ព័ត៌មានអន្តរជាតិ

កូរ៉េខាងជើង ទំនងជានឹងមិនបង្កហេតុធំៗ មុនកិច្ចប្រជុំកំពូល រវាងអាមេរិក-កូរ៉េខាងត្បូង នោះឡើយ

សេអ៊ូល ៖ រដ្ឋមន្រ្តីក្រសួងបង្រួបបង្រួម លោក Lee In-young បានឲ្យដឹងនៅថ្ងៃសុក្រនេះថា ប្រទេសកូរ៉េខាងជើង ទំនងជាមិនអនុវត្តការ បង្កហេតុធំ ៗ នៅមុនកិច្ចពិភាក្សាកំពូល រវាងសហរដ្ឋអាមេរិក និងកូរ៉េខាងត្បូង ដែលគ្រោងធ្វើនៅចុង ខែនេះទេ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។

លោកបានប្រាប់កម្មវិធីវិទ្យុក្នុងស្រុកមួយថា “យើងមិនអាចបដិសេធ រាល់លទ្ធភាពរបស់កូរ៉េខាងជើង ក្នុងការបង្កើនភាពតានតឹងនោះទេ ប៉ុន្តែអ្នកជំនាញជាច្រើនលើកឡើងថា ឱកាសនៃការបង្កើន ភាពតានតឹងខាងយោធា នៅចំពោះមុខកិច្ចប្រជុំ កំពូលកូរ៉េខាងត្បូង – អាមេរិក នៅតែមានកម្រិតទាប” ។

លោកបានបន្ថែមថា“ ខ្ញុំគិតថា គឺដោយសារតែប្រទេស កូរ៉េខាងជើង ត្រូវតែដឹងច្បាស់ហើយថាអ្វីៗ បានកើតឡើងគួរឱ្យស្ញប់ស្ញែងខ្លាំង ក្នុងអំឡុងពេលរដ្ឋបាលអតីតប្រធានាធិបតីអាមឹរិក លោកអូបាម៉ា ហើយខ្លួននឹងមិនធ្វើឱ្យមានកំហុស បែបនេះទៀតនោះទេ” ។

កាលពីថ្ងៃអាទិត្យ ប្រទេសកូរ៉េខាងជើង បានស្តីបន្ទោសយ៉ាងខ្លាំងដល់លោកប្រធានាធិបតីលោក ចូ បៃដិន ចំពោះការធ្វើឱ្យមានកំហុសធំៗ នៃការហៅកម្មវិធីនុយក្លេអ៊ែរ របស់ខ្លួនថា ជាការគំរាមកំហែងដ៏ធ្ងន់ធ្ងរ ដោយព្រមានសហរដ្ឋអាមេរិក នឹងប្រឈមនឹងវិបត្តិកាន់តែអាក្រក់ ជាងនេះទៅទៀត។

ពាក្យសម្តីអាក្រក់ៗ នេះបានកើតឡើង បន្ទាប់ពីសហរដ្ឋអាមេរិក បានលើកឡើងថា ការត្រួតពិនិត្យគោលនយោបាយ រយៈពេលមួយខែរបស់ខ្លួន លើប្រទេសកូរ៉េខាងជើង ត្រូវបានបញ្ចប់ ដោយផ្តល់លទ្ធផលជាទ្រង់ទ្រាយធំ ដោយអះអាងថា គោលដៅរបស់ទីក្រុងវ៉ាស៊ីនតោន នៅតែជាការរំសាយ អាវុធនុយក្លេអ៊ែរ ទាំងស្រុងនៃឧបទ្វីបកូរ៉េ៕

ដោយ ឈូក បូរ៉ា

To Top