ព័ត៌មានអន្តរជាតិ

មន្ត្រីអាមេរិកតៃវ៉ាន់ថា ត្រូវការកញ្ចប់ថវិកាយោធា កាន់តែធំ

បរទេស៖ មន្រ្តីជាន់ខ្ពស់ សហរដ្ឋអាមេរិកមួយរូប បាននិយាយនៅក្នុងទីក្រុងតៃប៉ិថា កោះតៃវ៉ាន់ ត្រូវតែចាំបាច់បង្កើនកញ្ចប់ថវិការ ការពារជាតិរបស់ខ្លួន ដើម្បីទប់ទល់ នឹងការគម្រាមកំហែងយោធាណាមួយ ពីប្រទេសចិន នេះបើតាមការចេញផ្សាយ របស់ទីភ្នាក់ងារសារព័ត៌មាន UPI នៅថ្ងៃទី០៨ ខែតុលា ឆ្នាំ២០២០។

ទីភ្នាក់ងារសារព័ត៌មាន South China Morning Post បានរាយការណ៍ថា លោក David Henley អនុរដ្ឋមន្ត្រីការពារជាតិអាមេរិក ទទួលបន្ទុកកិច្ចការសន្តិសុខឥណ្ឌូប៉ាស៊ីហ្វិក បាននិយាយប្រាប់សន្និសីទ ឧស្សាហកម្មការពារជាតិ អាមេរិក-តៃវ៉ាន់ថា សំណើបង្កើន១,៤ពាន់លានដុល្លារបស់តៃវ៉ាន់ ក្នុងកញ្ចប់ថវិកាការពារជាតិ គឺមិនគ្រប់គ្រាន់ទេ។

លោក David Henley បានមានប្រសាសន៍យ៉ាងដូច្នេះថា “ប៉ុន្តែទន្ទឹមនឹងការបោះជំហាន ក្នុងទិសដៅដ៏ត្រឹមត្រូវនោះ ការបង្កើនទាំងនេះ គឺនៅមិនគ្រប់ល្មម ដើម្បីធានាថា តៃវ៉ាន់អាចប្រើប្រាស់ភូមិសាស្ត្រ បច្ចេកវិទ្យាទំនើប កម្លាំងពលកម្ម និងចំនួនប្រជាជនស្នេហាជាតិ ដើម្បីនាំទៅរកអត្ថប្រយោជន៍ចាំបាច់ សម្រាប់កិច្ចការពារជាតិ ប្រកបដោយភាពធន់នោះទេ”៕ ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top