KD102

សែលកាតផ្តល់ជូន កាដូនៅចុងសប្តាហ៍នេះ ឥតគិតថ្លៃដល់អតិថិជន របស់គម្រោង 4U ទាំងអស់

សែលកាត ដែលជាក្រុមហ៊ុនបណ្តាញទូរស័ព្ទចល័ត ជាមោទនភាពរបស់ជាតិខ្មែរ បានប្រកាសក្នុងថ្ងៃនេះនូវ ការផ្តល់កាដូចុងសប្តាហ៍ឥតគិតថ្លៃ ជាទិន្នន័យអ៊ីនធើណិត នាទីសម្រាប់តេចេញ និងសារ ជូនដល់អតិថិជនដែលកំពុងប្រើប្រាស់ Cellcard 4U ទាំងអស់។ ការផ្តល់ជូនពិសេសនេះ គឺជាកាដូដើម្បីលើកទឹកចិត្តដល់អតិថិជន និងដើម្បីតបស្នងជូន ដល់សហគមន៍មូលដ្ឋាន ដែលកំពុងត្រូវការការគាំទ្រ បន្ថែមនៅក្នុងជីវិតប្រចាំថ្ងៃរបស់ពួកគាត់ នាពេលបច្ចុប្បន្ននេះ។ នៅថ្ងៃសៅរ៍ និងថ្ងៃអាទិត្យខាងមុខនេះ (ទី 25 និង 26 ខែកក្កដា) អតិថិជនកំពុងប្រើប្រាស់គម្រោង 4U ទាំងអស់ ដែលបញ្ចូលលេខកូដធម្មតា *5050# នឹងទទួលបានកាដូដោយស្វ័យប្រវត្តិ ជាទិន្នន័យអ៊ីនធើណិតចំនួន 2GB  នាទីសម្រាប់តេចេញ និងផ្ញើសារក្នុងប្រព័ន្ធដោយឥតកំណត់។ អតិថិជនប្រើប្រាស់គម្រោង Cellcard 4U  ទាំងអស់ នឹងអាចទទួលបានកាដូនេះ ដរាបណាពួកគាត់នៅតែជាអតិថិជនសកម្ម របស់គម្រោងមួយនេះ។ លោក អៀន វ៉ាតសុន (Ian Watson) នាយកប្រតិបត្តិក្រុមហ៊ុនសែលកាត បានឱ្យដឹងថា គម្រោង 4U ដែលផ្តល់នូវអត្ថប្រយោជន៍ពិសេស ដូចជាការឱ្យយកទិន្នន័យនៅសល់ទៅបូកបញ្ចូល ក្នុងគម្រោងបន្ទាប់ និងការទទួលបានសប្តាហ៍ទី 4 ដោយឥតគិតថ្លៃសម្រាប់គម្រោង 5,000 រៀល កំពុងទទួលបានការគាំទ្រយ៉ាងខ្លាំង ពីសំណាក់អតិថិជនគ្រប់វ័យ នៅទូទាំងប្រទេសកម្ពុជា។ “តាមរយៈការសិក្សា ស្រាវជ្រាវបានបង្ហាញថា ការប្រើប្រាស់ទិន្នន័យ ប្រចាំថ្ងៃជាមធ្យម កំពុងតែមានការកើនឡើងខ្លាំង ស្របពេលដែលពលរដ្ឋខ្មែរយើង បានចំណាយពេលកំសាន្តអារម្មណ៍និងសិក្សាតាមអនឡាញ កាន់តែច្រើនឡើងៗ”។ “តាមរយៈការផ្តល់ជូនកាដូ ចុងសប្តាហ៍ដោយឥតគិតថ្លៃ យើងចង់ឱ្យអ្នកប្រើប្រាស់ ទាំងក្មេងនិងចាស់ កាន់តែច្រើនឡើង ទទួលបានបទពិសោធន៍ ប្រើប្រាស់អ៊ីនធើណិតប្រកបដោយទំនុកចិត្តខ្ពស់ របស់បណ្តាញទូរស័ព្ទចល័តសែលកាត ក៏ដូចជារីករាយជាមួយ ការកំសាន្តតាមអនឡាញទៅតាមចំណង់ ចំណូលចិត្តរបស់ពួកគាត់”។ លោក វ៉ាតសុន បានថ្លែងទៀតថា ការផ្តល់ជូនកាដូដ៏គាប់ចិត្តជាទិន្នន័យអ៊ីនធើណិតចំនួន 2GB នេះ នឹងជួយអតិថិជនឱ្យរីករាយជាមួយ ការចូលទស្សនាគេហទំព័រ ទស្សនាខ្សែភាពយន្តនិងស្តាប់តន្ត្រី ប្រើប្រាស់បណ្តាញសង្គម លេងហ្គេម សិក្សាតាមអនឡាញនិងការសន្ទនាជាវីដេអូជាមួយក្រុមគ្រួសារនិងមិត្តភក្តិ បានយ៉ាងរលូនបំផុត។ ការផ្តល់ជូនកាដូចុងសប្តាហ៍ ដោយឥតគិតថ្លៃនេះ ត្រូវបានរៀបចំធ្វើឡើង បន្ទាប់ពីក្រុមហ៊ុនសែលកាតបានបើកដំណើរការ កម្មវិធីផ្តល់ជូនពិសេស សម្រាប់ថ្ងៃឈប់សម្រាកបុណ្យជាតិ ដែលកំពុងផ្សព្វផ្សាយយ៉ាងសកម្មនៅតាមបណ្តាផ្សារទំនើបឡាក់គី ក្នុងរាជធានីភ្នំពេញ។ កម្មវិធីផ្តល់ជូនពិសេសនេះ ត្រូវបានរៀបចំឡើងក្នុងគោលបំណង ដើម្បីជួយធ្វើឱ្យវិស័យទេសចរណ៍ ក្នុងស្រុកមានភាពល្អប្រសើរឡើងវិញ ក្នុងកំឡុងស្ថានភាពដ៏ពិបាកនាពេលនេះ និងជួយលើកកម្ពស់ដល់ការធ្វើដំណើរប្រកបដោយសុខសុវត្ថិភាពសម្រាប់ក្រុមគ្រួសារ ក៏ដូចជាគូស្វាមីនិងភរិយាផងដែរ។ កម្មវិធីប្រូម៉ូសិនពិសេសនេះ មានផ្តល់ជូននូវកញ្ចប់ ដំណើរកំសាន្ត ចំនួន 11 រង្វាន់ដោយក្នុងនោះរួមមានទាំងរង្វាន់ពិសេស ដែលជាការស្នាក់នៅរយៈពេល 2 យប់ នៅឯសណ្ឋាគារ សូហ្វីតែលភ្នំពេញផងដែរ៕

