KD102

ឈ្មោះរបស់សម្តេចតេជោ ហ៊ុន សែន ល្បីល្បាញ និងត្រូវបានប្រជាជនគោរព នៅក្នុងប្រទេសទីម័រខាងកើត

ភ្នំពេញ៖ ក្នុងជំនួបជាមួយលោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេសកម្ពុជា នាថ្ងៃទី៣ កក្កដានេះ លោកErmenegildo Kupa Lopes ឯកអគ្គរដ្ឋទូតសាធារណរដ្ឋប្រជាធិបតេយ្យទីម័រខាងកើតចប់អាណត្តិ ប្រចាំកម្ពុជា បានកោតសរសើរសម្តេចតេជោ ហ៊ុន សែន ប្រធានព្រឹទ្ធសភាកម្ពុជា ចំពោះការដឹកនាំដ៏គំរូរបស់សម្តេច ហើយបានកត់សម្គាល់ថាឈ្មោះរបស់សម្តេចគឺល្បីល្បាញ និងត្រូវបានប្រជាជនគោរពនៅក្នុងប្រទេសទីម័រខាងកើត។ បេីតាមអ្នកនាំពាក្យរងក្រសួងការបរទេស បានឲ្យដឹងថា ក្នុងជំនួបនោះទីម័រខាងកើត បានថ្លែងអំណរគុណយ៉ាងស្មោះស្ម័គ្រចំពោះកម្ពុជា ដែលបានគាំទ្រទីម័រខាងកើត ឱ្យ ក្លាយជាសមាជិកទី១១ នៃសមាគមប្រជាជាតិអាស៊ីអាគ្នេយ៍ (អាស៊ាន)។ ឧបនាយករដ្ឋមន្ត្រី ប្រាក់ សុខុន បានកោតសរសើរចំពោះការយកចិត្តទុកដាក់ក្នុង ការពង្រឹងចំណងមិត្តភាព និងកិច្ចសហប្រតិបត្តិការរវាងកម្ពុជា និងទីម័រខាងកើត។ លោកឧបនាយករដ្ឋមន្ត្រី បានកោតសរសើរជាពិសេសចំពោះការខិតខំប្រឹងប្រែងរបស់លោកឯកអគ្គរដ្ឋទូតចាប់តាំងពីខែ មេសា ឆ្នាំ២០២០ ក្នុងការលើកកម្ពស់ទំនាក់ទំនងទ្វេភាគីប្រកបដោយផ្លែផ្ការវាងប្រទេសទាំងពីរ និងថ្លែងអំណរគុណចំពោះលោកឯកអគ្គរដ្ឋទូត ដែលបានសម្របសម្រួលដំណើរទស្សនកិច្ចផ្លូវការនាពេលថ្មីៗ នេះ របស់សម្តេចតេជោ ហ៊ុនសែន ប្រធានព្រឹទ្ធសភាកម្ពុជា ទៅកាន់ប្រទេសទីម័រខាងកើត ព្រមទាំងបាន ទទួលស្គាល់ពីវឌ្ឍនភាពរបស់ប្រទេសទីម័រខាងកើតឆ្ពោះទៅកាន់ការក្លាយជាសមាជិកអាស៊ានទី១១ ដែលថ្នាក់ដឹកនាំអាស៊ាននឹងធ្វើសេចក្តីសម្រេចចិត្តជាផ្លូវការនៅខែតុលា ឆ្នាំ២០២៥នៅប្រទេសម៉ាឡេស៊ី។ ឯកអគ្គរដ្ឋទូត Lopes បានកោតសរសើរសម្តេចតេជោ ហ៊ុន សែន ប្រធានព្រឹទ្ធសភានៃ កម្ពុជា ចំពោះការដឹកនាំដ៏គំរូរបស់សម្តេចហើយបានកត់សម្គាល់ថា «ឈ្មោះរបស់សម្តេចតេជោគឺល្បីល្បាញ និងត្រូវបានប្រជាជនគោរពនៅក្នុងប្រទេសទីម័រខាងកើត» ។ ឧបនាយករដ្ឋមន្ត្រីបានធានាចំពោះឯកអគ្គរដ្ឋទូតថា ឯកអគ្គរដ្ឋទូតទីម័រខាង កើតដែលនឹងមកកាន់តួនាទីបន្ទាប់ នឹងទទួលបានកិច្ចសហប្រតិបត្តិការ និងការគាំទ្រដូចគ្នា៕

