កូរ៉េខាងជើង ចោទកូរ៉េខាងត្បូង រំលោភចូលដែនទឹករបស់ខ្លួន ក្នុងស្វែករកសពមន្រ្តីជលផល

សេអ៊ូល៖ ប្រទេសកូរ៉េខាងជើង បានចោទប្រកាន់ប្រទេសកូរ៉េខាងត្បូង ពីបទរំលោភចូលទឹកដីរបស់ខ្លួន ខណៈដែលខ្លួន បានស្វែងរកសាកសពបុរសម្នាក់ ដែលត្រូវបានបាញ់សម្លាប់ ដោយកងទ័ពកូរ៉េខាងជើង កាលពីដើមសប្តាហ៍នេះ។

ទីភ្នាក់ងារព័ត៌មានកណ្តាលកូរ៉េ KCNA បានចុះផ្សាយថា នាវាជាច្រើនកំពុងឆ្លងកាត់ព្រំដែនទឹក ក្នុងកំឡុងពេលប្រតិបត្តិការ រុករកសាកសពបុរសជនជាតិកូរ៉េខាងត្បូង ដែលកំពុងបាត់ខ្លួននៅសមុទ្រលឿង។

KCNA បានចុះផ្សាយថា “យើងមិនខ្វល់ថាតើភាគីខាងត្បូង ធ្វើប្រតិបត្តិការស្វែងរក នៅក្នុងដែនទឹករបស់ខ្លួន ឬអត់នោះទេ ប៉ុន្តែយើង មិនដែលភ្លេចមើលការរំលោភចូលទឹកដី ដែនដីរបស់យើងនោះទេ ហើយយើងព្រមានធ្ងន់ៗ ទៅខាងខាងត្បូងប្រឆាំងនឹងវា”៕ ដោយ ៖ ឈូក បូរ៉ា