ព័ត៌មានអន្តរជាតិ

អាមេរិកអះអាងថា រាល់ការដាក់ទណ្ឌកម្មយូអិន លើអ៊ីរ៉ង់ ត្រូវបានស្តារឡើងវិញ ប៉ុន្តែខ្វះការគាំទ្រ

វ៉ាស៊ីនតោន៖ រដ្ឋាភិបាលសហរដ្ឋអាមេរិក បានប្រកាសថា រាល់ការបញ្ចប់ទណ្ឌកម្ម របស់អង្គការសហប្រជាជាតិ លើអ៊ីរ៉ង់ត្រូវបានស្តារឡើងវិញ ដោយមិនមានការធានា នូវការគាំទ្រយ៉ាងទូលំទូលាយ ចំពោះការផ្លាស់ប្តូរ ពីសហគមន៍អន្តរជាតិឡើយ។

សហរដ្ឋអាមេរិក បានប្រើយន្តការ “ថយក្រោយ” នៅក្នុងសេចក្តីសម្រេចចិត្ត របស់ក្រុមប្រឹក្សាសន្តិសុខ អង្គការសហប្រជាជាតិ ដែលបានយល់ព្រម លើកិច្ចព្រមព្រៀងពហុភាគីឆ្នាំ ២០១៥ ដែលផ្លាស់ប្តូរការបន្ធូរបន្ថយ ការដាក់ទណ្ឌកម្ម សម្រាប់ដែនកំណត់ លើកម្មវិធីនុយក្លេអ៊ែររបស់អ៊ីរ៉ង់។

នៅក្នុងនោះដែរ រដ្ឋបាលរបស់ប្រធានាធិបតីអាមេរិក លោក ដូណាល់ ត្រាំ បានដកសហរដ្ឋអាមេរិក ចេញពីកិច្ចព្រមព្រៀងក្នុងឆ្នាំ ២០១៨ ដោយមើលឃើញថា វាមានគុណវិបត្តិ។

រដ្ឋមន្រ្តីការបរទេស លោក Mike Pompeo បានឲ្យដឹងថា សហរដ្ឋអាមេរិក បានចាត់វិធានការសម្រេចចិត្ត ពីព្រោះអ៊ីរ៉ង់ មិនបានគោរពការប្តេជ្ញាចិត្តរបស់ខ្លួន ក្រោមកិច្ចព្រមព្រៀងនេះទេ ហើយដោយសារតែ UNSC បានបរាជ័យ ក្នុងការពង្រីកការដាក់ទណ្ឌកម្មអាវុធ របស់អង្គការសហប្រជាជាតិទៅលើអ៊ីរ៉ង់ ដែលបានកើតឡើង អស់រយៈពេលជាយូរមកហើយនោះ៕ ដោយ៖ ឈូក បូរ៉ា

To Top
×