774

ព័ត៌មានជាតិ

លោក ទ្រី ស៊ីថេង បញ្ជាក់ជំហរមិនត្រលប់ទៅធ្វើការជាមួយអង្គការវិញទេ តែសុំអនុញ្ញាតរដ្ឋមន្ត្រី ឌិត ទីណា ដើម្បីអាចទៅលេងជាមួយឡាក់គី ដូចជាសាច់ញាតិ

ភ្នំពេញ៖ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃទី៣ ខែកក្កដា បានជួបពិភាក្សាជាមួយលោក ទ្រី ស៊ីថេង ដែលជាហ្មថែទាំដំរី ឡាក់គី និងក្រុមហ្មដំរីទាំងអស់ ដែលជាបុគ្គលិករបស់អង្គការ សម្ព័ន្ធសត្វព្រៃ (Wildlife Alliance) ដោយមានការសម្របសម្រួលពីមន្ត្រីរដ្ឋបាលព្រៃឈើ។ ជំនួបនេះមានគោលបំណងសម្របសម្រួលឱ្យ លោក...

160

ព័ត៌មានជាតិ

៦ខែ កម្ពុជា នាំចេញអង្ករជិត ៤០ម៉ឺនតោន គិតជាទឹកប្រាក់បានជាង ២៨៣លានដុល្លារ

ភ្នំពេញ ៖ សហព័ន្ធស្រូវអង្ករកម្ពុជា បានឱ្យដឹងថា ក្នុងរយៈពេល ៦ខែ នៃឆ្នាំ ២០២៥ កម្ពុជា បាននាំចេញអង្ករចំនួន ៣៨៧ ០៧០ តោន គិតជាទឹកប្រាក់បានចំនួន ២៨៣.៤១ លានដុល្លារសហរដ្ឋអាមេរិក។ យោងតាមសេចក្ដីប្រកាសរបស់ សហព័ន្ធស្រូវអង្ករកម្ពុជា បានគូសបញ្ជាក់ថា «ក្នុងរយៈពេល ៦ខែ នៃឆ្នាំ២០២៥...

220

ព័ត៌មានអន្តរជាតិ

លោក ដូណាល់ ត្រាំ ទាមទារឱ្យប្រធានធនាគារកណ្ដាលអាមេរិក លោក Powell លាលែងពីតំណែងជាបន្ទាន់

ញូវយ៉ក៖ ប្រធានាធិបតីអាមេរិក លោក ដូណាល់ ត្រាំ បានទាមទារឱ្យប្រធានធនាគារកណ្តាលអាមេរិកលោក Jerome Powell “លាលែងពីតំណែងជាបន្ទាន់” នេះបើយោងតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួ ។ នៅក្នុងការបង្ហោះនៅលើវេទិកាសង្គម Truth Social លោក ត្រាំ បានភ្ជាប់ទៅអត្ថបទមួយអំពីការអត្ថាធិប្បាយពីលោក Bill Pulte ប្រធានទីភ្នាក់ងារហិរញ្ញវត្ថុលំនៅឋានសហព័ន្ធ ដែលបានអំពាវនាវឱ្យសភាស៊ើបអង្កេតលោក...

