វ៉ាស៊ីនតោន៖ ប្រភពការទូតបានឲ្យដឹងថា ប្រេសិតកំពូលនុយក្លេអ៊ែរ របស់សហរដ្ឋអាមេរិក សម្រាប់ប្រទេសកូរ៉េខាងជើង នឹងធ្វើទស្សនកិច្ច នៅប្រទេសកូរ៉េខាងត្បូង និងជប៉ុន នៅសប្តាហ៍ក្រោយ ចំពេលកិច្ចចរចា ការរំសាយអាវុធនុយក្លេអ៊ែរ ត្រូវបានជាប់គាំង។
យោងតាមប្រភពដដែល អនុរដ្ឋលេខាធិការ លោក Stephen Biegun នឹងជួបជាមួយមន្រ្តី នៅទីក្រុងសេអ៊ូល នៅដើមសប្តាហ៍ក្រោយនេះ ប្រហែលជាថ្ងៃអង្គារ ហើយចំណាយពេល ៣ថ្ងៃនៅទីនោះ មុនពេលចាកចេញទៅទីក្រុងតូក្យូ។
ប្រភពបានបន្ថែមទៀតថា “ លោក Stephen Biegun អាចនឹងត្រូវបានអមដំណើរ ដោយដំណើរទស្សនកិច្ចនេះ ដោយលោក Allison Hooker ដែលជានាយកជាន់ខ្ពស់ នៃក្រុមប្រឹក្សាសន្តិសុខជាតិ សម្រាប់កិច្ចការអាស៊ី នៅសេតវិមាន”៕ ដោយ៖ ឈូក បូរ៉ា
