ad@dap-news.com

សហព័ន្ធស្រូវអង្ករកម្ពុជា៖ ការនាំចេញអង្ករ ៧ខែ កើនឡើង ចំនួន ១១៨ ០៦០ តោន ស្មើនឹង៣៨,៣៣% ធៀបនឹងឆ្នាំ២០១៩

ភ្នំពេញ៖ការនាំចេញអង្ករ  ៧ខែ កន្លងមក បានចំនួន ៤២៦ ០៧៣ តោន កើនឡើង ចំនួន ១១៨ ០៦០ តោន ស្មើនឹង៣៨,៣៣% ធៀបនឹងរយៈពេលដូចគ្នានៃឆ្នាំ២០១៩។ យោងតាមលទ្ធផលនេះ សហព័ន្ធស្រូវអង្ករកម្ពុជា បានសន្និដ្ឋានថា ការនាំចេញអង្កររបស់កម្ពុជាក្នុងឆ្នាំ២០២០ នឹងអាចឈានដល់ ៨០០ ០០០ តោន ។  ក្នុងឱកាសអញ្ជើញចូលរួមប្រជុំ  ពិនិត្យតាមដាន អំពីស្ថានភាពនៃការបង្កបង្កើនផលស្រូវរដូវវស្សា ការប្រមូលផលស្រូវដើមរដូវ និងការនាំចេញអង្ករ ឆ្នាំ២០២០ របស់ក្រុការងារ ក្នុងក្របខ័ណ្ឌ គ.ស.ហ ក្រោមអធិបតីភាព លោក ជូ វិជិត្ត រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ  ដើម្បីតាមដាន និងត្រួតពិនិត្យការអនុវត្តកម្មវិធីពិសេសរបស់រាជរដ្ឋាភិបាលពាក់ព័ន្ធនឹងវិស័យស្រូវអង្ករ។កាលពីរសៀលថ្ងៃទី២៨ ខែសីហា ឆ្នាំ២០២ លោក កៅ ថាច អគ្គនាយកនៃធនាគារអភិវឌ្ឍន៍ជនបទនិងកសិកម្ម  បានមើលឃើញថា ជារួមគិតត្រឹមខែសីហានេះ កសិករបានធ្វើការដាំដុះស្រូវរដូវវស្សា បានលឿនជាង បើធៀបរយៈពេលដូចគ្នានៃឆ្នាំ២០១៩។ ការប្រមូលផលស្រូវស្រាលនៅដើមរដូវនេះ ទទួលបានទិន្នផលជាមធ្យម ៤តោន ក្នុង១ហិកតា។  ស្ថានភាពទឹកទន្លេឆ្នាំនេះទាបជាង ឆ្នាំ២០១៩ ដែលរហូតមកដល់ពេលនេះ ទឹកមិនទាន់ចូលដល់តំបន់ធ្វើស្រូវប្រដេញទឹកនៅឡើយទេ ហេតុនេះកសិករអាចប្តូរពីការដាំដុះស្រូវប្រដេញទឹក មកដាំដុះស្រូវរដូវវស្សាវិញ ដែលអាចបង្កើនរដូវដាំដុះបន្ថែម និងធ្វើឲ្យផ្ទៃដីដាំដុះស្រូវរដូវវស្សាកើនឡើងច្រើនជាងមុន។ យោងតាមលទ្ធផលនៃការបង្កបង្កីនផលនេះ ប្រទេសកម្ពុជាអាចធានាបាននូវសន្តិសុខស្បៀងគ្រប់គ្រាន់ និងបម្រើឲ្យការនាំចេញអង្ករបានតាមការគ្រោងទុក បើទោះបីភ្លៀងបានធ្លាក់ដើមរដូវ តែក្រោយមកជួបនូវគ្រោះរាំងស្ងួត ដែលធ្វើឲ្យប៉ះពាល់ដល់ផ្ទៃដីដាំដុះស្រូវសែនក្រអូបមួយចំនួនក៏ដោយ ។  ការប្រមូលផលស្រូវស្រាល (សែនក្រអូប និងអ៊ីអ៊ែ) ដើមរដូវឆ្នាំនេះ មានការយឺតយ៉ាវជាងឆ្នាំ២០១៩ បង្កឡើងដោយគ្រោះរាំងស្ងួតជាហេតុនាំឲ្យល្បឿននៃការដាំដុះយឺតយ៉ាវ និង ស្រូវដែលរងផលប៉ះពាល់ខ្លាំងដែលតម្រូវឲ្យកសិករភ្ជួរចោល និងដាំដុះឡើងវិញមួយចំនួន ហើយការប្រមូលផលនឹងត្រូវអូសបន្លាយរហូតដល់ ខែតុលា វិច្ឆិកា និងខែធ្នូ ព្រមគ្នាជាមួយនឹងការប្រមូលផល ស្រូវផ្កាម្លិះ-ផ្ការំដួល ។  ការនាំចេញអង្ករ  ៧ខែ កន្លងមក បានចំនួន ៤២៦ ០៧៣ តោន កើនឡើង ចំនួន ១១៨ ០៦០ តោន ស្មើនឹង៣៨,៣៣% ធៀបនឹងរយៈពេលដូចគ្នានៃឆ្នាំ២០១៩។ យោងតាមលទ្ធផលនេះ សហព័ន្ធស្រូវអង្ករកម្ពុជា បានសន្និដ្ឋានថា ការនាំចេញអង្កររបស់កម្ពុជា ក្នុងឆ្នាំ២០២០ នឹងអាចឈានដល់ ៨០០ ០០០ តោន ។  ហេតុនេះដើម្បីសម្រេចបាននូវគោលដៅនាំចេញអង្ករ ៨០០ ០០០ តោន សហព័ន្ធស្រូវអង្ករកម្ពុជា បានស្នើសុំនូវការគាំទ្រជាឥណទាន ក្រោមកម្មវិធីពិសេសរបស់រាជរដ្ឋាភិបាល ចំនួន ៣០ លានដុល្លារ បន្ថែមទៀត តាមរយៈធនាគារអភិវឌ្ឍន៍ជនបទ និងកសិកម្ម (ធ.អ.ជ.ក.) និងស្នើសុំប្រើប្រាស់ឥណទានក្រោមកម្មវិធីនេះសម្រាប់រយៈពេល១២ខែ។