យូអិន លើកលែងទណ្ឌកម្ម ដល់កិច្ចប្រឹងប្រែងជំនួយ អង្គការក្រៅរដ្ឋាភិបាលកូរ៉េខាងត្បូង នៅកូរ៉េខាងជើង

យូអិន៖ សម្រាប់គេហទំព័រ របស់អង្គការសហប្រជាជាតិ បានបង្ហាញឲ្យដឹងថា អង្គការសហប្រជាជាតិ បានផ្តល់ការលើកលែងការ ដាក់ទណ្ឌកម្មជាបណ្តោះអាសន្ន សម្រាប់គម្រោងរបស់អង្គការ ក្រៅរដ្ឋាភិបាលកូរ៉េខាងត្បូងមួយ ដើម្បីជួយដល់កិច្ចខិតខំប្រឹងប្រែង កំចាត់មេរោគរបស់កូរ៉េខាងជើង។ ការស្រាវជ្រាវសហប្រតិបត្ដិការសេដ្ឋកិច្ចកូរ៉េ ត្រូវបានផ្តល់ការលើកលែង ចំពោះ “ចូលរួមសកម្មភាពមនុស្សធម៌ សម្រាប់ការផ្តល់ជំនួយសង្គ្រោះបន្ទាន់ ឆ្ពោះទៅការការពារ និងត្រួតពិនិត្យជំងឺកូវីដ-១៩”។ ការលើកលែងនេះអនុញ្ញាតឱ្យ អង្គការនេះនាំយកម៉ាស៊ីនថតរូបភាពកម្ដៅ ចំនួន ២០...