189

ព័ត៌មានអន្តរជាតិ

ស្លាប់ ៤នាក់ និងបាត់ខ្លួន ៣៨នាក់ ក្រោយកប៉ាល់លិចនៅកោះបាលី ប្រទេសឥណ្ឌូនេស៊ី

ហ្សាកាតា៖ មន្ត្រីជួយសង្គ្រោះជាន់ខ្ពស់ម្នាក់បានឲ្យដឹងថា យ៉ាងហោចណាស់មនុស្ស ៤ នាក់បានស្លាប់ ២៣ នាក់ទៀតនៅរស់រានមានជីវិត និង ៣៨ នាក់ទៀតកំពុងបាត់ខ្លួន បន្ទាប់ពីកប៉ាល់ឈើដឹកអ្នកដំណើរ មួយគ្រឿងបានក្រឡាប់នៅជិតកោះបាលីរបស់ប្រទេសឥណ្ឌូណេស៊ី មុនពាក់កណ្តាលអធ្រាត្រកាលពីថ្ងៃពុធ។ លោក I Nyoman Sidakarya ប្រធានការិយាល័យស្រាវជ្រាវ និងជួយសង្គ្រោះនៅកោះបាលី បានឲ្យដឹងថា កប៉ាល់ Tunu...

410

ព័ត៌មានអន្តរជាតិ

ជប៉ុន រក្សាភាពស្ងៀមស្ងាត់លើ ការគំរាមកំហែងពន្ធរបស់លោក ត្រាំ ដោយប្តេជ្ញាធ្វើកិច្ចចរចាពាណិជ្ជកម្ម ដោយស្មោះត្រង់

តូក្យូ៖ រដ្ឋាភិបាលជប៉ុន បានបដិសេធមិនធ្វើអត្ថាធិប្បាយលើការ គំរាមកំហែងរបស់ប្រធានាធិបតីអាមេរិកលោក ដូណាល់ ត្រាំ ក្នុងការដាក់ពន្ធកាន់តែខ្ពស់លើផលិតផលជប៉ុន ដោយប្ដេជ្ញាថា ខ្លួននឹងបន្តកិច្ចពិភាក្សាទ្វេភាគី “ដោយស្មោះស្រង់” ។ ថ្លែងនៅក្នុងសន្និសីទសារព័ត៌មានមួយ អនុប្រធានខុទ្ទកាល័យលោក Kazuhiko Aoki បានឲ្យដឹងថា ប្រទេសជប៉ុនស្វែងរកកិច្ចព្រមព្រៀង ដែលមានអត្ថប្រយោជន៍ទៅវិញទៅមកជាមួយសហរដ្ឋអាមេរិកតាមរយៈការចរចាដែលកំពុងបន្ត។ លោក ត្រាំ កាលពីថ្ងៃអង្គារបានគំរាមដំឡើងពន្ធ លើប្រទេសជប៉ុនដល់...

451

ព័ត៌មានជាតិ

សម្តេចតេជោ៖ តេជោសែន កើតនៅក្នុងសតវត្សទី២១

ភ្នំពេញ ៖សម្តេចតេជោ ហ៊ុន សែន ប្រធានព្រឹទ្ធសភា បានលើកឡើងថា តាំងពីអតីតកាលរបស់ខ្មែរយូរលង់ណាស់មកហើយនោះ កម្ពុជាមានគោរមងារតេជោ មានតែ៤រូបប៉ុណ្ណោះ ខណៈសម្តេចអះអាងថា ក្នុងសតវត្សទី២១នេះ គឺមានតែសម្តេចប៉ុណ្ណោះដែលទទួលបានគោរមងារពីអតីតព្រះបរមរតនកោដ្ឋ ។ នាឱកាសអញ្ជើញជួបសំណេះសំណាលជាមួយ សិស្ស និស្សិត លោកគ្រូ អ្នកគ្រូ នៅមជ្ឈមណ្ឌលអប់រំ និងបណ្ដុះបណ្ដាល ជា ស៊ីម...