ការស្រាវជ្រាវរកឃើញថា ការស្លាប់ដោយជំងឺកូវីដ១៩ នៅសហរដ្ឋអាមេរិក អ្នកស្បែកខ្មៅ មានចំនួនច្រើនជាងអ្នកស្បែកស

ញ៉ូវយ៉ក៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៨ ខែសីហា ឆ្នាំ២០២០ថា យោងតាមការស្រាវជ្រាវមួយ ដែលបានប្រកាសឲ្យដឹង នៅក្នុងសប្តាហ៍នេះថា ក្នុងអំឡុងពេល ដែលមានជំងឺការឆ្លងរាលដាលជំងឺកូវីដ១៩ អត្រាមរណភាព ក្នុងចំណោមពលរដ្ឋដែលស្បែកស មានអត្រាស្លាប់ទាបជាង អ្នកដែលមានស្បែកខ្មៅ នៅសហរដ្ឋអាមេរិក ។ ការស្រាវជ្រាវបានបោះពុម្ពផ្សាយ ដោយទស្សនាវដ្តីកែច្នៃ តាមបែបផែនវិទ្យាសាស្ត្រ រាជបណ្ឌិតសភាជាតិ កាលពីថ្ងៃចន្ទ ដោយប្រើប្រាស់នូវគំរូជាច្រើន...

