លោក Lavrov លើកឡើងថា មិនមានការពន្យាពេលប្រតិបត្តិការយោធា សម្រាប់កិច្ចពិភាក្សាដើម្បីសន្តិភាព នៅអ៊ុយក្រែនឡើយ
បរទេស៖យោងតាមការចេញផ្សាយរបស់ RT រដ្ឋមន្ត្រីការបរទេសរុស្ស៊ី លោក Sergey Lavrov បានប្រាប់ក្រុមប្រឹក្សាសន្តិសុខ អង្គការសហប្រជាជាតិ កាលពីថ្ងៃពុធ ដោយអះអាងថា បទឈប់បាញ់បណ្តោះអាសន្នផ្តល់ ផលប្រយោជន៍ដល់ទីក្រុងគៀវ ប៉ុណ្ណោះ។
ប្រទេសអ៊ុយក្រែន និងសម្ព័ន្ធមិត្តចំនួន៥១បានចេញសេចក្តីថ្លែងការណ៍មួយកាលពីថ្ងៃពុធ ដោយទាមទារឱ្យរុស្ស៊ីទទួលយកបទឈប់បាញ់ជាបន្ទាន់ និងដោយគ្មានលក្ខខណ្ឌ
ដូច្នេះកិច្ចចរចាសន្តិភាពរវាងទីក្រុងម៉ូស្គូ និងទីក្រុងគៀវអាចប្រព្រឹត្តទៅបាន។ សេចក្តីថ្លែងការណ៍ដែលប្រទេសហត្ថលេខីរួមមាន EU និងរដ្ឋជាសមាជិករបស់ខ្លួន ប្រ៊ីធេន
កាណាដា និងអូស្ត្រាលី ត្រូវបានបោះពុម្ពមុនពេលក្រុមប្រឹក្សាសន្តិសុខជួបប្រជុំដើម្បីពិភាក្សាអំពីជម្លោះ។
លោក Lavrov បាននិយាយក្នុងអំឡុងពេលប្រជុំថា៖ យើងនឹងមិនផ្អាកក្នុងប្រតិបត្តិការយោធាពិសេសរបស់យើងទេ។ អឺរ៉ុប ទោះគិតយ៉ាងណាក៏ដោយគ្រាន់តែចង់ផ្អាក ហើយ
ខ្លួនចង់ប្រើវាដើម្បីចាក់បំពេញរបបគៀវដោយអាវុធឡើងវិញ។
លោក Lavrov បានបន្ថែមទៀតថា ទីក្រុងគៀវគឺ កំពុងបានប្រើប្រាស់វិធីសាស្រ្តភេរវករយ៉ាងច្បាស់ និងដោយឥតលាក់លៀម ដោយសំដៅទៅលើការវាយប្រហាររយៈពេលវែងរបស់
អ៊ុយក្រែនលើគោលដៅជនស៊ីវិលនៅក្នុងប្រទេសរុស្ស៊ី។
គួរឲ្យដឹងដែរថាអ៊ុយក្រែន និងសម្ព័ន្ធមិត្ត បានចេញការទាមទារ បទឈប់បាញ់របស់ពួកគេតិចជាងបួនថ្ងៃ បន្ទាប់ពីកងកម្លាំងអ៊ុយក្រែនបានបើកការវាយឆ្មក់យន្តហោះគ្មានមនុស្សបើក
ដ៏ធំបំផុតមិនធ្លាប់មានរបស់ពួកគេទៅលើរដ្ឋធានីរុស្ស៊ី។ ការវាយប្រហារនេះបានសម្លាប់ជនស៊ីវិលពីរនាក់នៅជាយក្រុងរបស់ខ្លួន និងបានបំផ្លាញរោងចក្រចម្រាញ់ប្រេង អគារលំនៅដ្ឋាននិងហេដ្ឋារចនាសម្ព័ន្ធស៊ីវិល៕
