អភិបាលរដ្ឋកាលីហ្វ័រញ៉ា ប្រកាសអាសន្ន រដ្ឋនៅតំបន់ចំនួន៥ ដោយសារមហន្តរាយភ្លើងឆេះព្រៃ

បរទេស៖ ចាប់តាំងពីពាក់កណ្តាលខែសីហា រដ្ឋកាលីហ្វ័រញ៉ាមានភ្លើងឆេះព្រៃជាង ៩០០ទីតាំង ដែលពេលនេះ បានឆេះទៅលើផ្ទៃដីអស់ជាង ១,៦ លានហិចតា។ ស្ថានភាពនេះ បានជំរុញឱ្យប្រធានាធិបតីអាមេរិក ដូណាល់ ត្រាំ អនុម័តសេចក្តីប្រកាស គ្រោះមហន្តរាយដ៏ធំមួយ សម្រាប់រដ្ឋនៅថ្ងៃទី ២២ សីហា។

យោងតាមសារព័ត៌មាន Sputnik ចេញផ្សាយនៅថ្ងៃទី០៧ ខែកញ្ញា ឆ្នាំ២០២០ បានឱ្យដឹងថា អភិបាលរដ្ឋកាលីហ្វ័រញ៉ា Gavin Newsom បានប្រកាសអាសន្ន នៅក្នុងតំបន់ចំនួន ៥ កាលពីថ្ងៃអាទិត្យ ចំពេលមានអគ្គិភ័យដ៏ខ្លាំងក្លា ដែលបានឆក់យកជីវិតមនុស្សចំនួន ៨ នាក់ រួចទៅហើយ។ តំបន់ទាំងនោះរួមមានស្រុក Fresno, Madera, Mariposa, San Bernardino និង San Diego ។

យោងតាម ការធ្វើបច្ចុប្បន្នភាពថ្ងៃអាទិត្យ ពីកាលីហ្វ័រញ៉ា អ្នកពន្លត់អគ្គីភ័យជិត ១៤.៨០០ នាក់ កំពុងប្រយុទ្ធនឹងអគ្គិភ័យធំៗ និងអគារត្រូវរន្ទះបាញ់នៅទូទាំងរដ្ឋ។

ថ្មីៗនេះ រដ្ឋនេះបានដោះស្រាយជាមួយនឹង Creek Fire ដែលបានដុតបំផ្លាញផ្ទៃដី ប្រហែល ៤៥.០០០ ហិចតា (១៨.២១០ ហិកតា) ដែលបណ្តាលឱ្យ មានការជម្លៀសមនុស្សចេញជាច្រើន៕ ប្រែសម្រួលៈ ណៃ តុលា