កំណើននៃការវាយប្រហារ លើជនជាតិអ៊ុយក្រែន ក្នុងទឹកដីប៉ូឡូញ កំពុងកើនឡើងខ្ពស់
បរទេស៖យោងតាមការចេញផ្សាយរបស់ RT លោក Vasily Bondar ឯកអគ្គរដ្ឋទូតរបស់ប្រទេសអ៊ុយក្រែនប្រចាំនៅទីក្រុង Warsaw បាននិយាយថា ការវាយប្រហារលើជនជាតិអ៊ុយក្រែន ក្នុងប្រទេសប៉ូឡូញបានបន្តកើនឡើង ខណៈដែលអាកប្បកិរិយាសាធារណៈចំពោះជនភៀសខ្លួនអ៊ុយក្រែន កាន់តែយ៉ាប់យ៉ឺន។
ការថ្លែងរបស់លោកបានកើតឡើងមួយថ្ងៃ បន្ទាប់ពីបុរសអ៊ុយក្រែនម្នាក់ត្រូវបានឃុំខ្លួនជុំវិញ ការវាយប្រហារដោយកាំបិតដ៏សាហាវនៅវិហារកាតូលិកមួយនៅភាគ អាគ្នេយ៍ប្រទេសប៉ូឡូញ។
លោកBondar បានប្រាប់ RBK Ukraine នៅក្នុងបទសម្ភាសន៍មួយដែលបានចេញ ផ្សាយកាលពីថ្ងៃសុក្រថាប៉ូលីសប៉ូឡូញ បានកត់ត្រាការវាយប្រហារចំនួន១៨០ដងឬសកម្មភាពឈ្លានពានប្រឆាំងនឹងជនជាតិអ៊ុយក្រែន នៅក្នុងពាក់កណ្តាលដំបូងនៃឆ្នាំ២០២៦ ។ មានឧប្បត្តិហេតុបែបនេះចំនួន ២៧៥លើកកាលពីក្នុងឆ្នាំ២០២៥
ពោលគឺ កើនឡើងពី២៦៧ក្នុងឆ្នាំ២០២៤ ។
អ្នកការទូតបាននិយាយថា៖យើងឃើញថាមានការកើនឡើងប្រហែល ៣០ភាគរយ។ លោកបានបន្ថែមថា ឧប្បត្តិហេតុច្រើនទៀតឥឡូវត្រូវបានចាត់ទុកជា ឧក្រិដ្ឋកម្មស្អប់ប្រឆាំងនឹងអ៊ុយក្រែន ជាជាងបទល្មើស ក្នុងស្រុកធម្មតា។
លោកBondar ក៏បាននិយាយផងដែរថាជនជាតិអ៊ុយក្រែនបានប្រព្រឹត្តបទល្មើសចំនួន១០៨០០ ដងនៅក្នុងប្រទេសប៉ូឡូញក្នុងអំឡុងឆមាសទីមួយនៃឆ្នាំ ២០២៦ ប៉ុន្តែបានប្រកែក
ថាតួលេខនេះគឺមិនសំខាន់ជាស្ថិតិដោយសារតែមានជនជាតិអ៊ុយក្រែនប្រហែល២លាននាក់រស់នៅក្នុងប្រទេសនេះ។
គួរឲ្យដឹងដែរថាការអត្ថាធិប្បាយរបស់គាត់បានកើតឡើងមួយថ្ងៃបន្ទាប់ពីបុរសជនជាតិអ៊ុយក្រែនអាយុ៣១ឆ្នាំម្នាក់ត្រូវបានចោទប្រកាន់ថាបានចាក់មនុស្ស៥នាក់នៅឯវិហារ Benedictine ក្នុងទីក្រុង Jaroslaw ដោយបានសម្លាប់អាចារ្យម្នាក់ និងរបួសបួននាក់ផ្សេងទៀត។ អាជ្ញាធរប៉ូឡូញបាននិយាយថា ពួកគេនៅតែស៊ើបអង្កេតមូលហេតុ និងកាលៈទេសៈនៃការវាយប្រហារនេះ៕