អាមេរិកធ្វើសមយុទ្ធ ជាមួយនាវាដឹកយន្តហោះ នៅសមុទ្រចិនខាងត្បូង ខណៈចិនធ្វើសមយុទ្ធបាញ់គ្រាប់ពិត ប្រឆាំងនាវាចម្បាំង នៅក្បែរនោះ

បរទេស៖ នៅពេលក្រុមនាវា ដឹកយន្តហោះអាមេរិកចំនួន ២ ក្រុមបានធ្វើសមយុទ្ធ នៅសមុទ្រចិនខាងត្បូង កាលពីសប្តាហ៍មុន កងទ័ពអាកាសរបស់ កងទ័ពរំដោះប្រជាជនចិន (PLAAF) បានធ្វើសមយុទ្ធវាយប្រហារប្រឆាំង នឹងនាវានៅក្បែរនោះផងដែរ ។ យោងតាមសារព័ត៌មាន Sputnik ចេញផ្សាយនៅថ្ងៃទី២១ ខែកក្កដា ឆ្នាំ២០២០ បានឱ្យដឹងថា អស់រយៈពេលជាច្រើនសប្តាហ៍ នាវាដឹកយន្តហោះអាមេរិក ជាច្រើនបានធ្វើសមយុទ្ធ...

អាមេរិក ប្រារព្ធធ្វើសមយុទ្ធជើងទឹក ជាមួយសម្ពន្ធមិត្តនៅអាស៊ី ស្របពេលមានភាពតានតឹងជាមួយចិន

បរទេស៖ កងទ័ពជើងទឹកសហរដ្ឋអាមេរិក តាមសេចក្តីរាយការណ៍ បាននិយាយនៅថ្ងៃអង្គារនេះថា សហរដ្ឋអាមរិក នឹងធ្វើសមយុទ្ធយោធាចំនួន ពីរ នៅតំបន់ដែនទឹកអាស៊ី នាសប្ដាហ៍នេះ ដោយមានការចូលរួមពីប្រទេសជប៉ុន ប្រទេសអូស្ត្រាលី និងប្រទេសឥណ្ឌា។ សមយុទ្ធនេះ គឺត្រូវបានធ្វើឡើង ស្របពេលដែលការប្រជែងគ្នា ផ្នែកយោធារវាងសហរដ្ឋអាមេរិកនិងចិន កំពុងតែកើនកម្តៅខ្លាំងឡើង និងក្រោយប៉ុន្មានថ្ងៃបន្ទាប់ សហរដ្ឋអាមេរិកបាននិយាយប្រាប់ថា ការអះអាងកម្មសិទ្ធិ នៅក្នុងដែនសមុទ្រចិនខាងត្បូង គឺមិនស្របច្បាប់នោះឡើយ។...

ក្រសួងសុខាភិបាល កែតម្រូវព័ត៌មានដែលបាន ចេញផ្សាយអំពីករណី វិជ្ជមានកូវីដ១៩ថ្មី ២៦នាក់ និងជាសះស្បើយ ៤នាក់ កាលពីថ្ងៃ២០ កក្កដា

វៀតណាម ស្នើឱ្យចិនគ្រប់គ្រង ជម្លោះនៅតំបន់សមុទ្រ

បរទេស៖ ឧបនាយករដ្ឋមន្រ្តី និង ជារដ្ឋមន្រ្តីក្រសួងការបរទេសវៀតណាម លោក Pham Binh Minh បាននិយាយថា ប្រទេសវៀតណាមនិងចិន គួរតែធ្វើការរួមគ្នាដើម្បីដោះស្រាយបញ្ហា ជំនួសឱ្យភាពស្មុគស្មាញ និងការពង្រីកជម្លោះ។ យោងតាមសារព័ត៌មាន VN Express ចេញផ្សាយនៅថ្ងៃទី២១ ខែកក្កដា ឆ្នាំ២០២០ បានឱ្យដឹងថា នៅក្នុងកិច្ចប្រជុំលើកទី ១២...

