ព័ត៌មានជាតិ

ក្រសួងសុខាភិបាល រកឃើញអ្នកឆ្លងជំងឺកូវីដ១៩ ចំនួន ៤នាក់បន្ថែមទៀត

សែលកាត ផ្តល់ជូននូវការទូរស័ព្ទ និងផ្ញើសារដោយឥតគិតថ្លៃ ដល់វេជ្ជបណ្ឌិត និងបុគ្គលិកពេទ្យសំខាន់ៗ នៅក្នុងប្រទេស កម្ពុជា

ភ្នំពេញ៖ ថ្ងៃទី ២៧ ខែមីនា ឆ្នាំ២០២០ នៅថ្ងៃនេះ សែលកាតបានប្រកាសថា ក្រុមហ៊ុននឹងផ្តល់ជូននូវការហៅ ទូរស័ព្ទចេញនិងផ្ញើសារដោយឥតគិតថ្លៃ ដល់វេជ្ជបណ្ឌិតនិងបុគ្គលិកពេទ្យសំខាន់ៗ នៅក្នុងអំឡុងពេលនៃការប្រយុទ្ធប្រឆាំងជាមួយនឹងវីរុសកូវីដ១៩នេះ។ បុគ្គលិកមកពីសហគមន៍វេជ្ជសាស្រ្តជាង ​200 នាក់ ដែលបានចុះបញ្ជីដោយក្រសួងសុខាភិបាល បានផ្តល់ជូនរួចហើយ នូវសេវាកម្មឥតគិតថ្លៃនេះ។ ការផ្តល់ជូនពិសេសនេះ ត្រូវបានធ្វើឡើងបន្ទាប់ពី អ្នកឧកញ៉ា គិតម៉េងដែលជាប្រធានក្រុមហ៊ុនរ៉ូយ៉ាល់គ្រុប បានប្រកាសក្នុងថ្ងៃនេះនូវការដាក់ឲ្យប្រើប្រាស់ ទូរវេជ្ជសាស្រ្ត (Telemedicine) តាមរយៈបច្ចេកវិទ្យា 5G ដំបូងគេបង្អស់នៅក្នុងប្រទេសកម្ពុជា ដែលនឹងចាប់ផ្តើមដំណើរការចាប់ពីថ្ងៃច័ន្ទខាងមុខនេះតទៅ។ គំនិតផ្តួចផ្តើមទាំងពីនេះ ត្រូវបានរៀបចំឡើងក្នុងគោលបំណងដើម្បីជួយគាំទ្រទៅដល់វេជ្ជបណ្ឌិត គិលានុបដ្ឋាយិកា និងក្រសួងសុខាភិបាល ខណៈដែលពួកគេ កំពុងតែមមាញឹកប្រយុទ្ធប្រឆាំងជាមួយនឹងវីរុស កូវីដ១៩ និងកំពុងបន្តព្យាបាលអ្នកជម្ងឺដែលកំពុងត្រូវការការយកចិត្តទុកដាក់ នៅទូទាំងប្រទេសកម្ពុជា។ ក្រុមហ៊ុនសែលកាត នឹងនៅតែបន្តផ្តល់ជូនការប្រើប្រាស់សេវាកម្មដោយឥតគិតថ្លៃ ដល់បុគ្គលិកពេទ្យបន្ថែមទៀតនៅចុងសប្តាហ៍នេះ ខណៈដែលបច្ចុប្បន្ន បញ្ជីឈ្មោះបុគ្គលិកពេទ្យ កំពុងត្រូវបានបញ្ជាក់ដោយក្រសួងសុខាភិបាល។ លោក Ian Watson នាយកប្រតិបត្តិក្រុមហ៊ុន សែលកាត បានមានប្រសាសន៍ថា៖ “ក្រុមហ៊ុនសែលកាត កំពុងប្រឹងប្រែងធ្វើគ្រប់យ៉ាងដែលខ្លួនអាចធ្វើទៅបាន ដើម្បីជួយដល់អ្នកដែលកំពុងប្រយុទ្ធប្រឆាំងនៅជួរមុខ ក្នុងអំឡុងពេលដ៏ពិបាកនេះ” ។ លោកបានមានប្រសាសន៍ទៀតថា៖ “ចាប់ពីថ្ងៃនេះទៅ បុគ្គលិកពេទ្យនឹងអាចប្រាស្រ័យទាក់ទងទៅកាន់អ្នកដទៃបានដោយសេរី ជាមួយនឹងប្រព័ន្ធបណ្តាញទូរស័ព្ទរបស់ក្រុមហ៊ុនសែលកាត”។ សម្រាប់វេជ្ជបណ្ឌិតទាំងឡាយ ដែលមិនទាន់មានលេខទូរស័ព្ទរបស់បណ្តាញសែលកាត អាចទំនាក់ទំនងមកកាន់ផ្នែកបម្រើអតិថិជនរបស់ក្រុមហ៊ុនបាន បន្ទាប់មកក្រុមហ៊ុននឹងធ្វើការរៀបចំ ហើយនាំយកស៊ីមកាតទៅជូនដល់ទីកន្លែងដោយឥតគិតថ្លៃតែម្តង។ លោកអ្នកអាចទាក់ទងមកកាន់ភ្នាក់ងារបម្រើអតិថិជនរបស់សែលកាតបានតាមរយៈលេខទូរស័ព្ទ 012 812 812 (និង 812 សម្រាប់អតិថិជនសែលកាត)៕

