រដ្ឋាភិបាលហុងកុង មិនអនុញ្ញតឲ្យក្រុមហ៊ុនអាកាសចរណ៍សិង្ហបុរី Singapore Airlines ចុះចតឡើយ ក្រោយពីរកឃើញមានដិតដាមវីរុសនៅលើយន្តហោះហុងកុង៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី០៣ ខែមេសា ឆ្នំា២០២១ថា មជ្ឈមណ្ឌលគ្រប់គ្រង រដ្ឋាភិបាលហុងកុងបានឲ្យដឹងកាលពីថ្ងៃសុក្រថា ក្រុមហ៊ុនអាកាសចរណ៍របស់សិង្ហបុរី Singapore Airlines ហៅកាត់ថា (SIA) ដែលបានធ្វើដំណើរចេញពីសិង្ហបុរី នឹងមិនត្រូវបានអនុញ្ញាតឱ្យចុះចត នៅក្រុងហុងកុងចាប់ពីថ្ងៃសៅរ៍ (ថ្ងៃទី ៣ ខែមេសាដល់ថ្ងៃទី ១៦ ខែមេសា) ។
សេចក្តីប្រកាសនេះបានចេញសេចក្តីប្រកាស ព័ត៌មានជារៀងរាល់ថ្ងៃដោយផ្តល់ព័ត៌មានថ្មីៗ និងតួលេខអ្នកឆ្លងជំងឺកូវីដ១៩ កើតឡើងនៅទីក្រុងនេះ ។
សេចក្តីប្រកាសព័ត៌មាន កាលពីថ្ងៃសុក្របានបញ្ជាក់ថា អ្នកដំណើរនៅលើជើងហោះហើរ SQ882 ដែលហោះហើរពីប្រទេសសឹង្ហបុរី មកកាន់ក្រុងហុងកុង នៅថ្ងៃទី ៣១ ខែមីនា ត្រូវបានបញ្ជាក់ថា នៅលើយន្តហោះមានដិតដាមវីរុសបង្កជំងឺកូវីដ១៩ ដែលប្រមូលសំណាកបាននៅឯមជ្ឈមណ្ឌលប្រមូលសំណាក បណ្តោះអាសន្នរបស់មន្ទីរសុខាភិបាលក្រុងហុងកុង ។
លើសពីនេះទៀត អ្នកដំណើរ០៣នាក់ក៏ “បានបរាជ័យក្នុងការអនុលោមតាមតម្រូវការដែលបានបញ្ជាក់នៅក្រោមការការពារ និងការត្រួតពិនិត្យជំងឺ (បទបញ្ជានៃការឆ្លងព្រំដែន និងអ្នកដំណើរ) នោះគឺ (បទបញ្ជាលេខ៥៩៩ H )” ។
យោងតាមគេហទំព័ររដ្ឋាភិបាលហុងកុង ស្តីអំពីជំងឺកូវីដ១៩ បានបញ្ជាក់ថា តម្រូវការដែលមានចែងក្នុងជំពូក៥៩៩H គឺទាក់ទងនឹងការដាច់ពីគ្នា ។
សេចក្តីជូនដំណឹងបានបញ្ជាក់ថា “នាយកដ្ឋានសុខាភិបាលក្រុងហុងកុង បានអំពាវនាវឱ្យមានបទបញ្ជាហាមឃាត់ ការចុះចតជើងហោះហើរ ហើយរអ្នកដំណើរពីសិង្ហបុរីដែលបាមធ្វើដំណើរតាមរយៈក្រុមហ៊ុនអាកាសចរណ៍សិង្ហបុរី នៅក្រុងហុងកុង ពីថ្ងៃទី០៣ ដល់ទី១៦ ខែមេសា ឆ្នាំ២០២១” ៕
ប្រែសម្រួលដោយ៖ ម៉ៅ បុប្ផាមករា