ក្រុមអ្នករាជានិយមជ្រុល នៅប្រទេសថៃ បង្កើតគណបក្ស ដើម្បីការពារព្រះមហាក្សត្រ

បរទេស៖ ក្រុមរាជានិយមជ្រុល បានបង្កើតគណបក្សនយោបាយថ្មី មួយនៅថ្ងៃពុធ ដើម្បីការពារព្រះមហាក្សត្រ ចំពេលមានការអំពាវនាវ ដែលមិនធ្លាប់មានពីមុនមក ដើម្បីធ្វើកំណែទម្រង់របបរាជានិយម ដោយចលនាតវ៉ា ដែលដឹកនាំដោយយុវជន។

យោងតាមសារព័ត៌មាន Bankok Post ចេញផ្សាយនៅថ្ងៃទី២០ ខែមករា ឆ្នាំ២០២១ បានឱ្យដឹងថា គណបក្ស Thai Pakdee (ថៃ ស្មោះត្រង់) គឺជាមែកធាង នៃក្រុមរាជានិយម ដែលមានឈ្មោះដូចគ្នា ដែលបានបង្កើត ឡើងកាលពីខែសីហា ដើម្បីប្រឆាំងនឹងការធ្វើបាតុកម្ម នៅតាមដងផ្លូវ ដោយមានការប្រមូលផ្តុំ គាំទ្រព្រះមហាក្សត្រ ។

អ្នកនយោបាយជើងចាស់ លោក Warong Dechgitvigrom នឹងដឹកនាំគណបក្សថ្មី ដែលលោកបាននិយាយថា នឹងប្រយុទ្ធជាមួយក្រុមនយោបាយ ដែលមានចេតនាពិត ដើម្បីផ្តួលរំលំរបបរាជានិយម ។ លោក Warong បានប្រាប់សន្និសីទសារព័ត៌មានថា “មុនពេលយើងការពារ … ថ្ងៃនេះយើងប្រកាសសង្គ្រាមយើង នឹងប្រយុទ្ធ ដើម្បីការពាររាជាធិបតេយ្យ” ៕ប្រែសម្រួលៈ ណៃ តុលា