រាជរដ្ឋាភិបាល​ ស្នេីរដ្ឋសភាផ្លាស់ប្ដូរ រដ្ឋមន្រ្តីក្នុងក្រសួងចំនួន៥និងតែងតាំង ទេសរដ្ឋមន្រ្តី៥រូប

រាជរដ្ឋាភិបាល​ ស្នេីរដ្ឋសភាផ្លាស់ប្ដូរ រដ្ឋមន្រ្តីក្នុងក្រសួងចំនួន៥និងតែងតាំង ទេសរដ្ឋមន្រ្តី៥រូប

ក្រសួងយុត្តិធម៌ សម្រេចថ្វាយ សំណើរទៅព្រះមហាក្សត្រ សុំប្រោសព្រះរាជទាន អនុគ្រោះទោស ដល់ទណ្ឌិតសរុប ១៥៥ នាក់

ភ្នំពេញ ៖ លោក គឹម សន្តិភាព អ្នកនាំពាក្យ ក្រសួងយុត្តិធម៌ បានឲ្យដឹងថា ក្រសួងបានសម្រេចទួលថ្វាយព្រះមហាក្សត្រ ប្រោសព្រះរាជទានអនុគ្រោះទោស ដល់ទណ្ឌិតសរុប ១៥៥ នាក់ ក្នុងចំណោមទណ្ឌិតសរុប៣៩៩នាក់ ដែលបានស្នើសុំអនុគ្រោះទោស កាលពីពេលថ្មីៗនេះ។ លោក គឹម សន្តិភាពបានសរសេរ ក្នុងបណ្ដាញ ទំនាក់ទំនងសង្គមតេឡេក្រាម នៅថ្ងៃទី២៧មីនានេះថា...

ដើរមករកសង្សារ ប្រទះឃើញម៉ូតូទុកចោល លួចយក គេចខ្លួនបាន៣ថ្ងៃ ត្រូវជាប់ខ្នោះ

ភ្នំពេញ ៖ បុរសជនសង្ស័យម្នាក់ ត្រូវកម្លាំងនគរបាល ឃាត់ខ្លួន ពេលជិះម៉ូតូឌុបមករកសង្សារ ហើយប្រទះឃើញម៉ូតូទុកចោល ក៏ធ្វើសកម្មភាពលួច យកគេចខ្លួន បានរយះពេល៣ថ្ងៃ នគរបាលចាប់វាយខ្នោះ ។ ហេតុការនេះកើតឡើង កាលវេលាម៉ោង១០និង០០នាទីព្រឹកថ្ងៃទី២៧ ខែ មីនា ឆ្នាំ ២០២០ ចំណុចបុរីឧទ្យាបាសាក់ ស្ថិតនៅភូមិ១០ តាមផ្លូវព្រះនរោត្តម សង្កាត់ទន្លេបាសាក់...

ក្រសួងមហាផ្ទៃ ចេញលិខិតជម្រាបជូន អភិបាលរាជធានី-ខេត្ត ស្ដីពីវិធានការគ្រប់គ្រងពលរដ្ឋខ្មែរ ដែលវិលត្រលប់ មកពីប្រទេសថៃ ចូលមកកម្ពុជា

សម្តេចតេជោ ហ៊ុន សែន ថ្លែងអំណរគុណ ឯកឧត្តម ប៉ា សុជាតិវង្ស និងលោកជំទាវ ដែលឧបត្ថម្ភថវិកា ១ម៉ឺនដុល្លារ ដើម្បីរួមចំណែកប្រយុទ្ធ នឹងជំងឺកូវីដ១៩

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានចេញលិខិតមួយថ្លែងអំណរគុណ និងកោតសរសើរដល់ ឯកឧត្តម ប៉ា សុជាតិវង្ស និងលោកជំទាវ ដែលឧបត្ថម្ភថវិកា ១ម៉ឺនដុល្លារអាមេរិក ដល់រាជរដ្ឋាភិបាលកម្ពុជា ក្នុងប្រតិបត្តិការប្រយុទ្ធនឹងជំងឺកូវីដ១៩ ដែលកំពុងតែគំរាមកំហែង ដល់សុខភាព និងអាយុជីវិតប្រជាជនកម្ពុជា ។