
ក្រុមហ៊ុន Aramco បានលុបចោលទំនិញដែលត្រូវផ្តល់ទៅឲ្យអឺរ៉ុបមួយចំនួនដែលគ្រោងធ្វើនៅខែកញ្ញា បន្ទាប់ពីការវាយប្រហារដោយយន្តហោះគ្មានមនុស្សបើកបានធ្វើឱ្យ
ខូចខាតដល់បំពង់ East-West Pipeline និងបានបញ្ឈប់ការផ្ទុកទំនិញនៅកំពង់ផែសមុទ្រក្រហមនៃទីក្រុង Yanbu។ សេចក្តីជូនដំណឹងចុងក្រោយបំផុតត្រូវបានគេ
រាយការណ៍ថាបានពន្យារការរំខានដល់ខែបន្ទាប់។ ប្រភពដដែលបាននិយាយថាការសម្រេចចិត្តនេះអនុវត្តចំពោះអតិថិជនអឺរ៉ុបទាំងអស់។
គួរឲ្យដឹងដែរថាការប្រយុទ្ធគ្នារវាងក្រុមចម្រុះដឹកនាំដោយអារ៉ាប៊ីសាអូឌីត និងក្រុមសកម្មប្រយុទ្ធ Houthi បានកើតឡើងនៅពាក់កណ្តាលខែកក្កដា បន្ទាប់ពីអារ៉ាប៊ីសាអូឌីត
បានវាយប្រហារអាកាសយានដ្ឋាន Sanaa ដើម្បីការពារយន្តហោះដឹកអ្នកដំណើរអ៊ីរ៉ង់ពីការចុះចត។ ក្នុងប៉ុន្មានសប្តាហ៍ថ្មីៗនេះ ក្រុម Houthis បានបង្កើនទឹកដីប្រឆាំងនឹង
កងកម្លាំងគាំទ្រដោយអារ៉ាប៊ីសាអូឌីត និងបានបង្កើនការវាយប្រហារលើគោលដៅយុទ្ធសាស្ត្រនៅក្នុងព្រះរាជាណាចក្រនេះ។
បំពង់បង្ហូរប្រេង East-West Pipeline ប្រវែ១២០០គីឡូម៉ែត្រ តភ្ជាប់តំបន់ប្រេងភាគខាងកើតសំខាន់ៗរបស់ប្រទេសអារ៉ាប៊ីសាអូឌីតជាមួយ Yanbu ដែលអនុញ្ញាតឱ្យការ
នាំចេញប្រេងឆៅឆ្លងកាត់ច្រកសមុទ្រ Hormuz ជាកន្លែងដែលលំហូរនៅតែរំខានយ៉ាងខ្លាំងដោយសង្រ្គាមអាមេរិកប្រឆាំងនឹងអ៊ីរ៉ង់។
បំពង់បង្ហូរប្រេងត្រូវបានបិទ បន្ទាប់ពីការវាយប្រហារដោយយន្តហោះ គ្មានមនុស្សបើកបានធ្វើឱ្យខូចខាត ដល់ស្ថានីយ៍បូមទឹកចំនួនបី ។ អារ៉ាប៊ីសាអូឌីត ត្រូវបានគេរាយការណ៍ថាកំពុង
ស្វែងរកការស្តារឡើងវិញនូវផ្នែក នៃសមត្ថភាពរបស់ខ្លួន ក្នុងរយៈពេលប៉ុន្មានថ្ងៃ ទោះបីជាការចាប់ផ្តើមឡើងវិញពេញលេញអាចចំណាយពេលដល់ទៅ៦សប្តាហ៍ក៏ដោយ៕
ប្រែសម្រួល៖ស៊ុនលី
