ព័ត៌មានអន្តរជាតិ

ខេត្តជ្វាលិច របស់ប្រទេសឥណ្ឌូនេស៊ី រងការជន់លិចយ៉ាងខ្លាំង ដោយគ្រោះទឹកជំនន់

ឥណ្ឌូនេស៊ី៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៣ ខែកុម្ភៈ ឆ្នាំ២០២១ថា នៅខេត្តជ្វាលិច របស់ប្រទេសឥណ្ឌូនេស៊ី បានរងការជន់លិចយ៉ាងខ្លាំង ដោយសារគ្រោះទឹកជំនន់ ។

ដោយសារតែភ្លៀងធ្លាក់យ៉ាងគំហុក បានបង្កជាគ្រោះទឹកជំនន់ឡើង នៅក្នុងទឹកដីខេត្តជ្វាលិច របស់ប្រទេសឥណ្ឌូនេស៊ី និងលំហូនៃទឹកទន្លេ Citarum River បានហូរខ្លាំងផងដែរ ។

លំនៅដ្ឋានពលរដ្ឋជាច្រើននៅក្នុងខេត្តនេះ ហ៊ុមព័ទ្ធជុំវិញទៅដោយទឹកល្ហល្ហាច ។

ការធ្វើដំណើរនៅតាមដងផ្លូវជួបការលំបាក ដោយសារទឹកជន់លិចគ្រប់កន្លែង នៅក្នុងខេត្តជ្វាលិច នៃប្រទេសនេះ ។

គ្រោះទឹកជំនន់នេះ បានបង្កឡើងដោយសារកម្រិតទឹកភ្លៀង ដែលបានធ្លាក់ចុះខ្លំាង បង្កជាទឹកជំនន់គិតត្រឹមថ្ងៃចន្ទ ម្សិលមិញ៕ ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។

All rights reserved by: DAP News

To Top
×