ព័ត៌មានអន្តរជាតិ

ប្រធានាធិបតីចិន និយាយចង់ធ្វើឲ្យកាន់តែស៊ីជម្រៅ នូវចំណងមិត្តភាព ជាមួយកូរ៉េខាងជើង

បរទេស ៖ នៅក្នុងសារអបអរសាទរផ្ញើជូនលោក គីម ជុងអ៊ុន សម្រាប់គម្រប់ខួបបង្កើតបក្សពលករកូរ៉េ ប្រធានាធិបតីចិន លោក ស៊ី ជីនពីង តាមសេចក្តីរាយការណ៍ បានមានប្រសាសន៍ថា លោកចង់ធ្វើឲ្យកាន់តែស៊ីជម្រៅ នូវចំណងមិត្តភាពជាមួយទីក្រុងព្យុងយ៉ាង។

ទីភ្នាក់ងារសារព័ត៌មានកូរ៉េខាងជើង KCNA បានដកស្រង់សម្តីលោក ស៊ី ជីនពីងថា “យើងមានបំណងចង់ការពារ យ៉ាងជោគជ័យ ពង្រឹងនិងអភិវឌ្ឍចំណងមិត្តភាពចិន-កូរ៉េ រួមជាមួយសមមិត្តនិងប្រជាជនកូរ៉េ ជំរុញការអភិវឌ្ឍបុព្វហេតុសង្គមនិយម ដ៏យូរអង្វែងស្ថិតថេររបស់ប្រទេសទាំងពីរ”។

គួរបញ្ជាក់ថា ថ្ងៃសៅរ៍នេះ គឺជាគម្រប់ខួបលើកទី៧៥នៃការបង្កើតបក្សពលករកូរ៉េ ហើយព្រឹត្តិការណ៍នានា ត្រូវបានគេរំពឹងនឹងរួមបញ្ចូល ជាមួយព្យុហយាត្រាយោធាដ៏ធំមួយ ដែលមានទំាងមីស៊ីលផ្លោងវាយប្រហារ ក្នុងចម្ងាយឆ្ងាយខ្លះៗរបស់កូរ៉េខាងជើង សម្រាប់ជាលើកដំបូង គិតចាប់តាំងពីឆ្នាំ២០១៨មក៕
ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top