វែលលីងតុន៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១១ ខែធ្នូ ឆ្នាំ២០១៩ថា ប៉ូលិសណូវែលសេឡង់ បានប្រកាសឲ្យដឹង តាមរយៈសេចក្តីប្រកាសព័ត៌មានមួយ ដែលបានចុះផ្សាយ ដោយប្រព័ន្ធផ្សព្វផ្សាយនៅព្រឹកថ្ងៃ ពុធនេះថា នាពេលឥឡូវនេះ ពលរដ្ឋចំនួន២៥នាក់ បានរងរបួសធ្ងន់ធ្ងរ ក្រោយពីមាករណីផ្ទុះភ្នំភ្លើងដ៏ខ្លាំង ដែល បានកើតឡើងកាលពីថ្ងៃចន្ទ ។
ប៉ូលិសបានឲ្យដឹងថា ភ្នំភ្លើងបានផ្ទុះឡើង នៅលើដែនកោះ White Island ដែលជាលទ្ធផល បានសម្លាប់មនុស្ស អស់ចំនួន៦នាក់រួចមកហើយ និងមនុស្សចំនួន៨នាក់ កំពុងបាត់ខ្លួន ជាមួយគ្នានេះដែរ មនុស្សចំនួន៣០នាក់ស្ថិត ក្នុងការព្យាបាលនៅមន្ទីរពេទ្យ ទូទាំងប្រទេសណូវែលសេឡង់ ។ មនុស្សចំនួន២៥នាក់ ត្រូវបានគេដឹងថា មាន ស្ថានភាពធ្ងន់ធ្ងរបំផុត ។
ប្រតិបត្តិការនៃការរុករក និងជួយសង្គ្រោះដល់ជនរងគ្រោះ កំពុងបន្តដំណើរការធ្វើនៅឡើយទេ ៕ ប្រែសម្រួលដោយ៖ ម៉ៅ បុប្ផាមករា
