តូក្យូ៖ ពិធីបុណ្យ Halloween នៅប្រទេសជប៉ុនត្រូវបានគេរំពឹងថា នឹងត្រូវបានប្រារព្ធធ្វើតាមរបៀបថ្មីនៅឆ្នាំនេះ នៅតាមព្រឹត្តិការណ៍គម្លាតសង្គម ឬតាមអ៊ិនធរណេត ជាមួយនឹងការបង្ហាញការតុបតែងមុខរបស់ពួកគេ ខណៈដែលការប៉ុនប៉ងត្រូវបានធ្វើ ឡើងដើម្បីការពារការរីករាល ដាលនៃមេរោគឆ្លង។
យោងតាមសារព័ត៌មាន Kyodo News ចេញផ្សាយនៅថ្ងៃទី២២ ខែតុលា ឆ្នាំ២០២០ បានឱ្យដឹងថា ចំពេលមានការព្រួយបារម្ភថា តំបន់ Shibuya ដែលល្បីល្បាញអាចក្លាយជាចំណុចក្តៅនៃការចម្លងវីរុស ដែលគួរតែមានមនុស្សរាប់ម៉ឺននាក់ជួបជុំគ្នានៅទីនោះនៅថ្ងៃទី ៣១ ខែតុលា ដូចកាលពីអតីតកាល ជាមួយគ្នានោះដែរ អភិបាលក្រុងលោក Ken Hasebe កាលពីថ្ងៃព្រហស្បតិ៍បានស្នើសុំឱ្យ ប្រជាជនជៀសវាង ពីការធ្វើដូច្នេះនៅឆ្នាំនេះ និងចូលរួមព្រឹត្តិការណ៍តាម ប្រព័ន្ធអនឡាញជំនួសវិញ។
លោក Hasebe បានថ្លែងនៅក្នុងសន្និសីទសារព័ត៌មានថា “សូមកុំមកចូលរួមក្នុងពិធីបុណ្យ Halloween នៅឆ្នាំនេះ” ។ ខ្ញុំចង់អោយអ្នកជៀសវាងពីភាពអ៊ូអរនៅតាមដងផ្លូវនិងពិចារណាវិធីផ្សេងទៀតដើម្បីអបអរក្នុងពេលមានជំងឺរាតត្បាត៕
ប្រែសម្រួលៈ ណៃ តុលា
