ព័ត៌មានអន្តរជាតិ

ឥណ្ឌា មានអ្នកឆ្លងជំងឺកូវីដ១៩ កើនឡើងដល់ជិត ៧លាននាក់ បន្ទាប់ពីមានអ្នកឆ្លងថ្មី ចំនួនជាង៧ម៉ឺននាក់

ញ៉ូដេលី៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១០ ខែតុលា ឆ្នាំ២០២០ថា ក្រសួងសុខាភិបាលសហព័ន្ធបានចេញទិន្នន័យចុងក្រោយឲ្យដឹងថា សរុបអ្នកឆ្លងជំងឺកូវីដ១៩នៅក្នុងប្រទេសឥណ្ឌា បានបន្តកើនឡើង និងមានអ្នកឆ្លងជំងឺជិត៧លាននាក់ ដែលមានអ្នកឆ្លងជំងឺថ្មីចំនួន៧៣.២៧២នាក់ ក្នុងរយៈពេល២៤ម៉ោងកន្លងទៅនេះ ដោយគិតត្រឹមថ្ងៃសៅរ៍នេះមានចំនួន៦.៩៧៩.៤២៣នាក ។

ជាមួយគ្នានេះដែរ ចំនួនអ្នកស្លាប់ដោយសារជំងឺគិតត្រឹមព្រឹកថ្ងៃសុក្រមានចំនួន៩២៦នាក់ ដែលនាំឲ្យចំនួនអ្នកស្លាប់សរុបកើនឡើងដល់ ១០៧.៤១៦នាក់ ។

រហូតដល់ពេលនេះ ឥណ្ឌា នៅតែមានអ្នកជំងឺចំនួន៨៨៣.១៨៥ករណី នៅក្នុងប្រទេស ទន្ទឹមនឹងនេះដែរ ពលរដ្ឋចំនួន៥.៩៨៨.៨២២នាក់បានជាសះស្បើយទាំងស្រុង និងបានចាកចេញពីមន្ទីរពេទ្យ ៕

ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top