លោក Mark Esper៖ ខ្ញុំមិនបានចេញបញ្ជាឲ្យ ដកកងទ័ពចេញពី កូរ៉េខាងត្បូងនោះទេ

វ៉ាស៊ីនតោន៖ រដ្ឋមន្រ្តីការពារជាតិ សហរដ្ឋអាមេរិកលោក Mark Esper បានលើកឡើងថា លោកមិនបានចេញបញ្ជាឱ្យ ដកកងទ័ពចេញពី ប្រទេសកូរ៉េខាងត្បូងនោះទេ ប៉ុន្តែនឹងបន្តពិនិត្យមើល ការកែសម្រួលការដាក់ពង្រាយ នៅទូទាំងពិភពលោក ។ ការកត់សម្គាល់របស់ Esper បន្ទាប់ពីមានសេចក្តីរាយការណ៍មួយថា មន្ទីរប៉ង់តាហ្គោន បានបង្ហាញជំរើសដល់សេតវិមាន ដើម្បីកាត់បន្ថយកម្រិត កងទ័ពនៅកូរ៉េខាងត្បូង នៅខែមីនា ។...

វៀតណាម មានអ្នកឆ្លងជំងឺកូវីដ១៩ថ្មី ចំនួន១២នាក់

ហាណូយ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២២ ខែកក្កដា ឆ្នាំ២០២០ថា ក្រសួងសុខាភិបាលបានឲ្យដឹងថា ប្រទេសវៀតណាម ត្រូវបានគេរាយការណ៍ថា មានករណីថ្មីចំនួន ១២ ដែលឆ្លងជំងឺកូវីដ១៩ គិតត្រឹមថ្ងៃអង្គារ ដែលនាំឲ្យចំនួនអ្នកឆ្លងជំងឺសរុបកើនដល់ ៣៩៦នាក់ និងមិនទាន់មានអ្នកស្លាប់ នៅឡើយទេតាំងពីពេលមុន ។ ករណីចុងក្រោយ គឺជាពលរដ្ឋវៀតណាម ដែលថ្មីៗនេះបានធ្វើដំណើរ ត្រឡប់ពីប្រទេសរុស្ស៊ី ។...

កងកម្លាំងបោសសម្អាត ភេវករនៅអេហ្ស៊ីប សម្លាប់ក្រុមភេរវករអស់ ១៨នាក់

គែរ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២២ ខែកក្កដា ឆ្នាំ២០២០ថា យោធាអេហ្ស៊ីប បានប្រកាសឲ្យដឹងកាលពីថ្ងៃអង្គារថា កងកម្លំាងបានសម្លាប់ ក្រុមភេរវករចំនួន ១៨នាក់ ខណៈដែលកងកម្លាំងរបស់ខ្លួន បានធ្វើការបោសសម្អាត ទ្រង់ទ្រាយធំទៅលើក្រុមភេវករ នៅខាងក្រៅមូលដ្ឋានយោធា នៅខេត្តស៊ីណៃខាងជើង ។ នៅក្នុងសេចក្តីប្រកាស ព័ត៌មានមួយបានដាក់ថា សមាជិករបស់យោធា នៃកងកម្លាំងបានគ្រប់គ្រង ស្ថានការណ៍ក្នុងការបោសសម្អាត ភេរវករដែលបានវាយប្រហារ...

ប្រធានមន្ទីរប៉ង់តាហ្គោន៖ បើប្រទេសចិន ធ្វើឱ្យស្ថានភាពកាន់តែធ្ងន់ធ្ងរ ជាមួយកោះតៃវ៉ាន់ នោះការលក់អាវុធទៅ ឱ្យកោះនេះនឹងបន្ត

បរទេស៖ កន្លងមកចិនបានគំរាម ដាក់ទណ្ឌកម្មលើ ក្រុមហ៊ុនផលិតអាមេរិក Lockheed Martin ជុំវិញកិច្ចព្រមព្រៀង លក់អាវុធចុងក្រោយ របស់អាមេរិកជាមួយ កោះតៃវ៉ាន់។ សហរដ្ឋអាមេរិក បានយល់ព្រមផ្តល់កញ្ចប់ ការបញ្ជាក់ឡើងវិញចំនួន ៦២០លានដុល្លារដល់កោះតៃវ៉ាន់ផងដែរ សម្រាប់មីស៊ីលការពារ ដែនអាកាស Patriot Advanced Capability-3 ។ យោងតាមសារព័ត៌មាន Sputnik...