រុស្ស៊ីបណ្ដេញ មន្ត្រីការទូតន័រវេស ជុំវិញរឿងចារកម្ម

បរទេស៖ ប្រទេសរុស្ស៊ី នឹងបណ្ដេញមន្ត្រីការទូតមួយរូប ចេញពីស្ថានទូតន័រវេសក្នុងទីក្រុងមូស្គូ ហើយនេះ គឺជាសកម្មភាពថ្មីមួយ ក្រោយទីក្រុងអូស្លូ បានបណ្តេញមន្ត្រីការទូតរុស្ស៊ីមួយរូប ពីបទសង្ស័យស៊ើបការណ៍សម្ងាត់ នេះបើយោងតាមការនិយាយប្រាប់ឲ្យដឹង ពីក្រសួងការបរទេស ក្នុងប្រទេសទាំងពីរ នៅថ្ងៃសុក្រនេះ។ នៅក្នុងសេចក្តីថ្លែងការណ៍មួយ ក្រសួងការបរទេសរុស្ស៊ី បាននិយាយថា មន្ត្រីការទូតន័រវេស មានពេល៣ថ្ងៃចាកចេញ ពីប្រទេសរុស្ស៊ី ហើយនេះគឺជាការឆ្លើយតប ចំពោះការបណ្តេញ មន្ត្រីការទូតរុស្ស៊ីមួយរូប...

សាច់ញាតិម្ចាស់ក្លឹប W Ktv ស្នើរដ្ឋមន្រ្តីព័ត៌មានដោះ ស្រាយអ្នកកាសែតកបិលមហាព្រហ្ម ដែលមកជំរិតទារប្រាក់

ភ្នំពេញ ៖ ដោយសារទ្រាំមិនបាន សាច់ញាតិរបស់តិម្ចាស់ក្លឹប កំសាន្ត W Ktv បានស្នើលោក ខៀវ កាញ៉ារីទ្ធ រដ្ឋមន្រ្តីក្រសួងព័ត៌មាន ជួយដោះស្រាយអ្នកកាសែតអនឡាញ ឈ្មោះកបិលមហាព្រហ្ម ដែលតែងតែមកជំរិតទារប្រាក់ញយដង។ បើតាមហ្វេសប៊ុក លោករដ្ឋមន្រ្តីនៅព្រឹកថ្ងៃទី២៩ សីហា រៀបរាប់ថា មានមនុស្សបានសុំប្តឹង ចំពោះក្រុមព័ត៌មានonline មួយបានមកអុកឡុក កោសរូស...

រុស្ស៊ីថា អាមេរិកដាក់ទណ្ឌកម្ម ទៅលើវិទ្យាស្ថាន ដែលធ្វើការលើវ៉ាក់សាំង ការពារមេរោគកូវីដ១៩ របស់រុស្ស៊ី គឺចង់លើកស្ទួយក្រុមហ៊ុនឱសថខ្លួនឯង

បរទេស៖ កាលពីថ្ងៃពុធ សហរដ្ឋអាមេរិក បានដាក់ទណ្ឌកម្ម ទៅលើវិទ្យាស្ថានចំនួន ៥ របស់រុស្ស៊ី ដោយចោទប្រកាន់ ពីការអភិវឌ្ឍអាវុធគីមី និងអាវុធជីវសាស្ត្រ។ ការរឹតត្បិតនេះ ត្រូវបានដាក់ជាពិសេស ទៅលើវិទ្យាស្ថានស្រាវជ្រាវ នៃក្រសួងការពារជាតិរុស្ស៊ី ដែលបានបង្កើតវ៉ាក់សាំង ការពារមេរោគកូវីដ១៩ រួមគ្នាជាមួយវិទ្យាស្ថាន Gamaleya ។ យោងតាមសារព័ត៌មាន Sputnik ចេញផ្សាយនៅថ្ងៃទី២៨...

រាជរដ្ឋាភិបាល បានបង្កើតក្រុមការងារ ចុះសិក្សានិងដោះស្រាយ ករណីឃើញគ្រាប់យុទ្ធភ័ណ្ឌមិនទាន់ផ្ទុះ នៅក្នុងនាវាដែលលិចក្នុងទន្លេ នាខេត្តកំពង់ចាម

ភ្នំពេញ៖ រាជរដ្ឋាភិបាល បានបង្កើតក្រុមការងារអន្តរក្រសួង ដើម្បីចុះសិក្សានិងដោះស្រាយ ករណីឃើញគ្រាប់យុទ្ធភ័ណ្ឌមិនទាន់ផ្ទុះ នៅក្នុងនាវាដែលលិចក្នុងទន្លេ ស្ថិតនៅភូមិវាល ឃុំមានជ័យ ស្រុកស្រីសន្ធរ ខេត្តកំពង់ចាម។ គួររំលឹកផងដែរថា នៅចំណុចកប៉ាល់លិចខាងលើ កាលពីថ្ងៃទី៥ ខែវិច្ឆិកា ឆ្នាំ ២០១៩ កម្លាំងសមត្ថកិច្ចនគរបាល នៃអធិការដ្ឋាននគរបាលស្រុកស្រីសន្ធរ បានចូលរួមជាមួយក្រុមស៊ីមាក់ បានមុជទឹកពិនិត្យទីតាំងបូមខ្សាច់ ដែលបូមបានគ្រាប់ចំនួន៣ ប្រភេទ...

