សេអ៊ូល៖ ឯកអគ្គរដ្ឋទូតកូរ៉េខាងជើងប្រចាំ នៅអង្គការសហប្រជាជាតិ បានជំរុញឱ្យសហរដ្ឋអាមេរិក អនុវត្តកិច្ចព្រមព្រៀងកាលពីឆ្នាំមុនរវាងមេដឹកនាំកូរ៉េខាងជើងលោកគីម ជុងអ៊ុន និងប្រធានាធិបតីអាមេរិកលោក ដូណាល់ ត្រាំ ដោយថាប្រទេសទាំងពីរមានការរីកចម្រើនតិចតួចនៅក្នុងទំនាក់ទំនងដោយសារតែ“ ការបង្កហេតុនយោបាយ និងយោធា “ដោយអាមេរិក។
ឯកអគ្គរដ្ឋទូតលោក គីម សុង បានធ្វើការរិះគន់យ៉ាងខ្លាំងនៅក្នុងសុន្ទរកថាមួយនៅឯកិច្ចប្រជុំមហាសន្និបាត អង្គការសហប្រជាជាតិ ស្តីពីទីភ្នាក់ងារថាមពលបរមាណូអន្តរជាតិ ដែលជាអង្គការមួយដែលលោក បានចោទប្រកាន់ពីបទ“ ភាពល្ងង់ខ្លៅនៃភាពពិត ដែលកំពុងកើតមាននៅឧបទ្វីបកូរ៉េ” ។
លោកគីម ជុងអ៊ុន និងលោក ដូណាល់ ត្រាំ បានបើកកិច្ចប្រជុំកំពូលលើកដំបូងនៅប្រទេសសឹង្ហបូរី កាលពីខែមិថុនា ឆ្នាំ២០១៨ ហើយបានយល់ព្រម“ ធ្វើការឆ្ពោះទៅរក” ការលុបបំបាត់អាវុធនុយក្លេអ៊ែរទាំងស្រុងនៅឧបទ្វីបកូរ៉េ ជាថ្នូរនឹងការធានាសន្តិសុខរបស់សហរដ្ឋអាមេរិក៕
ដោយ ឈូក បូរ៉ា