544

ព័ត៌មានអន្តរជាតិ

អ៊ីរ៉ង់ ថ្កោលទោសការវាយប្រហារ របស់អ៊ីស្រាអែល និងអាមេរិក ថាជាឈ្លានពានផ្នែកយោធា

តេអេរ៉ង់៖ រដ្ឋមន្ត្រីការបរទេសអ៊ីរ៉ង់ លោក Seyed Abbas Araghchi បានជួបសន្ទនាតាមទូរស័ព្ទជាមួយប្រធានគោលនយោបាយការបរទេសសហភាពអឺរ៉ុប លោកស្រី Kaja Kallas ក្នុងអំឡុងពេលដែលលោកបានថ្កោលទោសចំពោះអ្វីដែលលោកបានពិពណ៌នាថាជា “ការឈ្លានពានផ្នែកយោធា” ដោយអ៊ីស្រាអែល និងសហរដ្ឋអាមេរិក ប្រឆាំងនឹងប្រទេសអ៊ីរ៉ង់។ ក្នុងការសន្ទនាតាមទូរស័ព្ទ លោក Araghchi បានឲ្យដឹងថា ប្រជាជនអ៊ីរ៉ង់ បានការពារយ៉ាងដាច់ខាតនូវបូរណភាពទឹកដី និងអធិបតេយ្យភាពជាតិរបស់ខ្លួនប្រឆាំងនឹងការឈ្លានពានដោយអ៊ីស្រាអែល-អាមេរិក...

266

ព័ត៌មានអន្តរជាតិ

លោក Trump ថា អ៊ីស្រាអែលយល់ព្រមលើបទឈប់បាញ់រយៈពេល ៦០ថ្ងៃនៅក្នុងតំបន់ហ្គាហ្សា និងជំរុញឱ្យក្រុមហាម៉ាស់ទទួលយកកិច្ចព្រមព្រៀងនេះ

បរទេស៖ ប្រធានាធិបតីអាមេរិក លោក Donald Trump បាននិយាយកាលពីថ្ងៃអង្គារថា អ៊ីស្រាអែលបានយល់ព្រមលើ លក្ខខណ្ឌសម្រាប់បទឈប់បាញ់រយៈពេល ៦០ ថ្ងៃ នៅក្នុងតំបន់ហ្គាហ្សា ហើយបានព្រមានក្រុមហាម៉ាស់ឱ្យទទួលយកកិច្ចព្រមព្រៀងនេះ មុនពេលលក្ខខណ្ឌកាន់តែអាក្រក់ទៅៗ។ យោងតាមសារព័ត៌មាន AP ចេញផ្សាយនៅថ្ងៃទី២ ខែកក្កដា ឆ្នាំ២០២៥ បានឱ្យដឹងថា លោក Trump បានប្រកាសពីការអភិវឌ្ឍន៍ទៅមុខ...

157

ព័ត៌មានជាតិ

ក្រុមហ៊ុនស្មាត បាននាំយកស្បៀង ៣០០០កញ្ចប់ ចែកជូនទៅដល់គ្រួសារ ដែលត្រូវបានជម្លៀសក្នុងខេត្តព្រះវិហារ

ជាការបង្ហាញពីការយកចិត្តទុកដាក់ដល់ប្រជាជនកម្ពុជា ខេត្តព្រះវិហារ៖ នាថ្ងៃទី ២៧ មិថុនា ២០២៥ក្រុមហ៊ុន Smart បានបង្ហាញការប្តេជ្ញា និងការគាំទ្រដល់ប្រជាជនកម្ពុជានៅក្នុងគ្រាលំបាក ដោយបានផ្តល់នូវស្បៀងអាហារ ចំនួន ៣.០០០ កញ្ចប់ ដើម្បីចែកជូនទៅកាន់ប្រជាជនដែលត្រូវបានជម្លៀសទៅកាន់តំបន់សុវត្ថិភាព នៅវត្តពោធិ៍ ៥០០០ដើម ក្នុងខេត្តព្រះវិហារ។ ការចែកជូននេះផងដែរ បានប្រព្រឹត្តឡើងក្រោមកិច្ចសហការយ៉ាងជិតស្និតជាមួយក្រុមប្រឹក្សាខេត្ត និងរដ្ឋបាលខេត្តព្រះវិហារ ដើម្បីគាំទ្ររាជរដ្ឋាភិបាលក្នុងការជួយដល់ប្រជាជននៅសហគមន៍ដែលត្រូវបានជម្លៀសចេញពីតំបន់ព្រំដែន។ កញ្ចប់ស្បៀងអាហារដែលប្រគល់ជូនដល់បងប្អូនប្រជាជនរួមមាន...