កូរ៉េខាងត្បូង សោកស្ដាយចំពោះដំណឹង លាលែងតំណែង របស់លោក ស៊ីនហ្សូ អាបេ

សេអ៊ូល៖ ការិយាល័យប្រធានាធិបតីកូរ៉េខាងត្បូង បានសម្តែងការសោកស្តាយ ចំពោះដំណឹងនៃការសម្រេចចិត្ត របស់នាយករដ្ឋមន្រ្តីជប៉ុន លោក ស៊ីនហ្សូ អាបេ ក្នុងការលាលែងពីតំណែង ហើយសូមជូនពរឱ្យលោក មានសុខភាពល្អឡើងវិញ។ អ្នកនាំពាក្យ Cheong Wa Dae លោក Kang Min-seok បាននិយាយ នៅក្នុងសេចក្តីថ្លែងការណ៍មួយថា យើងមានការសោកស្តាយ ចំពោះការប្រកាសលាឈប់ពីតំណែងភ្លាមៗ...

នាយករដ្ឋមន្រ្តីជប៉ុន លាលែងតំណែងដោយសារបញ្ហាសុខភាព បន្សល់ទុកបញ្ហាជាច្រើនមិនទាន់ដោះស្រាយ

តូក្យូ៖ លោកនាយករដ្ឋមន្រ្តី ស៊ីនហ្សូ អាបេ បានឲ្យដឹងថាលោកនឹងលាលែង ពីតំណែងដោយសារការរីករាលដាល នៃជំងឺពោះវៀនរ៉ាំរ៉ៃរបស់លោក ដែលបានបញ្ចប់រយៈពេលជិត ៨ ឆ្នាំរបស់លោក ក្នុងនាមជាមេដឹកនាំ ដែលបម្រើការយូរជាងគេបំផុត របស់ប្រទេសជប៉ុន។ ។ លោកអាបេ ដែលទើបតែបួនថ្ងៃមុន បានបង្កើតកំណត់ត្រា នៃការកាន់អំណាច អស់រយៈពេល ២,៧៩៩ ថ្ងៃជាប់ៗគ្នានឹងចាកចេញពីតំណែង ដោយមិនបានសម្រេច...

ក្រសួងសុខាភិបាល ប្រកាសថា គ្មានករណីឆ្លងជំងឺកូវីដ១៩ថ្មី និងគ្មានករណីជាសះស្បើយឡើយ

ប្រមុខការពារជាតិ បន្តអំពាវនាវឲ្យពលរដ្ឋ ប្រុងប្រយ័ត្នជានិច្ច បើទោះការបង្កើតវ៉ាក់សាំង ប្រឆាំងមេរោគកូវីដ-១៩ ទទួលបានលទ្ធផលវិជ្ជមានជាបន្តបន្ទាប់

ភ្នំពេញ៖ សម្ដេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ បានអំពាវនាវឲ្យពលរដ្ឋប្រុងប្រយ័ត្នជានិច្ច និងបន្តអនុវត្តវិធានការការពារនានា ដែលក្រសួងសុខាភិបាលបានណែនាំ បើទោះការបង្កើតវ៉ាក់សាំង ប្រឆាំងមេរោគកូវីដ-១៩ ទទួលបានលទ្ធផលវិជ្ជមានជាបន្តបន្ទាប់ នៅតាមបណ្តាប្រទេសមួយចំនួន។ សម្ដេចពិជ័យសេនា ទៀ បាញ់បានសរសេរ លើគេហទំព័រហ្វេសប៊ុក នៅថ្ងៃទី២៩ សីហា នេះថា” បើទោះជាដំណើរការ នៃការបង្កើតវ៉ាក់សាំង...