ភ្នំពេញ: នៅព្រឹកថ្ងៃទី២០ ខែតុលា ឆ្នាំ២០២០ ជំនន់ទឹកភ្លៀង នៅក្រុងប៉ោយប៉ែត បន្តឡើងខ្លាំង ទោះគ្មានភ្លៀង តែទឹកនៅតែបន្តហូរធ្លាក់មកពីថៃ ពេលនេះបន្តឲ្យលិចលុងលំនៅដ្ឋានពលរដ្ឋរាប់ពាន់គ្រួសារ។
គិតត្រឹមម៉ោងនេះ អាងទឹកអូរខៃដន ទឹកឡើងយ៉ាងគំហុក បានបណ្តាលឲ្យបាក់ទំនប់ទឹកហើយ ពេលនេះទឹកបានហូរកាត់ លើផ្លូវជាតិលេខ៥ យ៉ាងធ្ងន់ធ្ងរ ត្រង់ចំនុចភូមិកូនដំរី សង្កាត់និមិត្ត ក្រហមប៉ោយប៉ែត ខេត្តបន្ទាយមានជ័យ។
ផ្ទាំងពាណិជ្ជកម្ម
ពេលនេះអាជ្ញាធរ បានដឹកនាំកម្លាំងនគរបាល យោធា និងកងរាជអាវុធហត្ថ ប្រជាការពារចុះទៅជួយ អន្តរាគមន៍គោលដៅកើតហេតុ ដើម្បីជួយសម្រួលចរាចរណ៍ ជៀសវាង មានអ្នកដំណើរជិះឡាន ម៉ូតូ អាចរសាត់តាមទឹក ឬជួបគ្រោះថ្នាក់ជាយថាហេតុ ៕
