ព័ត៌មានអន្តរជាតិ

អាមេរិកដាក់ទណ្ឌកម្ម លើនាយកប្រតិបត្តិហុងកុង លោកស្រី Carrie Lam ជុំវិញការបង្ក្រាបប្រជាធិបតេយ្យ

វ៉ាស៊ីនតោន៖ សហរដ្ឋអាមេរិក បានដាក់ទណ្ឌកម្ម លើនាយកប្រតិបត្តិហុងកុង លោកស្រី Carrie Lam កាលពីថ្ងៃសុក្រ ចំពោះតួនាទីរបស់លោកស្រី ក្នុងការបង្ក្រាបលើសេរីភាពនយោបាយ នៅក្នុងតំបន់។

យោងតាមសារព័ត៌មាន CNN ចេញផ្សាយកាលពីថ្ងៃទី៧ ខែសីហា ឆ្នាំ២០២០ បានឱ្យដឹង ដោយផ្អែកតាមការលើកឡើង របស់អ្នកជំនាញថា ការដាក់ទណ្ឌកម្មលើ លោកស្រី Carrie Lam គឺជាការបង្កើនភាពតានតឹង គួរឱ្យកត់សម្គាល់។ សកម្មភាពកាលពីថ្ងៃសុក្រ ប្រឆាំងនឹងលោកស្រី Carrie Lam និងមនុស្ស ១០ នាក់ផ្សេងទៀត ទំនងជានឹងបង្កភាពតានតឹងបន្ថែមទៀត រដ្ឋាភិបាលទីក្រុងរវាងវ៉ាស៊ីនតោន និង រដ្ឋាភិបាលទីក្រុងប៉េកាំង។ នេះគឺជាវិធានការថ្មីបំផុត ក្នុងការឆ្លើយតបទៅនឹងចិន ដែលបានដាក់ចេញ ច្បាប់សន្តិសុខជាតិដ៏ធំមួយ លើទីក្រុងហុងកុង ដែលជាបទឧក្រិដ្ឋ នៃការបែកបាក់ការធ្វើវិទ្ធង្សនា អំពើភេរវកម្ម និងការជ្រៀតជ្រែកពីបរទេស។

ក្រសួងហិរញ្ញវត្ថុអាមេរិក បាននិយាយនៅក្នុងសេចក្តីថ្លែងការណ៍មួយថា “ បុគ្គលទាំង ១១ នាក់ដែលត្រូវបានចាត់តាំងនៅថ្ងៃនេះ បានអនុវត្តគោលនយោបាយ ដែលមានគោលបំណងផ្ទាល់ ដើម្បីទប់ស្កាត់សេរីភាព នៃការបញ្ចេញមតិ និងការជួបជុំ និងដំណើរការប្រជាធិបតេយ្យ ហើយត្រូវទទួលខុសត្រូវ ជាបន្តបន្ទាប់ ចំពោះការរិចរិលនៃស្វ័យភាពរបស់ហុងកុង។

លោកស្រីនាយកប្រតិបត្តិហុងកុង បានការពារច្បាប់ដ៏ចម្រូងចម្រាស់នេះថា ជា“ ជំហានដ៏សំខាន់ ដើម្បីបញ្ចប់ភាពវឹកវរ និងអំពើហិង្សា ដែលបានកើតឡើង ក្នុងរយៈពេលប៉ុន្មានខែកន្លងមកនេះ” ។

លោកស្រី បាននិយាយកាលពីខែកក្កដាថា “ វាជាច្បាប់មួយ ដែលត្រូវបានណែនាំ ដើម្បីការពារហុងកុងឱ្យមានសុវត្ថិភាព” ។ ច្បាប់មានច្បាប់រដ្ឋធម្មនុញ្ញ និងសមហេតុផល៕ ប្រែសម្រួលៈ ណៃ តុលា

To Top
×