នៅសល់តែ 50 សំបុត្រទៀតតែប៉ុណ្ណោះ! AMAZFIT RECHARGE RUN 2026 ជិតបិទការចុះឈ្មោះហើយ
ភ្នំពេញ៖ ការចុះឈ្មោះចូលរួមព្រឹត្តិការណ៍រត់ប្រណាំង AMAZFIT RECHARGE RUN 2026 កំពុងឈានដល់ដំណាក់កាលចុងក្រោយហើយ! នៅសល់តែ 50 សំបុត្រទៀតប៉ុណ្ណោះ មុនពេលបិទការចុះឈ្មោះ។ Amazfit Cambodia សូមអញ្ជើញអ្នកស្រឡាញ់ការរត់ និងអ្នកដែលចង់ចូលរួមសកម្មភាពសប្បុរសធម៌ទាំងអស់ ប្រញាប់ចុះឈ្មោះ ដើម្បីកុំឱ្យខកខានឱកាសពិសេសនេះ។
ព្រឹត្តិការណ៍រត់ប្រណាំងលើកដំបូងរបស់ Amazfit Cambodia នេះ នឹងប្រព្រឹត្តទៅនៅថ្ងៃទី 8 ខែវិច្ឆិកា ឆ្នាំ 2026 នៅ Chip Mong Mega Mall 271 ដោយរំពឹងថានឹងមានអ្នកចូលរួមប្រមាណ 600 នាក់ ក្រោមស្មារតី «រត់ដើម្បីបរិច្ចាគ! រត់ដើម្បី Recharge ខ្លួនឯង»។
លើសពីការរត់ដើម្បីសុខភាព និងបង្កើតទម្លាប់រស់នៅប្រកបដោយថាមពលវិជ្ជមាន ព្រឹត្តិការណ៍នេះក៏មានគោលបំណងចូលរួមចែករំលែកក្តីសង្ឃឹមដល់កុមារកម្ពុជាផងដែរ។ ប្រាក់ចំណូលទទួលបានពីការចុះឈ្មោះនឹងត្រូវបរិច្ចាគជូនមន្ទីរពេទ្យកុមារអង្គរ (Angkor Hospital for Children) ដើម្បីរួមចំណែកគាំទ្រដល់ការថែទាំសុខភាពកុមារ។
អ្នកចូលរួមអាចជ្រើសរើសចម្ងាយរត់ 5KM ឬ 10KM ហើយនឹងទទួលបានកញ្ចប់ចូលរួមដែលរួមមានអាវយឺតកម្មវិធី លេខសម្គាល់អ្នករត់ និងមេដាយសម្រាប់អ្នកបញ្ចប់ការរត់។ លើសពីនេះ ក៏មានសកម្មភាពកម្សាន្ត និងបទពិសោធន៍ផ្សេងៗ ដើម្បីបង្កើតបរិយាកាសរីករាយសម្រាប់អ្នករត់ ក្រុមគ្រួសារ មិត្តភក្តិ និងសហគមន៍អ្នកស្រឡាញ់កីឡា។
ព្រឹត្តិការណ៍នេះត្រូវបានរៀបចំដោយ Amazfit Cambodia ដោយសហការជាមួយ FBO, Cam-Paint និងមន្ទីរពេទ្យកុមារអង្គរ ព្រមទាំងមានការចូលរួមគាំទ្រពីដៃគូឧបត្ថម្ភ ដៃគូសហការ ដៃគូសង្គ្រោះបន្ទាន់ផ្នែកវេជ្ជសាស្ត្រ ដៃគូថែទាំផ្នែកកីឡា និងដៃគូផ្សព្វផ្សាយជាច្រើន ដើម្បីធ្វើឱ្យព្រឹត្តិការណ៍នេះក្លាយជាបទពិសោធន៍ដ៏មានអត្ថន័យសម្រាប់អ្នកចូលរួមទាំងអស់។
សម្រាប់ Amazfit Cambodia ការរត់មិនមែនមានន័យត្រឹមតែការឈានដល់បន្ទាត់បញ្ចប់នោះទេ ប៉ុន្តែជាឱកាសក្នុងការថែរក្សាសុខភាព ពង្រឹងស្មារតី បង្កើតទំនាក់ទំនងក្នុងសហគមន៍ និងចែករំលែកអំពើល្អទៅកាន់អ្នកដទៃ។
នៅសល់តែ 50 សំបុត្រចុងក្រោយ ប៉ុណ្ណោះ។ ប្រសិនបើអ្នកមានគម្រោងចូលរួម សូមកុំរង់ចាំរហូតដល់យឺតពេល។ ចុះឈ្មោះឥឡូវនេះ ដើម្បីក្លាយជាផ្នែកមួយនៃព្រឹត្តិការណ៍ដែលបញ្ចូលគ្នារវាងសុខភាព កីឡា និងសកម្មភាពសប្បុរសធម៌។
📅 កាលបរិច្ឆេទ៖ 8 ខែវិច្ឆិកា ឆ្នាំ 2026
📍 ទីតាំង៖ Chip Mong Mega Mall 271
🏃 ចម្ងាយ៖ 5KM និង 10KM
🎟️ ចំនួននៅសល់៖ ត្រឹមតែ 50សំបុត្រទៀតប៉ុណ្ណោះ!
ឆាប់រាស់រាន់ឡើង!ចំនួនមានកំណត់!កុំឱ្យឱកាសនេះកន្លងផុតទៅ!
មករត់ ដើម្បីសុខភាពរបស់អ្នក។
មករត់ ដើម្បីចែករំលែកក្តីសង្ឃឹម។
មករត់ ដើម្បីធ្វើឱ្យរាល់ជំហានមានន័យ។
AMAZFIT RECHARGE RUN 2026 — រត់ដើម្បីបរិច្ចាគ! រត់ដើម្បី Recharge ខ្លួនឯង!
